Kumbh Mela : మహా కుంభమేళాకు ఏపీ నుంచి ప్రత్యేక రైళ్లు

Kumbh Mela 2024

Kumbh Mela : ఏపీ ప్రజలకు రైల్వేశాఖ నుండి శుభవార్త. మహా కుంభమేళా సందర్భంగా ప్రయాణికుల రద్దీ దృష్ట్యా, విజయవాడ రైల్వే అధికారులు ప్రత్యేక రైళ్లు నడపనున్నట్లు ప్రకటించారు. జనవరి 18, ఫిబ్రవరి 8, 15, 23 తేదీల్లో తిరుపతి-బెనారస్‌ (07107) ప్రత్యేక రైలు విజయవాడ మీదుగా నడవనుంది. ఈ ప్రత్యేక రైలు తిరుపతిలో శనివారం రాత్రి 8.55 గంటలకు బయలుదేరి, సోమవారం మధ్యాహ్నం 3.45 గంటలకు బెనారస్‌ చేరుకుంటుంది. తిరుగు ప్రయాణంలో 07108 నంబరు రైలు జనవరి 20, ఫిబ్రవరి 10, 17, 24 తేదీల్లో బెనారస్‌లో మంగళవారం సాయంత్రం 5.30 గంటలకు బయలుదేరి తిరిగి తిరుపతికి చేరుకుంటుంది.

Pushpa 3 : పుష్ప 3 లో అతను ఉండే ఛాన్స్ లేదా..?

ఈ ప్రత్యేక రైలు గూడూరు, నెల్లూరు, ఒంగోలు, చీరాల, తెనాలి, విజయవాడ, ఏలూరు, తాడేపల్లిగూడెం, నిడదవోలు, రాజ మహేంద్రవరం, సామర్లకోట, అన్నవరం, యలమంచిలి, అనకాపల్లి, దువ్వాడ, పెందుర్తి, కొత్తవలస, విజయనగరం, బొబ్బిలి, పార్వతీపురం, రాయగడ, మునిగుడ రైల్వే స్టేషన్లలో ఆగుతుంది.

అలాగే, జనవరి 26, ఫిబ్రవరి 2 తేదీల్లో నర్సాపూర్‌-బెనారస్‌ (07109) ప్రత్యేక రైలు కూడా నడవనుంది. ఈ రైలు నర్సాపూర్‌ నుండి ఉదయం 6 గంటలకు బయలుదేరి, మరుసటి రోజు మధ్యాహ్నం 3.45 గంటలకు బెనారస్‌ చేరుకుంటుంది. తిరుగు ప్రయాణంలో 07110 నంబరు రైలు జనవరి 27, ఫిబ్రవరి 3 తేదీల్లో బెనారస్‌ నుండి సాయంత్రం 5.30 గంటలకు బయలుదేరి నర్సాపూర్‌ చేరుకుంటుంది.

మహా కుంభమేళా, 2025లో జనవరి 13 నుండి ఫిబ్రవరి 26 వరకు 45 రోజుల పాటు ఉత్తర ప్రదేశ్ రాష్ట్రంలోని ప్రయాగ్‌రాజ్‌లో జరుగనుంది. ఈ ఉత్సవానికి ప్రపంచవ్యాప్తంగా దాదాపు 40 కోట్ల మంది భక్తులు హాజరవుతారని అంచనా వేస్తున్నారు. ఈ సందర్భంగా పెద్ద ఎత్తున ఏర్పాట్లు చేయడం జరిగింది, భద్రత కోసం పారామిలిటరీ బలగాలు సహా 50 వేల మంది సిబ్బంది మోహరించనున్నారు. ప్రజలు కుంభమేళా సంబంధించిన సమాచారం తెలుసుకోవడానికి 11 భారతీయ భాషల్లో ఒక ఏఐ చాట్‌బాట్ అందుబాటులో ఉంటుంది. ఈ నేపథ్యంలో, ప్రయాణికులు సౌకర్యంగా ప్రయాణించడానికి ప్రత్యేక రైళ్లు ఉంచడం ప్రజలకు బాగా ఉపకరిస్తుందని అధికారులు పేర్కొంటున్నారు.

Jimmy Carter : అమెరికా మాజీ అధ్యక్షుడు జిమ్మీ కార్టర్‌ కన్నుమూత.. ఆయన లైఫ్‌లోని కీలక ఘట్టాలివీ

Follow us