Dinesh Karthik: టీ20 వరల్డ్ కప్ టీమిండియా జట్టులో దినేష్ కార్తీక్..?
ఇండియన్ ప్రీమియర్ లీగ్ (ఐపీఎల్ 2024)లో అద్భుతమైన ఫామ్లో ఉన్న అనుభవజ్ఞుడైన వికెట్ కీపర్-బ్యాట్స్మెన్ దినేష్ కార్తీక్ (Dinesh Karthik) మళ్లీ భారత్కు ఆడాలనే తన కలను వదులుకోలేదు.
- By Gopichand Published Date - 02:00 PM, Sun - 21 April 24
![Dinesh Karthik: టీ20 వరల్డ్ కప్ టీమిండియా జట్టులో దినేష్ కార్తీక్..?](https://d1x8bgrwj9curj.cloudfront.net/wp-content/uploads/2022/05/dinesh-karthik-rcb.jpg)
Dinesh Karthik: ఇండియన్ ప్రీమియర్ లీగ్ (ఐపీఎల్ 2024)లో అద్భుతమైన ఫామ్లో ఉన్న అనుభవజ్ఞుడైన వికెట్ కీపర్-బ్యాట్స్మెన్ దినేష్ కార్తీక్ (Dinesh Karthik) మళ్లీ భారత్కు ఆడాలనే తన కలను వదులుకోలేదు. వచ్చే నెలలో అమెరికా, వెస్టిండీస్లో జరగనున్న టీ20 ప్రపంచకప్లో పాల్గొనేందుకు శాయశక్తులా ప్రయత్నిస్తానని కార్తీక్ చెప్పాడు. 39 ఏళ్ల కార్తీక్ 2022లో ఆస్ట్రేలియాలో జరిగిన చివరి టీ20 ప్రపంచకప్లో కూడా భాగమయ్యాడు. అయితే ఆ టోర్నమెంట్ తర్వాత అతను క్రికెట్ మైదానంలో ఆఫ్-ఫీల్డ్ క్రికెట్ విశ్లేషకుడి పాత్రలో కనిపించాడు.
ఈ సీజన్లో IPLకి తిరిగి వచ్చిన అతను తన బ్యాటింగ్ను ఒక కొత్త స్థాయికి తీసుకువచ్చాడు. 205 కంటే ఎక్కువ స్ట్రైక్రేట్తో అనేక మ్యాచ్-ఫినిషింగ్ ఇన్నింగ్స్లు ఆడాడు. విరాట్ కోహ్లి (361), కెప్టెన్ ఫాఫ్ డు ప్లెసిస్ (232) తర్వాత 226 పరుగులతో ఆర్సిబి తరఫున అత్యధిక పరుగులు చేసిన మూడో వ్యక్తి కార్తీక్. ఈరోజు కోల్కతా నైట్ రైడర్స్ (కెకెఆర్)తో మ్యాచ్కు ముందు రాయల్ ఛాలెంజర్స్ బెంగళూరు (ఆర్సిబి) వికెట్ కీపర్-బ్యాట్స్మెన్ మాట్లాడుతూ.. ఈ దశలో భారతదేశానికి ప్రాతినిధ్యం వహించడం నాకు అతిపెద్ద అనుభూతి. నేను దీన్ని చేయడానికి చాలా ఆసక్తిగా ఉన్నాను. ఈ టీ20 ప్రపంచకప్లో భారత్కు ప్రాతినిధ్యం వహించడం కంటే నా జీవితంలో పెద్ద అచీవ్మెంట్ ఏం ఉండదని అన్నాడు.
Also Read: Dry Promotion: డ్రై ప్రమోషన్ అంటే ఏమిటి..? పనులు పెరుగుతాయి, జీతం మాత్రం పెరగదట..!
బిగ్-3 నిర్ణయాన్ని గౌరవిస్తాం
వికెట్ కీపర్ స్లాట్ కోసం కార్తీక్ రిషబ్ పంత్, సంజూ శాంసన్, ఇషాన్ కిషన్, కేఎల్ రాహుల్లను సవాలు చేయవచ్చు. అయితే బిగ్ త్రీ.. కోచ్ రాహుల్ ద్రవిడ్, కెప్టెన్ రోహిత్ శర్మ, సెలక్షన్ కమిటీ చైర్మన్ అజిత్ అగార్కర్ ఏ నిర్ణయం తీసుకున్నా తాను దానిని గౌరవిస్తానని కార్తీక్ చెప్పాడు.
ప్రపంచకప్కు ఉత్తమమైన భారత జట్టు ఏది అని నిర్ణయించడానికి ముగ్గురు చాలా స్థిరమైన, నిజాయితీపరులు ఉన్నారని నేను భావిస్తున్నాను . రాహుల్ ద్రవిడ్, రోహిత్ శర్మ, అజిత్ అగార్కర్. నేను పూర్తిగా వారితో ఉన్నాను. వారి నిర్ణయాలలో దేనినైనా నేను గౌరవిస్తాను. కానీ నేను చెప్పగలిగినదల్లా టీ20 వరల్డ్ కప్కు నేను 100 శాతం సిద్ధంగా ఉన్నాను. ప్రపంచ కప్ కోసం నేను చేయగలిగినదంతా చేస్తానని అన్నాడు.
We’re now on WhatsApp : Click to Join
సన్రైజర్స్తో జరిగిన మ్యాచ్లో రికార్డు స్థాయిలో 288 పరుగుల లక్ష్యాన్ని ఛేదించే క్రమంలో కార్తీక్ తన ఇన్నింగ్స్లో 35 బంతుల్లో 83 పరుగులు చేశాడు. ఈ మ్యాచ్లో ఏడు సిక్సర్లు, ఐదు ఫోర్లు కొట్టాడు. అయితే RCB 25 పరుగుల తేడాతో మ్యాచ్ను కోల్పోయింది. అయితే ప్రస్తుతం దినేష్ కార్తీక్ ఫామ్ ఇలాగే కంటిన్యూ అయితే బీసీసీఐ సెలెక్టర్లు కార్తీక్ కూడా టీ20 వరల్డ్ కప్లో అవకాశం ఇస్తారని క్రీడా పండితులు చెబుతున్నారు.
![https://d1x8bgrwj9curj.cloudfront.net/wp-content/uploads/2023/09/Drreddy.jpg](https://d1x8bgrwj9curj.cloudfront.net/wp-content/uploads/2023/09/Drreddy.jpg)
Related News
![Odisha MTS Exam: ప్రభుత్వ పరీక్ష పత్రంలో స్టార్ క్రికెటర్ల పేర్లు, ఆన్సర్ ఏంటి?](https://d1x8bgrwj9curj.cloudfront.net/wp-content/uploads/2024/09/27a0f95fc62037f0bedc5dcb2f1f8be51725426397433625_original.jpg)
Odisha MTS Exam: ప్రభుత్వ పరీక్ష పత్రంలో స్టార్ క్రికెటర్ల పేర్లు, ఆన్సర్ ఏంటి?
ఒడిశాలో ప్రభుత్వ ఉద్యోగాల కోసం నిర్వహించిన మల్టీ టాస్కింగ్ స్టాఫ్ పరీక్షలో క్రికెట్కు సంబంధించిన ప్రశ్నలు అడిగారు. టీ20 ప్రపంచకప్లో 'ప్లేయర్ ఆఫ్ ద టోర్నమెంట్' అవార్డు ఎవరికి లభించిందనే ప్రశ్నకు.సూర్యకుమార్ యాదవ్, విరాట్ కోహ్లి, జస్ప్రీత్ బుమ్రా మరియు కుల్దీప్ యాదవ్ పేర్లు ఆప్షన్స్ గా ఇచ్చారు. అయితే క్రికెట్ గురించి తెలిసిన ప్రతిఒక్కరికి ఆ ప్రశ్నకు సమాధానం జస్ప్రీత