టీ20 ఫార్మాట్లో పాకిస్థాన్ రికార్డు బద్దలు కొట్టిన భారత్..
- Author : Vamsi Chowdary Korata
Date : 26-01-2026 - 9:46 IST
Published By : Hashtagu Telugu Desk
T20 India Cricket Team టీ20 ఫార్మాట్లో భారత క్రికెట్ జట్టు తన జైత్రయాత్రను కొనసాగిస్తోంది. నిన్న న్యూజిలాండ్తో జరిగిన మూడో టీ20 మ్యాచ్లో 8 వికెట్ల తేడాతో ఘన విజయం సాధించింది. ఈ విజయంతో ఐదు మ్యాచ్ల సిరీస్ను మరో రెండు మ్యాచ్లు మిగిలి ఉండగానే 3-0 తేడాతో కైవసం చేసుకుంది. ఈ గెలుపుతో టీమిండియా ఒక అరుదైన ప్రపంచ రికార్డును సమం చేసింది.
- వరుసగా 11వ సిరీస్ విజయంతో పాకిస్థాన్ రికార్డు సమం
- స్వదేశంలో అత్యధిక సిరీస్ల విజయాల రికార్డు కూడా టీమిండియాదే
- న్యూజిలాండ్పై టీ20 సిరీస్ను కైవసం చేసుకున్న భారత్
- తర్వాతి సిరీస్ గెలిస్తే భారత్ పేరిట సరికొత్త ప్రపంచ రికార్డు
2026లో టీ20 ప్రపంచకప్కు భారత్ ఆతిథ్యం ఇవ్వనున్న నేపథ్యంలో జట్టు ఈ స్థాయిలో రాణించడం ప్రాధాన్యత సంతరించుకుంది. కివీస్తో మిగిలిన రెండు మ్యాచ్ల తర్వాత సూర్యకుమార్ యాదవ్ సారథ్యంలోని టీమిండియా ఇంగ్లండ్లో ఐదు టీ20ల సిరీస్ ఆడనుంది. ఆ సిరీస్ను కూడా గెలిస్తే వరుసగా 12 విజయాలతో సరికొత్త ప్రపంచ రికార్డు సృష్టిస్తుంది.
స్వదేశంలో అత్యధిక సిరీస్ల విజయాల రికార్డు
ఇప్పటికే స్వదేశంలో వరుసగా అత్యధిక టీ20 సిరీస్లు (10) గెలిచిన రికార్డు కూడా భారత్ పేరిటే ఉంది. గతంలో ఆస్ట్రేలియా (2006-10) ఎనిమిది విజయాలతో రెండో స్థానంలో ఉంది.
Follow us
