టీ20 వ‌ర‌ల్డ్ క‌ప్ ఫైన‌ల్‌లో చ‌రిత్ర సృష్టించిన శాంస‌న్‌!

Sanju Samson

Sanju Samson: టీ20 వరల్డ్ కప్ 2026 ఫైనల్‌లో న్యూజిలాండ్‌పై సంజూ శాంస‌న్ 46 బంతుల్లో 5 ఫోర్లు, 8 సిక్సర్ల సాయంతో 89 పరుగుల మెరుపు ఇన్నింగ్స్ ఆడాడు. ఈ ఇన్నింగ్స్‌తో సంజూ సరికొత్త చరిత్ర సృష్టించాడు. విరాట్ కోహ్లీ, మిచెల్ మార్ష్, కేన్ విలియమ్సన్ వంటి దిగ్గజాలను వెనక్కి నెట్టి సంజూ శాంస‌న్‌ ఈ జాబితాలో అగ్రస్థానానికి చేరుకున్నాడు.

నిజానికి టీ20 వరల్డ్ కప్ ఫైనల్‌లో అత్యధిక వ్యక్తిగత స్కోరు సాధించిన బ్యాటర్‌గా సంజూ రికార్డు సృష్టించాడు. ఇంతకుముందు ఈ రికార్డు వెస్టిండీస్‌కు చెందిన మార్లన్ శామ్యూల్స్, కేన్ విలియమ్సన్ పేరిట ఉండేది. వీరిద్దరూ ఫైనల్‌లో 85 చొప్పున పరుగులు చేశారు. ఇప్పుడు సంజూ 89 పరుగులతో ఈ జాబితాలో మొదటి స్థానంలో నిలిచాడు. విరాట్ కోహ్లీ 77, 76 పరుగుల ఇన్నింగ్స్‌లతో ఈ జాబితాలో రెండుసార్లు ఉన్నాడు.

Also Read: టీ20 వరల్డ్ కప్ ఫైన‌ల్ మ్యాచ్‌లో టీమిండియా భారీ స్కోర్‌!

టీ20 వరల్డ్ కప్ ఫైనల్‌లో అత్యధిక వ్యక్తిగత స్కోర్లు

సంజూ శాంస‌న్‌: 89 (46) – భారత్ vs న్యూజిలాండ్ (2026)

మార్లన్ శామ్యూల్స్: 85(66)* – వెస్టిండీస్ vs ఇంగ్లాండ్ (2016)

కేన్ విలియమ్సన్: 85 (48) – న్యూజిలాండ్ vs ఆస్ట్రేలియా (2021)

మార్లన్ శామ్యూల్స్: 78 (56) – వెస్టిండీస్ vs శ్రీలంక (2012)

మిచెల్ మార్ష్: 77(56)* – ఆస్ట్రేలియా vs న్యూజిలాండ్ (2021)

విరాట్ కోహ్లీ: 77 (58) – భారత్ vs శ్రీలంక (2014)

విరాట్ కోహ్లీ: 76 (58) – భారత్ vs దక్షిణాఫ్రికా (2024)

గత మూడు మ్యాచ్‌ల్లోనూ సంజూ బ్యాటింగ్ విధ్వంసం

గత మూడు కీలక మ్యాచ్‌ల్లోనూ సంజూ శాంస‌న్ బ్యాట్ నుండి పరుగుల వరద పారింది. అయితే మూడుసార్లు కూడా అతను సెంచరీని తృటిలో కోల్పోయాడు.

సూపర్-8 (వర్చువల్ క్వార్టర్ ఫైనల్): వెస్టిండీస్‌పై 50 బంతుల్లో 12 ఫోర్లు, 4 సిక్సర్లతో 97 పరుగులు* చేశాడు. నాటౌట్‌గా నిలిచినప్పటికీ సెంచరీకి కేవలం 3 పరుగుల దూరంలో ఆగిపోయాడు.

సెమీఫైనల్: ఇంగ్లాండ్‌పై 42 బంతుల్లో 8 ఫోర్లు, 7 సిక్సర్లతో 89 పరుగులు సాధించాడు.

ఫైనల్: ఇప్పుడు ఫైనల్‌లో కూడా 89 పరుగుల అద్భుత ఇన్నింగ్స్ ఆడాడు. ఈ విధంగా గత మూడు మ్యాచ్‌ల్లో భారీ ఇన్నింగ్స్‌లు ఆడినప్పటికీ సంజూ సెంచరీ మార్కును అందుకోలేకపోయాడు.

ఫైనల్‌లో భారత్ భారీ స్కోరు

అహ్మదాబాద్‌లోని నరేంద్ర మోదీ స్టేడియంలో జరుగుతున్న టీ20 వరల్డ్ కప్ ఫైనల్‌లో తొలుత బ్యాటింగ్ చేసిన టీమ్ ఇండియా 20 ఓవర్లలో 255 పరుగులు చేసింది. టీ20 ప్రపంచ కప్ ఫైనల్ చరిత్రలో ఇదే అత్యధిక స్కోరు.

Follow us