Fighter Jet Crash: అమెరికాకు చెందిన మరో విమానానికి ప్రమాదం.. పైలట్ కు తీవ్ర గాయాలు..!
దక్షిణ కొరియాలో శిక్షణ సమయంలో ఒక అమెరికన్ విమానం ప్రమాదాని (Fighter Jet Crash)కి గురైంది. సోమవారం ఈ ఘటన చోటుచేసుకుంది.
- By Gopichand Published Date - 03:33 PM, Mon - 11 December 23
![Fighter Jet Crash: అమెరికాకు చెందిన మరో విమానానికి ప్రమాదం.. పైలట్ కు తీవ్ర గాయాలు..!](https://d1x8bgrwj9curj.cloudfront.net/wp-content/uploads/2023/12/CompressJPEG.online_1280x720_image_11zon-9.webp)
Fighter Jet Crash: దక్షిణ కొరియాలో శిక్షణ సమయంలో ఒక అమెరికన్ విమానం ప్రమాదాని (Fighter Jet Crash)కి గురైంది. సోమవారం ఈ ఘటన చోటుచేసుకుంది. ఇందులో విమానం పైలట్ తీవ్రంగా గాయపడ్డాడు. Yonhap వార్తా సంస్థ నివేదిక ప్రకారం.. ప్రమాదానికి గురైన అమెరికన్ విమానం F-16 ఫైటర్ జెట్గా గుర్తించారు. నివేదికల ప్రకారం.. గన్సన్లోని యునైటెడ్ స్టేట్స్ ఎయిర్ ఫోర్స్ బేస్ సమీపంలో ఈ ప్రమాదం జరిగినట్లు సమాచారం. “సియోల్కు దక్షిణంగా 178 కిలోమీటర్ల దూరంలో ఉన్న గున్సాన్లోని విమానాశ్రయం నుండి బయలుదేరిన తర్వాత జెట్ నీటిలో కూలిపోయింది” అని యెల్లో సముద్రపు జలాలను ప్రస్తావిస్తూ ఏజెన్సీ తెలిపింది. ప్రమాదం జరిగిన వెంటనే పైలట్ జెట్ నుండి బయటపడ్డాడని, గాయాలతో ఉన్నాడని Yonhap నివేదించింది.
మే నెలలో శిక్షణ సమయంలో ఇలాంటి ప్రమాదం జరిగింది
అమెరికా విమానం కూలిన ఘటనపై దక్షిణ కొరియా రక్షణ మంత్రిత్వ శాఖ ఇంకా ఎలాంటి అధికారిక ప్రకటన చేయలేదు. దక్షిణాన ఉన్న అమెరికా దళాలను పర్యవేక్షించే యునైటెడ్ స్టేట్స్ ఫోర్సెస్ కొరియా కూడా ఇంకా స్పందించలేదు. ఈ ఏడాది మే నెలలో సియోల్కు దక్షిణంగా ఉన్న వ్యవసాయ క్షేత్రంలో సాధారణ శిక్షణా వ్యాయామంలో అమెరికన్ F-16 జెట్ కూలిపోవడం గమనార్హం. ఈ సమయంలో కూడా పైలట్ సురక్షితంగా బయటపడ్డాడు.
Also Read: New iPhone: రూ. 50 వేల కంటే తక్కువ ధరలో యాపిల్ న్యూమోడల్ ఫోన్.. ఫీచర్స్ మాములుగా లేవుగా?
ఇటీవల జపాన్లో కూడా విమాన ప్రమాదం
దక్షిణ కొరియాకు అమెరికా ప్రధాన భద్రతా మిత్రదేశమని మీకు తెలిసిందే. ఇటువంటి పరిస్థితిలో ఉత్తర కొరియా నుండి రక్షించడానికి వాషింగ్టన్ దాదాపు 28,500 మంది అమెరికన్ సైనికులను ఇక్కడ మోహరించింది. గత నవంబర్ 29న జపాన్లో అమెరికా ఆర్మీకి చెందిన సీవీ-22 ఓస్ప్రే విమానం కూలిపోయిన సంగతి తెలిసిందే. ప్రమాదం జరిగిన సమయంలో విమానంలో ఆరుగురు అమెరికా సైనికులు ఉన్నారు. అలాంటి పరిస్థితిలో అందరూ చనిపోయారు. ఈ విషాద ప్రమాదం తర్వాత అమెరికా తన ఓస్ప్రే ఎయిర్క్రాఫ్ట్ ఫ్లీట్ను ఎగురవేయడాన్ని నిషేధించింది.
We’re now on WhatsApp. Click to Join.
![https://d1x8bgrwj9curj.cloudfront.net/wp-content/uploads/2023/09/Drreddy.jpg](https://d1x8bgrwj9curj.cloudfront.net/wp-content/uploads/2023/09/Drreddy.jpg)
Related News
![Earthquake: పపువా న్యూ గినియాలో భూకంపం.. రిక్టర్ స్కేలుపై 6.2గా నమోదు..!](https://d1x8bgrwj9curj.cloudfront.net/wp-content/uploads/2024/01/Earth-Quake.jpg)
Earthquake: పపువా న్యూ గినియాలో భూకంపం.. రిక్టర్ స్కేలుపై 6.2గా నమోదు..!
యూరోపియన్-మెడిటరేనియన్ సీస్మోలాజికల్ సెంటర్ (EMSC) ప్రకారం.. పాపువా న్యూ గినియాలోని వెవాక్కు ఈశాన్య 76 కిలోమీటర్ల దూరంలో భూకంపం సంభవించింది. ఈ కేంద్రం 10 కిలోమీటర్ల లోతులో ఉంది.