Rohit Sharma: 250వ వన్డే మ్యాచ్ ఆడనున్న రోహిత్ శర్మ.. భారత్ తరఫున అత్యధిక అంతర్జాతీయ మ్యాచ్‌లు ఆడిన ఆటగాళ్లు వీళ్ళే..!

Rohit Sharma Record

Rohit Sharma: ఆసియా కప్‌లో భాగంగా నేడు భారత్, శ్రీలంక జట్లు ఫైనల్ మ్యాచ్‌లో తలపడనున్నాయి. కొలంబోలో వేదికగా ఇరు జట్ల మధ్య మ్యాచ్ జరగనుంది. ప్రేమదాస స్టేడియంలో భారత కాలమానం ప్రకారం మధ్యాహ్నం 3 గంటలకు మ్యాచ్ ప్రారంభమవుతుంది. అదే సమయంలో భారత కెప్టెన్ రోహిత్ శర్మ (Rohit Sharma) ఈ మ్యాచ్‌కు మైదానంలోకి రాగానే ప్రత్యేక జాబితాలో చేరనున్నాడు. శ్రీలంకతో జరిగే ఆసియా కప్ ఫైనల్ మ్యాచ్ రోహిత్ శర్మ కెరీర్‌లో 250వ వన్డే అంతర్జాతీయ మ్యాచ్. ఇది కాకుండా రోహిత్ శర్మ కెరీర్‌లో ఇది 450వ అంతర్జాతీయ మ్యాచ్ కావడం విశేషం.

భారత్ తరఫున అత్యధిక అంతర్జాతీయ మ్యాచ్‌లు ఆడిన ఆటగాళ్లు వీళ్ళే

భారత్ తరఫున అత్యధిక అంతర్జాతీయ మ్యాచ్‌లు ఆడిన క్రికెటర్ల జాబితాలో సచిన్ టెండూల్కర్ అగ్రస్థానంలో ఉన్నాడు. సచిన్ టెండూల్కర్ 664 అంతర్జాతీయ మ్యాచ్‌లకు ప్రాతినిధ్యం వహించాడు. కాగా, భారత మాజీ కెప్టెన్ మహేంద్ర సింగ్ ధోనీ రెండో స్థానంలో ఉన్నాడు. మహేంద్ర సింగ్ ధోనీ భారత్ తరఫున 535 అంతర్జాతీయ మ్యాచ్‌లు ఆడాడు. మహేంద్ర సింగ్ ధోనీ తర్వాత విరాట్ కోహ్లీ ఉన్నాడు. ఇప్పటివరకు విరాట్ కోహ్లీ భారత్ తరఫున 505 అంతర్జాతీయ మ్యాచ్‌లు ఆడాడు. కోహ్లీ తర్వాత రాహుల్ ద్రవిడ్ భారత్ తరఫున 504 అంతర్జాతీయ మ్యాచ్‌లు ఆడాడు.

Also Read: Asia Cup Final: నేడే ఆసియా కప్ ఫైనల్.. కప్ కోసం డిఫెండింగ్ ఛాంపియన్ తో భారత్ ఢీ..!

రోహిత్ శర్మ అంతర్జాతీయ కెరీర్ సాగింది ఇలా

అయితే భారత్ తరఫున అత్యధిక అంతర్జాతీయ మ్యాచ్‌లు ఆడిన క్రికెటర్ల జాబితాలో రోహిత్ శర్మ ఐదో స్థానంలో ఉన్నాడు. ఇప్పటివరకు రోహిత్ శర్మ భారత్ తరఫున 449 మ్యాచ్‌లు ఆడాడు. భారత కెప్టెన్ తన అంతర్జాతీయ కెరీర్‌లో 17561 పరుగులు చేశాడు. కాగా, రోహిత్ శర్మ సగటు 43.04గా ఉంది. ఇది కాకుండా రోహిత్ శర్మ తన అంతర్జాతీయ కెరీర్‌లో 44 సెంచరీలు సాధించాడు. అలాగే, అంతర్జాతీయ వన్డే మ్యాచ్‌ల్లో మూడుసార్లు డబుల్ సెంచరీ సాధించిన ఘనతను రోహిత్ సాధించాడు. వన్డే ఫార్మాట్‌లో 3 డబుల్ సెంచరీలు చేసిన ఏకైక బ్యాట్స్‌మెన్ రోహిత్ శర్మ. వన్డే ఫార్మాట్‌లో రోహిత్ శర్మ అత్యధిక స్కోరు 264 పరుగులు. వన్డే చరిత్రలో ఇదే అత్యధిక వ్యక్తిగత స్కోరు.

Follow us