Gambhir Press Conference: రోహిత్‌- కోహ్లీ ఫామ్‌ల‌పై గంభీర్ ఆస‌క్తిక‌ర వ్యాఖ్య‌లు.. ఓపెనింగ్‌లో మార్పులు!

Gautam Gambhir

Gambhir Press Conference: టీమ్ ఇండియా ఆస్ట్రేలియా టూర్‌కు బయలుదేరే ముందు ప్రెస్ కాన్ఫరెన్స్‌లో (Gambhir Press Conference) భారత జట్టుకు సంబంధించిన పలు ప్రశ్నలకు గౌతమ్ గంభీర్ సమాధానం ఇచ్చాడు. తొలి టెస్టులో రోహిత్ అందుబాటులోకి సంబంధించిన స‌మాచారం ఇంకా పూర్తిగా స్పష్టంగా తెలియలేదని గంభీర్ తెలిపారు. రోహిత్ గైర్హాజరీలో కేఎల్ రాహుల్ లేదా అభిమన్యు ఈశ్వరన్ ఆస్ట్రేలియాపై ఇన్నింగ్స్‌ను ప్రారంభించగలరని గంభీర్ స‌మాధానం ఇచ్చారు. కోహ్లి-రోహిత్. హర్షిత్ రానాల పేలవమైన ఫామ్ గురించి కూడా గంభీర్ మాట్లాడాడు. నవంబర్ 22 నుంచి భారత్-ఆస్ట్రేలియా మధ్య ఐదు టెస్టు మ్యాచ్‌ల సిరీస్ ప్రారంభం కానుంది.

రోహిత్ తొలి టెస్టుకు దూరమవుతాడా?

ఆస్ట్రేలియాతో జరిగే తొలి టెస్టు మ్యాచ్‌లో రోహిత్ శర్మ టీమ్ ఇండియాలో భాగమవుతాడా లేదా అనే విషయంపై గౌతమ్ గంభీర్ అప్‌డేట్ ఇచ్చారు. రోహిత్‌కి సంబంధించిన స‌మాచారం ఇంకా స్పష్టంగా తెలియలేదని గంభీర్ చెప్పారు. రోహిత్ లభ్యత సిరీస్ ప్రారంభానికి ముందే తెలుస్తుందని వివ‌రించారు.

రోహిత్ గైర్హాజరీలో ఎవరు ఓపెనింగ్ చేస్తారు?

రోహిత్ శర్మ గైర్హాజరీలో కేఎల్ రాహుల్ లేదా అభిమన్యు ఈశ్వరన్ ఆస్ట్రేలియాపై ఓపెనింగ్ బాధ్యతలను నిర్వహించగలరని గౌతమ్ గంభీర్ వెల్ల‌డించారు. అయితే విలేకరుల సమావేశంలో గంభీర్ రాహుల్‌కు మరింత మద్దతు ఇస్తూ కనిపించారు.

Also Read: Onion Prices : ఉల్లి ధరల మంట.. ఉత్తరాదిలో కిలో రూ.100.. తెలుగు రాష్ట్రాల్లోనూ పైపైకి

కెప్టెన్ ఎవరు?

ఆస్ట్రేలియాతో జరిగే తొలి టెస్టు మ్యాచ్‌కు రోహిత్ శర్మ దూరమైతే, భారత జట్టుకు నాయకత్వం వహించేది ఎవరు? ఈ ప్రశ్నకు సమాధానంగా.. గంభీర్ జస్ప్రీత్ బుమ్రా పేరును చెప్పారు. బుమ్రా వైస్ కెప్టెన్ అని, రోహిత్ గైర్హాజరీలో అతను జట్టుకు బాధ్యత వహిస్తాడని గంభీర్ తెలిపారు.

కోహ్లీ-రోహిత్ పేలవమైన ఫామ్‌పై గంభీర్ స్పంద‌న‌

విరాట్ కోహ్లీ, రోహిత్ శర్మల పేలవమైన ఫామ్ గురించి కూడా గౌతమ్ గంభీర్ బహిరంగంగా మాట్లాడాడు. దిగ్గజ బ్యాట్స్‌మెన్‌లిద్దరి ఫామ్‌పై ఆందోళన చెందాల్సిన పని లేదని అన్నారు. గతంలో టీమ్ ఇండియా తరఫున మంచి ప్రదర్శన కనబరిచిన వారు న్యూజిలాండ్‌పై ఘోర పరాజయం పాలైన తర్వాత డ్రెస్సింగ్ రూమ్‌లోని ఆటగాళ్లు మంచి ఆటతీరు కనబర్చేందుకు ఉవ్విళ్లూరుతున్నారన్నారు.

శుభ్‌మన్ గిల్ ప్రారంభిస్తారా?

ఆస్ట్రేలియాతో జరిగే టెస్టు సిరీస్‌లో శుభ్‌మన్ గిల్ ఓపెనింగ్‌లో కనిపిస్తారా అని గౌతమ్ గంభీర్‌ను అడిగినప్పుడు? దీనిపై మాట్లాడుతూ.. జ‌ట్టు ఆట‌గాళ్ల‌ గురించి ఇప్పుడే చెప్పలేనని చెప్పారు. అయితే సిరీస్‌లో జట్టు అత్యుత్తమ కాంబినేషన్‌తో బరిలోకి దిగనుందని స్ప‌ష్టం చేశారు.

Follow us