RCB: ఆర్సీబీ విజయంపై విజయ్ మాల్యా ఎమోషనల్ పోస్ట్

RCB: ఐపీఎల్‌లో రాయల్ ఛాలెంజర్స్ బెంగళూరు (ఆర్సీబీ) తన 18 ఏళ్ల కలను నెరవేర్చింది. 2008లో ప్రారంభమైన ఈ ఫ్రాంచైజీ తొలిసారి ట్రోఫీని గెలుచుకొని చరిత్ర సృష్టించింది. ఉత్కంఠభరితంగా సాగిన ఫైనల్‌లో పంజాబ్ కింగ్స్‌పై విజయం సాధించిన ఆర్సీబీ, అభిమానుల ఆశలను నెరవేర్చింది. ఈ విజయంతో జట్టు మాజీ యజమాని విజయ్ మాల్యా స్పందన సోషల్ మీడియాలో వైరల్ అయింది.

ఆర్సీబీని స్థాపించిన విజయ్ మాల్యా, తన ఎక్స్ (మాజీ ట్విట్టర్) ఖాతాలో ఈ విజయాన్ని తన కల నెరవేరిన ఘట్టంగా అభివర్ణించారు. “ఆర్సీబీకి ఐపీఎల్ ట్రోఫీ తీసుకురావాలనే లక్ష్యంతోనే నేను జట్టును ప్రారంభించాను,” అంటూ భావోద్వేగంగా పేర్కొన్నారు. విరాట్ కోహ్లీని ప్రారంభ దశలోనే ఎంపిక చేయడం, తర్వాత క్రిస్ గేల్, ఏబీ డివిలియర్స్ లాంటి స్టార్ ఆటగాళ్లను జట్టులోకి తీసుకోవడం వంటి నిర్ణయాలను మాల్యా గుర్తుచేశారు.

“ఈసారి ట్రోఫీ బెంగళూరుకే వచ్చింది. నా కలను నిజం చేసిన ప్రతి ఒక్కరికీ అభినందనలు. ఆర్సీబీ అభిమానులు దీనికి నెరసినవారే. వారు ఈ కప్‌కు హక్కుదారులే,” అంటూ తన పోస్ట్‌లో పేర్కొన్నారు మాల్యా.

గతంలో ఆర్థిక మోసాల కేసులతో భారత్‌ను విడిచి యూకేకు వెళ్లిన మాల్యా, ఆర్సీబీ మేనేజ్‌మెంట్‌ నుంచి దూరంగా ఉన్నా, తన మదిలో మాత్రం ఆ జట్టు పట్ల మమకారం కనిపించింది. జట్టు విజయాన్ని చూసిన అనంతరం ఆయన చేసిన వ్యాఖ్యలు సోషల్ మీడియాలో వైరల్ అయ్యాయి. కొందరు నెటిజన్లు మాల్యాను ప్రశంసించగా, మరికొందరు ఆయన పరారీ స్థితిని ప్రస్తావిస్తూ విమర్శనాత్మకంగా స్పందించారు. కొన్ని కామెంట్లు హాస్యాత్మకంగా ఉండగా, మరికొన్ని ఆయన తిరిగి భారత్‌కు వచ్చి విజయోత్సవాల్లో పాల్గొనాలంటూ ఆకాంక్షించారు.

Tragedy: కోరాపుట్ జిల్లా ఆసుపత్రిలో విషాదం.. నర్సు ఇంజెక్షన్ ఇచ్చిన కాసేపటికే రోగులు మృతి

RCB are IPL Champions finally after 18 years. Superb campaign right through the 2025 tournament. A well balanced team Playing Bold with outstanding coaching and support staff. Many congratulations ! Ee sala cup namde !!

— Vijay Mallya (@TheVijayMallya) June 3, 2025