Ashwin Takes Catch: వావ్.. రెండో రోజు మ్యాచ్‌లో హైలెట్‌గా నిలిచిన అశ్విన్ క్యాచ్.. వీడియో వైరల్!
- By Gopichand Published Date - 11:34 PM, Sat - 2 November 24
Ashwin Takes Catch: ముంబైలోని వాంఖడే స్టేడియం వేదికగా భారత్-న్యూజిలాండ్ మధ్య టెస్టు సిరీస్‌లో చివరి, మూడో మ్యాచ్ జరుగుతోంది. మూడో టెస్టు మ్యాచ్‌లో నేడు రెండో రోజు. ప్రస్తుతం ముంబై టెస్టులో టీమిండియా చాలా పటిష్ట స్థితిలో ఉన్నట్లు కనిపిస్తోంది. తొలి ఇన్నింగ్స్‌లో న్యూజిలాండ్‌ను 235 పరుగులకు ఆలౌట్ చేసిన టీమిండియా కూడా పెద్దగా పరుగులు చేయలేకపోయింది. భారత జట్టు తొలి ఇన్నింగ్స్‌లో 263 పరుగులకు ఆలౌటైంది.
టీమ్ ఇండియా స్వల్ప ఆధిక్యంలో ఉంది. అయితే ఈ మ్యాచ్‌లో మరోసారి టీమిండియా బౌలర్ల మెరుపు కనిపించింది. దీంతో పాటు ఫీల్డింగ్‌లోనూ భారత ఆటగాళ్లు అద్భుతాలు చేస్తున్నారు. రెండో రోజు ఆర్ అశ్విన్ ఆశ్చర్యకరమైన క్యాచ్ పట్టి (Ashwin Takes Catch) అందరినీ ఆశ్చర్యపరిచాడు.
Also Read: Ayyanna Patrudu: పొలిటికల్ రిటైర్మెంట్ ప్రకటించిన టీడీపీ సీనియర్ నేత అయ్యన్నపాత్రుడు!
Runs backwards
Keeps his eyes 👀 on the ball
Completes an outstanding catch 👍Sensational stuff from R Ashwin! 👏 👏
Live ▶️ https://t.co/KNIvTEy04z#TeamIndia | #INDvNZ | @ashwinravi99 | @IDFCFIRSTBank pic.twitter.com/ONmRJWPk8t
— BCCI (@BCCI) November 2, 2024
5 సెకన్లలో 19 మీటర్లు పరుగెత్తాడు
రెండో రోజు న్యూజిలాండ్ తరఫున డారెల్ మిచెల్ బాగా బ్యాటింగ్‌ చేశాడు. విల్ యంగ్- మిచెల్ మధ్య 50 పరుగుల భాగస్వామ్యం 28వ ఓవర్లో పూర్తయింది. అదే ఓవర్లో రవీంద్ర జడేజా వేసిన బంతికి మిచెల్ భారీ షాట్ ఆడేందుకు వెళ్లగా.. ఆర్ అశ్విన్ కేవలం 5 సెకన్ల వ్యవధిలో 19 మీటర్ల దూరం ప‌రుగెత్తి అద్భుత క్యాచ్ పట్టాడు. అశ్విన్ పట్టిన ఈ క్యాచ్ చూసి అందరూ ఆశ్చర్యపోయారు.
ఈ సమయంలో, వ్యాఖ్యాత రవిశాస్త్రి కూడా తనను తాను ఆపుకోలేకపోయాడు. అశ్విన్ క్యాచ్, జడేజా బౌలింగ్‌ చూసిన శాస్త్రి.. ఇతర సీనియర్ ఆటగాళ్లు తమ పని తాము చేసుకుపోతున్నారని అశ్విన్ పట్టిన క్యాచ్‌నుద్దేశించి అన్నాడు. అశ్విన్ క్యాచ్ పట్టిన ఈ వీడియో ఇప్పుడు సోషల్ మీడియాలో చాలా వేగంగా వైరల్ అవుతోంది.
కివీస్ రెండో ఇన్నింగ్స్‌లో డారెల్ మిచెల్ 44 బంతుల్లో 21 పరుగులు చేసి ఔటయ్యాడు. రవీంద్ర జడేజా మిచెల్‌కు పెవిలియన్ దారి చూపించాడు. రెండో ఇన్నింగ్స్‌లో రవీంద్ర జడేజా, ఆర్ అశ్విన్ అద్భుతమైన బౌలింగ్‌ను చూశారు. రెండో రోజు ఆట ముగిసే స‌మ‌యానికి న్యూజిలాండ్ జట్టు 9 వికెట్ల న‌ష్టానికి 171 పరుగులు మాత్ర‌మే చేయ‌గ‌లిగింది. టీమిండియా బౌలింగ్‌లో జడేజా నాలుగు వికెట్లు తీయ‌గా.. అశ్విన్ మూడు, సుంద‌ర్‌, ఆకాశ్ దీప్ చెరో వికెట్ తీశారు. కివీస్ జట్టు ప్రస్తుతం 143 పరుగుల ఆధిక్యంలో ఉంది.
