India Squad: టీ20 వరల్డ్ కప్కు టీమిండియా జట్టు ఇదేనా.. మొత్తం 20 మంది ఆటగాళ్లకి ఛాన్స్..?
ICC పురుషుల T20 ప్రపంచ కప్ 2024 కోసం దాదాపు అన్ని క్రికెట్ బోర్డులు తమ సన్నాహాలను పూర్తి చేశాయి.
- By Gopichand Published Date - 07:00 AM, Thu - 18 April 24
![India Squad: టీ20 వరల్డ్ కప్కు టీమిండియా జట్టు ఇదేనా.. మొత్తం 20 మంది ఆటగాళ్లకి ఛాన్స్..?](https://d1x8bgrwj9curj.cloudfront.net/wp-content/uploads/2024/01/India-vs-Afghanistan.jpg)
India Squad: ICC పురుషుల T20 ప్రపంచ కప్ 2024 కోసం దాదాపు అన్ని క్రికెట్ బోర్డులు తమ సన్నాహాలను పూర్తి చేశాయి. టోర్నీకి జట్టును ప్రకటించేందుకు ఐసీసీ మే 1వ తేదీని డెడ్లైన్గా నిర్ణయించింది. అంటే ఈ తేదీలోగా మొత్తం 20 దేశాలు తమ తమ జట్లను ఎంచుకోవాలి. ఇందులో భాగంగా భారత క్రికెట్ నియంత్రణ మండలి (బీసీసీఐ) కూడా దాదాపుగా సన్నాహాలు పూర్తి చేసింది. బీసీసీఐ త్వరలో భారత జట్టు (India Squad)ను ప్రకటించే అవకాశం ఉంది. ఈసారి టీ20 ప్రపంచకప్ అమెరికా, వెస్టిండీస్ల ఆతిథ్యంలో జూన్ 1 నుండి జరగనుంది.
ఇదిలా ఉంటే ఈసారి బీసీసీఐ ప్రపంచకప్ జట్టులో ఎటువంటి ముఖ్యమైన మార్పులు చేయదని పీటీఐ నివేదిక వెల్లడించింది. రోహిత్ శర్మ సారథ్యంలోని ఈ జట్టులో విరాట్ కోహ్లీ, రిషబ్ పంత్, హార్దిక్ పాండ్యా సహా 20 మంది ఆటగాళ్లు చోటు దక్కించుకున్నారు. వీరిలో 5 స్టాండ్బైగా ఉండనున్నారు. అజిత్ అగార్కర్ నేతృత్వంలోని భారత సెలెక్టర్ల సమావేశం ఈ నెల చివరి తేదీ (ఏప్రిల్ 30) లేదా వచ్చే నెల మొదటి తేదీన జరుగుతుందని సమాచారం. అదే రోజున జట్టు ప్రకటన కూడా చేయవచ్చు.
20 మంది ఆటగాళ్లతో భారత జట్టు
20 మంది సభ్యుల భారత జట్టులో 6 మంది బ్యాట్స్మెన్లను చేర్చవచ్చని నివేదికలలో చెప్పబడింది. వీరితో పాటు 4 ఆల్రౌండర్లు, 3 స్పెషలిస్ట్ స్పిన్నర్లు, 3 వికెట్ కీపర్లు, 4 ఫాస్ట్ బౌలర్లు జట్టులో చేరవచ్చు. ఐదుగురు స్టాండ్ బై ప్లేయర్లుగా ఉండనున్నారు.
Also Read: గుజరాత్ ను మడతపెట్టేసిన ఢిల్లీ బౌలర్లు.. 6 వికెట్ల తేడాతో పంత్ టీమ్ ఘన విజయం
జట్టు అంచనా ఇదే
బ్యాట్స్మెన్: రోహిత్ శర్మ, యశస్వి జైస్వాల్, శుభ్మన్ గిల్, విరాట్ కోహ్లీ, సూర్యకుమార్ యాదవ్, రింకూ సింగ్.
ఆల్ రౌండర్లు: హార్దిక్ పాండ్యా, రవీంద్ర జడేజా, శివమ్ దూబే, అక్షర్ పటేల్.
స్పెషలిస్ట్ స్పిన్నర్లు: కుల్దీప్ యాదవ్, యుజ్వేంద్ర చాహల్, రవి బిష్ణోయ్.
వికెట్ కీపర్లు: రిషబ్ పంత్, కేఎల్ రాహుల్, సంజూ శాంసన్.
ఫాస్ట్ బౌలర్లు: జస్ప్రీత్ బుమ్రా, మహ్మద్ సిరాజ్, అర్ష్దీప్ సింగ్, అవేశ్ ఖాన్.
ఈసారి టీ20 ప్రపంచకప్ నాకౌట్ సహా మొత్తం 3 దశల్లో జరగనుంది. మొత్తం 20 జట్లను 5 చొప్పున 4 గ్రూపులుగా విభజించారు. ప్రతి గ్రూప్లోని టాప్-2 జట్లు సూపర్-8లోకి ప్రవేశిస్తాయి. మొత్తం 8 జట్లను 4 చొప్పున 2 గ్రూపులుగా విభజించారు. సూపర్-8 దశలో రెండు గ్రూపుల్లోని మొదటి రెండు స్థానాల్లో నిలిచిన జట్లు సెమీఫైనల్లోకి ప్రవేశిస్తాయి. సెమీ ఫైనల్ మ్యాచ్ల ద్వారా రెండు జట్లు ఫైనల్కు చేరుకుంటాయి.
We’re now on WhatsApp : Click to Join
T20 ప్రపంచ కప్ గ్రూప్
గ్రూప్ A- ఇండియా, పాకిస్థాన్, ఐర్లాండ్, కెనడా, USA
గ్రూప్ B- ఇంగ్లండ్, ఆస్ట్రేలియా, నమీబియా, స్కాట్లాండ్, ఒమన్
గ్రూప్ సి- న్యూజిలాండ్, వెస్టిండీస్, ఆఫ్ఘనిస్తాన్, ఉగాండా, పాపువా న్యూ గినియా
గ్రూప్ డి- దక్షిణాఫ్రికా, శ్రీలంక, బంగ్లాదేశ్, నెదర్లాండ్స్, నేపాల్
![https://d1x8bgrwj9curj.cloudfront.net/wp-content/uploads/2023/09/Drreddy.jpg](https://d1x8bgrwj9curj.cloudfront.net/wp-content/uploads/2023/09/Drreddy.jpg)
Related News
![Vinesh Phogat Resigns Railways: రైల్వే ఉద్యోగానికి వినేశ్ ఫోగట్ రాజీనామా.. కాంగ్రెస్లో చేరటం ఖాయమేనా..?](https://d1x8bgrwj9curj.cloudfront.net/wp-content/uploads/2024/08/safeimagekit-Screenshot-2024-08-06-163338_11zon.png)
Vinesh Phogat Resigns Railways: రైల్వే ఉద్యోగానికి వినేశ్ ఫోగట్ రాజీనామా.. కాంగ్రెస్లో చేరటం ఖాయమేనా..?
వినేష్ ఫోగట్ భారతీయ రైల్వేకు లేఖ రాసి తన రాజీనామాను సమర్పించారు. భారతీయ రైల్వేకు సేవ చేయడం నా జీవితంలో మరచిపోలేని, గర్వించదగిన సమయం అని వినేష్ లేఖలో పంచుకున్నారు.