Hyd Rains : హైదరాబాద్‌లో మళ్లీ మొదలైన వర్షం.. ఆ రూట్ మొత్తం ట్రాఫిక్ జామ్

Hyd Rains : హైదరాబాద్‌లో గత కొన్ని గంటల నుంచి భారీ స్థాయిలో వర్షం కురుస్తోంది. నగరంలోని పంజాగుట్ట, అమీర్‌పేట్, ఎస్ఆర్ నగర్, ట్యాంక్ బండ్, బంజారాహిల్స్, జూబ్లీహిల్స్ సహా అన్ని ప్రధాన ప్రాంతాలు జలమయం అయ్యాయి. వర్షం కారణంగా పంజాగుట్ట వద్ద భారీగా ట్రాఫిక్ జామ్ ఏర్పడింది, వాహనదారులు తీవ్ర ఇబ్బందులు ఎదుర్కొంటున్నారు. ఇదేకాకుండ మెహదీపట్నం ఏరియాలో కూడా భారీగా ట్రాఫిక్ జామ్ అయ్యింది.

వాతావరణ శాఖ విడుదల చేసిన తాజా అలర్ట్ ప్రకారం, బుధవారం, గురువారం , శుక్రవారం మూడు రోజులపాటు తెలంగాణలో భారీ నుంచి అతి భారీ వర్షాలు కురవనున్నాయి. ఈ నేపథ్యంలో రాష్ట్రంలోని పలు జిల్లాల్లో పాఠశాలలకు రెండు రోజుల సెలవులు ప్రకటించబడ్డాయి. వరంగల్, హనుమకొండ, మహబూబాబాద్, జనగామ , యాదాద్రి భువనగిరి జిల్లాల్లో ప్రభుత్వ, ప్రైవేట్ పాఠశాలలకు సెలవులు ఇవ్వడం జరిగింది. GHMC పరిధిలోని పాఠశాలలు ఒంటిపూట మాత్రమే పనిచేస్తాయి.

Pulivendula : జడ్పీటీసీ ఎన్నికలు.. రీపోలింగ్‌ను బహిష్కరిస్తున్నాం: వైఎస్‌ అవినాష్‌రెడ్డి

హైదరాబాద్ నగరంలో వర్ష ప్రభావం తగ్గకుండా ఉండేందుకు GHMC, హైడ్రా అన్ని అధికారిక విభాగాలను సిద్ధంగా ఉంచింది. జలమండలి, వాటర్ బోర్డు, హైడ్రా, ఎలక్ట్రిసిటీ, ట్రాఫిక్ , ఇతర శాఖల సమన్వయంతో అవశ్యక చర్యలు చేపడుతున్నారు. GHMC కమిషనర్ ఆర్వీ కర్ణన్ ప్రకారం, నగర వ్యాప్తంగా 269 వాటర్ లాగింగ్ పాయింట్లను గుర్తించి, వాటిపై వెంటనే చర్యలు చేపట్టారు.

వర్ష ప్రభావం కొనసాగుతూనే ఉన్నందున, అధికారులు ప్రజలను అప్రమత్తంగా ఉండమని, అవసరమైనసేవలను అందించడానికి పూర్తి సిద్ధంగా ఉన్నామని తెలిపారు. భవనాల్లో, రోడ్లలో జల మునిగింపును నివారించడానికి రాత్రిపూట కూడా పరిశీలనలు జరుగుతున్నాయి. అలాగే, పలు ట్రాఫిక్ రూట్లలో వాహనానికి అంతరాయం ఏర్పడే అవకాశాలపై అధికారులు మానిటరింగ్ చేస్తూ, వాహనదారులకు సురక్షిత మార్గాలను సూచిస్తున్నారు. వర్షాలు ఈ స్థాయిలో కొనసాగితే, నగర ప్రజలకు తాత్కాలిక సమస్యలు ఏర్పడే అవకాశం ఉందని, అందువల్ల అధికారులు ప్రతి క్షణం జాగ్రత్తగా పరిస్థితిని పర్యవేక్షిస్తున్నారని GHMC వెల్లడించింది.

Telangana Rains : హైదరాబాద్ లో పాఠశాలలకు హాఫ్ డే, ఐటీ ఉద్యోగులకు వర్క్ ఫ్రం హోమ్