Uncapped Player: ఐపీఎల్ 2025 మెగా వేలం.. ధోనీతో పాటు అన్క్యాప్డ్ ప్లేయర్స్గా బరిలోకి దిగనున్న టీమిండియా ఆటగాళ్లు వీరే..!
అన్క్యాప్డ్ ప్లేయర్గా మెగా వేలంలో ఉండే అతిపెద్ద పేరు మహేంద్ర సింగ్ ధోని. ధోనీ తన చివరి అంతర్జాతీయ మ్యాచ్ను 2019లో ఆడాడు. ముఖ్యంగా మహి కోసమే ఈ నిబంధన తీసుకొచ్చారని కొందరు క్రికెట్ పండితులు కూడా భావిస్తున్నారు.
- Author : Gopichand
Date : 05-10-2024 - 11:32 IST
Published By : Hashtagu Telugu Desk
Uncapped Player: IPL 2025పై ఉత్కంఠ పెరగడం ప్రారంభమైంది. మెగా వేలానికి ముందు రిటెన్షన్ పాలసీకి సంబంధించిన విధానం స్పష్టమైంది. దీంతో పాటు కొన్ని పాత నిబంధనలను కూడా తీసుకొచ్చారు. ఐదేళ్లు లేదా అంతకంటే ఎక్కువ సంవత్సరాలు అంతర్జాతీయ క్రికెట్కు దూరంగా ఉన్న భారత ఆటగాళ్లు మెగా వేలంలో అన్క్యాప్డ్ ప్లేయర్లుగా ( Uncapped Player) ప్రవేశించనున్నారు. అయితే అంతర్జాతీయ క్రికెట్లో సందడి చేసిన ఎనిమిది మంది భారతీయ ఆటగాళ్లు.. ఈసారి వేలంలో అన్క్యాప్డ్ ప్లేయర్లుగా పాల్గొంటారు. వారెవరో ఓ లుక్ వేద్దాం.
మహేంద్ర సింగ్ ధోని
అన్క్యాప్డ్ ప్లేయర్గా మెగా వేలంలో ఉండే అతిపెద్ద పేరు మహేంద్ర సింగ్ ధోని. ధోనీ తన చివరి అంతర్జాతీయ మ్యాచ్ను 2019లో ఆడాడు. ముఖ్యంగా మహి కోసమే ఈ నిబంధన తీసుకొచ్చారని కొందరు క్రికెట్ పండితులు కూడా భావిస్తున్నారు.
పీయూష్ చావ్లా
ఐపీఎల్లో ముంబై ఇండియన్స్ స్పిన్ బౌలింగ్లో ముఖ్యమైన లింక్గా పరిగణించబడుతున్న పీయూష్ చావ్లా ఈసారి కూడా అన్క్యాప్డ్ ప్లేయర్గా వేలంలోకి ప్రవేశించనున్నాడు. పీయూష్ తన చివరి అంతర్జాతీయ మ్యాచ్ 2012లో ఆడాడు.
Also Read: Iran Vs US : ఇరాన్ అణు స్థావరాలపై ఇజ్రాయెల్ దాడి.. బైడెన్, ట్రంప్ కీలక వ్యాఖ్యలు
సందీప్ శర్మ
ఐపీఎల్లో బ్యాట్స్మెన్ను తన బంతులతో ఇబ్బంది పెట్టడంలో ఫేమస్ అయిన సందీప్ శర్మ మెగా వేలంలో అన్క్యాప్డ్ ప్లేయర్గా చేరనున్నాడు. ఈ లీగ్లో 127 మ్యాచ్లు ఆడిన సందీప్ 137 వికెట్లు తీశాడు.
అమిత్ మిశ్రా
IPL 2025 మెగా వేలంలో స్పిన్ బౌలర్ అమిత్ మిశ్రా కూడా వేలం పట్టికలో అన్క్యాప్డ్ ప్లేయర్గా కనిపిస్తాడు. ఈ లీగ్లో అత్యంత విజయవంతమైన బౌలర్లలో అమిత్ ఒకరు.
మోహిత్ శర్మ
గత రెండు సీజన్లలో గుజరాత్ టైటాన్స్ తరఫున అద్భుత ప్రదర్శన చేసిన మోహిత్ శర్మ ఈసారి వేలంలో కూడా అన్ క్యాప్డ్ ప్లేయర్గా కనిపించనున్నాడు. మోహిత్ తన చివరి అంతర్జాతీయ మ్యాచ్ 2015లో ఆడాడు.
విజయ్ శంకర్
2019 ప్రపంచ కప్లో భారత జట్టులో భాగమైన విజయ్ శంకర్ 2025 మెగా వేలంలో అన్క్యాప్డ్ ప్లేయర్గా చేర్చబడతాడు. విజయ్ చివరిసారిగా 2019లో భారత జట్టు జెర్సీలో కనిపించాడు.
కరణ్ శర్మ
ఐపీఎల్లో చాలా పెద్ద జట్లకు ఆడిన కర్ణ్ శర్మ ఈసారి మెగా వేలంలో అన్క్యాప్డ్ ప్లేయర్గా కూడా కనిపించనున్నాడు. కరణ్ అంతర్జాతీయ క్రికెట్లో తన చివరి మ్యాచ్ను 10 సంవత్సరాల క్రితం అంటే 2014లో ఆడాడు.
మయాంక్ మార్కండే
2019లో టీమ్ ఇండియా తరఫున ఏకైక టీ-20 మ్యాచ్ ఆడిన మయాంక్ మార్కండేయ పేరు కూడా అన్క్యాప్డ్ ప్లేయర్గా వేలం పట్టికలో ఉంటుంది. ఇండియన్ ప్రీమియర్ లీగ్లో ముంబై ఇండియన్స్, సన్రైజర్స్ హైదరాబాద్ వంటి పెద్ద జట్లలో మయాంక్ భాగమయ్యాడు.
Follow us
