SRH vs RCB: ఐపీఎల్లో నేడు బెంగళూరు వర్సెస్ హైదరాబాద్.. ఈ మ్యాచ్లో ఓడితే ఆర్సీబీ ఇంటికే..!
ఇండియన్ ప్రీమియర్ లీగ్ 2024 సీజన్లో ఈరోజు (ఏప్రిల్ 25) రాయల్ ఛాలెంజర్స్ బెంగళూరు- సన్రైజర్స్ హైదరాబాద్ మధ్య మ్యాచ్ జరగనుంది.
- By Gopichand Published Date - 11:30 AM, Thu - 25 April 24
![SRH vs RCB: ఐపీఎల్లో నేడు బెంగళూరు వర్సెస్ హైదరాబాద్.. ఈ మ్యాచ్లో ఓడితే ఆర్సీబీ ఇంటికే..!](https://d1x8bgrwj9curj.cloudfront.net/wp-content/uploads/2024/04/Safeimagekit-resized-img-3_11zon-15.png)
SRH vs RCB: ఇండియన్ ప్రీమియర్ లీగ్ 2024 సీజన్లో ఈరోజు (ఏప్రిల్ 25) రాయల్ ఛాలెంజర్స్ బెంగళూరు- సన్రైజర్స్ హైదరాబాద్ (SRH vs RCB) మధ్య మ్యాచ్ జరగనుంది. హైదరాబాద్లోని రాజీవ్ గాంధీ ఇంటర్నేషనల్ స్టేడియంలో ఈ మ్యాచ్ రాత్రి 7.30 గంటలకు ప్రారంభమవుతుంది. ఫాఫ్ డు ప్లెసిస్ సారథ్యంలోని RCB ఈ సీజన్లో ఇప్పటివరకు 8 మ్యాచ్లు ఆడగా. అందులో 1 మాత్రమే గెలిచింది. చివరి 6 మ్యాచ్ల్లో వరుసగా ఓడిపోయింది ఆర్సీబీ.
ఈ మ్యాచ్లో ఓడితే RCB ప్లేఆఫ్ రేసు నుండి నిష్క్రమిస్తుంది
ఈరోజు మ్యాచ్లో విజయం సాధించి బెంగళూరు జట్టు తిరిగి విన్నింగ్ ట్రాక్లోకి రావాలనుకుంటోంది. పాయింట్ల పట్టికలో RCB అట్టడుగున అంటే 10వ స్థానంలో ఉంది. RCBకి ఇప్పుడు మ్యాచ్లన్నీ డూ ఆర్ డైగా మారాయి. ఒక్క ఓటమి వారిని ప్లేఆఫ్ రేసు నుండి పూర్తిగా తొలగిస్తుంది. మరోవైపు ప్యాట్ కమిన్స్ సారథ్యంలోని హైదరాబాద్ జట్టు 7 మ్యాచ్ల్లో 5 గెలిచి 2 ఓడింది. ప్రస్తుతం ఈ జట్టు పాయింట్ల పట్టికలో మూడో స్థానంలో కొనసాగుతోంది.
గత 5 మ్యాచ్ల్లో హైదరాబాద్దే పైచేయి
రాయల్ ఛాలెంజర్స్ బెంగళూరు, సన్రైజర్స్ హైదరాబాద్లు తలపడినప్పుడల్లా ఉత్కంఠభరితమైన మ్యాచ్కు ఆస్కారం ఉంటుంది. ఇరుజట్ల మధ్య ఇప్పటి వరకు మొత్తం 24 మ్యాచ్లు జరగగా.. అందులో హైదరాబాద్ 13 మ్యాచ్లు గెలిచింది. బెంగళూరు 10లో గెలిచింది. ఒక మ్యాచ్ అసంపూర్తిగా మిగిలిపోయింది. ఇక గత 5 మ్యాచ్ల విషయానికొస్తే హైదరాబాద్దే పైచేయి. ఈ 5 మ్యాచ్ల్లో 3 గెలిచింది. కాగా బెంగళూరు రెండు మ్యాచ్ల్లో విజయం సాధించింది. గత 2023 సీజన్లో రెండు జట్ల మధ్య ఒకే ఒక మ్యాచ్ జరిగింది. ఇందులో RCB విజయవంతమైంది.
Also Read: Rajinikanth : ‘కూలీ’ సినిమాకి రజినీకాంత్ అన్ని కోట్లు రెమ్యూనరేషన్ తీసుకుంటున్నారా..?
ఇరు జట్ల అంచనా
రాయల్ ఛాలెంజర్స్ బెంగళూరు: ఫాఫ్ డు ప్లెసిస్ (కెప్టెన్), విరాట్ కోహ్లీ, విల్ జాక్వెస్, రజత్ పాటిదార్, కెమెరూన్ గ్రీన్, దినేష్ కార్తీక్ (వికెట్ కీపర్), మహిపాల్ లోమ్రోర్, కర్ణ్ శర్మ, లాకీ ఫెర్గూసన్, యశ్ దయాల్, మహ్మద్ సిరాజ్.
సన్రైజర్స్ హైదరాబాద్: అభిషేక్ శర్మ, ట్రావిస్ హెడ్, ఐడెన్ మార్క్రామ్, హెన్రిచ్ క్లాసెన్ (WK), అబ్దుల్ సమద్, నితీష్ రెడ్డి, షాబాజ్ అహ్మద్, పాట్ కమిన్స్ (కెప్టెన్), భువనేశ్వర్ కుమార్, మయాంక్ మార్కండే, టి నటరాజన్.
We’re now on WhatsApp : Click to Join
బెంగళూరు వర్సెస్ హైదరాబాద్ హెడ్-టు-హెడ్
మొత్తం మ్యాచ్లు: 24
హైదరాబాద్ గెలిచింది: 13
బెంగళూరు గెలిచింది: 10
అసంపూర్తి: 1
![https://d1x8bgrwj9curj.cloudfront.net/wp-content/uploads/2023/09/Drreddy.jpg](https://d1x8bgrwj9curj.cloudfront.net/wp-content/uploads/2023/09/Drreddy.jpg)
Related News
![Massive Fire Breaks out at Paint Factory : మల్లాపూర్ పారిశ్రామికవాడలో భారీ అగ్నిప్రమాదం](https://d1x8bgrwj9curj.cloudfront.net/wp-content/uploads/2024/09/massive-fire-accident-at-ma.jpg)
Massive Fire Breaks out at Paint Factory : మల్లాపూర్ పారిశ్రామికవాడలో భారీ అగ్నిప్రమాదం
Massive Fire Breaks out at Paint Factory : నాచారం పోలీస్స్టేషన్ పరిధిలోని మల్లాపూర్ పారిశ్రామికవాడలో శనివారం సాయంత్రం భారీ అగ్నిప్రమాదం చోటుచేసుకుంది.