Champions Trophy: ఛాంపియన్స్ ట్రోఫీ ఆతిథ్యం పాకిస్థాన్ నుంచి లాగేసుకుంటారా?

Pakistan Refunds

Champions Trophy: ఐసీసీ ఛాంపియన్స్ ట్రోఫీ (Champions Trophy) 2025 వచ్చే నెలలో పాకిస్తాన్‌లో నిర్వహించనున్నారు. అక్కడ టోర్నమెంట్ ఫిబ్రవరి 19 నుండి ప్రారంభమవుతుంది. చాలా ఏళ్ల తర్వాత పాకిస్థాన్‌లో ఐసీసీ టోర్నీ నిర్వహిస్తున్నప్పటికీ పాకిస్థాన్ క్రికెట్ బోర్డు (పీసీబీ) కష్టాలు మాత్రం తగ్గే సూచనలు కనిపించడం లేదు. తాజాగా ఈ టోర్నీ హోస్టింగ్‌ను తీసేసినట్లు వార్తలు వస్తున్నాయి. ఎందుకంటే ఈ టోర్నీలో మ్యాచ్‌లు జరగాల్సిన మూడు స్టేడియాలు ఇంకా సిద్ధంగా కాలేద‌ని స‌మాచారం.

PCB గడువును కోల్పోయింది

ఈ స్టేడియాలన్నింటిలో గత ఏడాది చివరికల్లా పనులు పూర్తి కావాల్సి ఉండగా ఇంతవరకు జరగలేదు. స్టేడియాల‌ను సిద్ధం చేయడానికి పాకిస్తాన్ గడువును కోల్పోయింది. అయితే ఇప్పుడు మొత్తం టోర్నమెంట్ వేరే దేశానికి మారవచ్చని వార్త‌లు కూడా వ‌చ్చాయి. ఇప్పుడు ఈ మొత్తం వ్యవహారంపై పీసీబీ ప్రకటన విడుద‌ల చేసింది. ఛాంపియన్స్ ట్రోఫీకి సన్నాహాలు ముమ్మరంగా సాగుతున్నాయని, లాహోర్‌లోని గడ్డాఫీ స్టేడియం, కరాచీలోని నేషనల్ బ్యాంక్ స్టేడియంలో నిర్మాణ పనులు గడువులోగా లేదా ఆ సమయంలో పూర్తవుతాయని పిసిబిని ఉటంకిస్తూ ‘టైమ్స్ ఆఫ్ ఇండియా’ పేర్కొంది.

Also Read: Tirupati Stampede : తొక్కిసలాట ఘటనపై టీటీడీ ఈవో ఏమన్నారంటే..!!

పాకిస్థాన్ స్టేడియంలోని పలు వీడియోలు వైరల్ అవుతున్నాయి

బుధవారం తెల్లవారుజామున ఛాంపియన్స్ ట్రోఫీ మ్యాచ్‌లు జరిగే పాకిస్థాన్‌లోని ప్రదేశాలకు సంబంధించిన వీడియోలు చాలా సోషల్ మీడియాలో వైర‌ల్ అయ్యాయి. ఇందులో లాహోర్, కరాచీ, రావల్పిండి పేర్లు ఉన్నాయి. ఒక స్టేడియంలో ప్లాస్టర్ పనులు కూడా పూర్తి కాలేదని ఓ నివేదిక పేర్కొంది.

మూడు స్టేడియాలు ఇంకా సిద్ధం కాలేదు

ఓ నివేదిక ప్ర‌కారం.. ‘ఇది చాలా నిరాశపరిచిన చిత్రం. మూడు స్టేడియాలు ఇంకా సిద్ధం కాకపోవడంతో వాటిలో ఎలాంటి పునరుద్ధరణ పనులు జరగడం లేదు. కానీ నిర్మాణ పనులు మాత్రం కొనసాగుతున్నాయి. సీట్లు, ఫ్లడ్‌లైట్లు, సౌకర్యాలు, అవుట్‌ఫీల్డ్, గ్రౌండ్‌తో సహా స్టేడియాలలో చాలా పని చేయాల్సి ఉంది. ఫిబ్రవరి 8 నుంచి న్యూజిలాండ్‌-ద‌క్షిణాఫ్రికాతో స్వదేశంలో పాకిస్థాన్ ముక్కోణపు సిరీస్ ఆడాల్సి ఉంది. ఇంతకుముందు ముక్కోణపు సిరీస్‌ని ముల్తాన్‌లో నిర్వహించాల్సి ఉంది. అయితే ఇప్పుడు సన్నాహాలను దృష్టిలో ఉంచుకుని దానిని గడాఫీ స్టేడియం, నేషనల్ బ్యాంక్ స్టేడియంకు బదిలీ చేయాలని పిసిబి నిర్ణయించింది.

Follow us