Yuvraj Singh: ఢిల్లీ క్యాపిటల్స్ ప్రధాన కోచ్గా యువరాజ్ సింగ్..?
ఢిల్లీ క్యాపిటల్స్ జట్టు కోచ్ పాత్ర కోసం భారత మాజీ ఆల్ రౌండర్ యువరాజ్ సింగ్ను సంప్రదించినట్లు మీడియా కథనాలు చెబుతున్నాయి. గత నెల ప్రారంభంలో ఆస్ట్రేలియా మాజీ కెప్టెన్ రికీ పాంటింగ్తో ఢిల్లీ క్యాపిటల్స్ ఏడేళ్ల ఒప్పందాన్ని రద్దు చేసుకుంది.
- Author : Gopichand
Date : 25-08-2024 - 9:16 IST
Published By : Hashtagu Telugu Desk
Yuvraj Singh: ఈసారి ఐపీఎల్-2025 కోసం మెగా వేలం నిర్వహించేందుకు సన్నాహాలు చేస్తున్నారు. దీంతో జట్లలో భారీ మార్పులు చోటుచేసుకోనున్నాయి. ఈ మెగా వేలానికి ముందే ఐపీఎల్ ఫ్రాంచైజీలు తమ జట్టు కెప్టెన్, కోచ్ పాత్రల గురించి మేధోమథనం చేస్తున్నాయి. ఇదిలా ఉంటే యువరాజ్ సింగ్ (Yuvraj Singh) గురించి ఓ పెద్ద సమాచారం బయటకు వస్తోంది.
యువరాజ్ సింగ్ ఢిల్లీ క్యాపిటల్స్లోకి ఎంట్రీ..?
ఢిల్లీ క్యాపిటల్స్ జట్టు కోచ్ పాత్ర కోసం భారత మాజీ ఆల్ రౌండర్ యువరాజ్ సింగ్ను సంప్రదించినట్లు మీడియా కథనాలు చెబుతున్నాయి. గత నెల ప్రారంభంలో ఆస్ట్రేలియా మాజీ కెప్టెన్ రికీ పాంటింగ్తో ఢిల్లీ క్యాపిటల్స్ ఏడేళ్ల ఒప్పందాన్ని రద్దు చేసుకుంది. స్పోర్ట్స్టార్ నివేదిక ప్రకారం.. ఢిల్లీ క్యాపిటల్స్ గత 3 సీజన్లలో దేనిలోనూ ప్లేఆఫ్లకు అర్హత సాధించలేకపోయింది. ఐపీఎల్ 2024లో 6వ స్థానంలో నిలిచింది. కాబట్టి ఇప్పుడు ఫ్రాంచైజీ రికీ పాంటింగ్కు బదులుగా యువరాజ్ సింగ్ను జట్టులోకి తీసుకోవాలని చూస్తోంది.
గతంలో ఓ నివేదికలో గుజరాత్ టైటాన్స్ ప్రధాన కోచ్ ఆశిష్ నెహ్రా, క్రికెట్ డైరెక్టర్ విక్రమ్ సోలంకీ ఐపిఎల్-2025 కంటే ముందు జట్టు నుండి వైదొలగవచ్చని పేర్కొంది. యువరాజ్ సింగ్ను గుజరాత్ టైటాన్స్ ప్రధాన కోచ్గా చేయాలని ఫ్రాంచైజీ భావిస్తోందని పేర్కొంది. అయితే ఇప్పుడు ఆశిష్ నెహ్రా మునుపటిలా గుజరాత్ టైటాన్స్ జట్టుతో అనుబంధం కొనసాగిస్తాడనే టాక్ వినిపిస్తోంది.
Also Read: KKR Captain Suryakumar: కేకేఆర్ కెప్టెన్గా సూర్యకుమార్ యాదవ్..!
తొలిసారిగా కోచ్ బాధ్యతను నిర్వర్తించనున్నారు
ఢిల్లీ క్యాపిటల్స్ జట్టుకు యువరాజ్ సింగ్ను ప్రధాన కోచ్గా చేస్తే అది యువరాజ్ సింగ్కు మొదటి అనుభవం అవుతుంది. యువరాజ్ సింగ్ గత కొన్నేళ్లుగా శుభ్మన్ గిల్, అభిషేక్ శర్మ వంటి ఆటగాళ్లకు శిక్షణ ఇచ్చినప్పటికీ ఇప్పటివరకు అతను కోచ్గా పని చేయలేదు. ఈ శిక్షణ తర్వాత ఈ ఆటగాళ్లలో కూడా ఊహించని మెరుగుదల కనిపించింది. ఇందులో యువరాజ్ సింగ్ కీలక పాత్ర పోషించాడు.
We’re now on WhatsApp. Click to Join.
పేలవమైన ప్రదర్శన కారణంగా రికీ పాంటింగ్తో ఒప్పందం రద్దు
ఢిల్లీ క్యాపిటల్స్ 2018లో ఆస్ట్రేలియా మాజీ కెప్టెన్ రికీ పాంటింగ్ను జట్టులోకి చేర్చుకుంది. తొలి టర్మ్లో ఆ జట్టు పాయింట్ల పట్టికలో చివరి స్థానంలో నిలిచింది. దీని తర్వాత జట్టు 2019, 2020, 2021 ఎడిషన్లలో వరుసగా మూడు సార్లు ప్లేఆఫ్లకు చేరుకుంది. ఆ జట్టు 2020లో ఫైనల్ మ్యాచ్ కూడా ఆడింది. జట్టు టైటిల్ గెలవలేకపోయిపోయింది. 2021 తర్వాత జట్టు ఇప్పటివరకు ప్లే ఆఫ్స్కు చేరుకోలేకపోయింది.
సౌరవ్ గంగూలీ గురించి కూడా చర్చించారు
ఫ్రాంచైజీ క్రికెట్ డైరెక్టర్ సౌరవ్ గంగూలీని కూడా జట్టుకు ప్రధాన కోచ్గా నియమించవచ్చని ఒక నివేదిక పేర్కొంది. భారత మాజీ కెప్టెన్ కూడా ఈ పాత్రలో ఉండాలని కోరికను వ్యక్తం చేశాడు. అయితే సౌరవ్ గంగూలీ ఢిల్లీ క్యాపిటల్స్ అనుబంధ ఫ్రాంచైజీలు దుబాయ్ క్యాపిటల్స్, ప్రిటోరియా క్యాపిటల్స్ను కూడా పర్యవేక్షిస్తున్నారని, అందువల్ల సౌరవ్ గంగూలీకి డ్యూయల్ రోల్ ఇచ్చే అవకాశం లేదని మీడియా నివేదికలు పేర్కొన్నాయి.
Follow us
