Rohit Sharma: రోహిత్ శర్మకు కోహ్లీ రికార్డును బద్దలు కొట్టే ఛాన్స్.. 44 పరుగులు చేస్తే చాలు

Rohit Sharma

Rohit Sharma: రేపటి నుంచి అంటే గురువారం నుంచి భారత్, ఆఫ్ఘనిస్థాన్ మధ్య మూడు మ్యాచ్‌ల టీ20 సిరీస్ జరగనుంది. ఈ సిరీస్‌లో తొలి మ్యాచ్ జనవరి 11న మొహాలీలో జరగనుంది. ఈ మ్యాచ్‌లో భారత కెప్టెన్ రోహిత్ శర్మ (Rohit Sharma) తన పేరిట ఓ పెద్ద రికార్డు సృష్టించగలడు. ప్రస్తుతం ఈ రికార్డు మాజీ కెప్టెన్ విరాట్ కోహ్లీ పేరిట ఉంది. మొహాలీలోని ఐఎస్ బింద్రా స్టేడియంలో భారత్-అఫ్గానిస్థాన్ జట్ల మధ్య తొలి టీ20 జరగనుంది. ఈ మ్యాచ్ రాత్రి 7 గంటలకు ప్రారంభం కానుంది. ఈ సిరీస్‌లో రోహిత్ శర్మ, విరాట్ కోహ్లీ మళ్లీ టీ20 జట్టులోకి వచ్చారు. గాయాల కారణంగా సూర్యకుమార్ యాదవ్, హార్దిక్ పాండ్యా ఈ సిరీస్‌లో భాగం కావడం లేదు.

రోహిత్ శర్మ 44 పరుగులు చేస్తే

ఆఫ్ఘనిస్థాన్‌తో జరిగే తొలి టీ20లో రోహిత్ శర్మ కేవలం 44 పరుగులు చేస్తే విరాట్ కోహ్లీ రికార్డును బద్దలు కొట్టగలడు. నిజానికి టీ20 ఇంటర్నేషనల్‌లో కెప్టెన్‌గా అత్యధిక పరుగులు చేసిన రికార్డు కింగ్ కోహ్లీ పేరిట ఉంది. కోహ్లి 50 మ్యాచ్‌ల్లో 1570 పరుగులు చేశాడు. కాగా రోహిత్ 51 మ్యాచ్‌ల్లో 1527 పరుగులు చేశాడు. ఈ పరిస్థితుల్లో రోహిత్ తొలి టీ20లో 44 పరుగులు చేస్తే.. అంతర్జాతీయ టీ20లో కెప్టెన్‌గా అత్యధిక పరుగులు చేసిన భారత ఆటగాడు అవుతాడు.

Also Read: ICC Test Ranking: ఐసీసీ ర్యాంకింగ్స్‌లో సత్తా చాటిన కోహ్లీ, రోహిత్..!

నంబర్ వన్ లో ఆస్ట్రేలియా ఆటగాడు ఆరోన్ ఫించ్

టీ20 ఇంటర్నేషనల్‌లో కెప్టెన్‌గా అత్యధిక పరుగులు చేసిన పరంగా విరాట్ ప్రస్తుతం నాలుగో స్థానంలో ఉన్నాడు. ఆఫ్ఘనిస్థాన్‌తో జరిగే తొలి టీ20లో రోహిత్ 44 పరుగులు చేస్తే.. కోహ్లీని వెనక్కి నెట్టి నాలుగో ర్యాంక్‌కు చేరుకుంటాడు. ఈ రికార్డు జాబితాలో ఆస్ట్రేలియా మాజీ కెప్టెన్ ఆరోన్ ఫించ్ అగ్రస్థానంలో ఉన్నాడు. ఫించ్ పేరిట 2236 పరుగులు ఉన్నాయి. బాబర్ ఆజం 2195 పరుగులతో ఈ రికార్డు జాబితాలో రెండో స్థానంలో ఉన్నాడు. ఈ రికార్డు జాబితాలో న్యూజిలాండ్‌కు చెందిన కేన్ విలియమ్సన్ మూడో స్థానంలో నిలిచాడు. అతని పేరిట 2042 పరుగులు ఉన్నాయి.

We’re now on WhatsApp. Click to Join.

Follow us