Avneet Kaur: విరాట్ కోహ్లీ లైక్ వివాదంపై స్పందించిన అవనీత్ కౌర్!

Avneet Kaur: భారత క్రికెట్ దిగ్గజం విరాట్ కోహ్లీ దేశంలోనే కాదు ప్రపంచంలోనే తనదైన ప్రత్యేక గుర్తింపు పొందాడు. ఇటీవల ఇన్‌స్టాగ్రామ్‌లో ఒక పోస్ట్‌ను పొరపాటున లైక్ చేయడం వల్ల కోహ్లీ వార్తల్లో నిలిచాడు. ఆ తర్వాత దానిపై వివరణ ఇస్తూ ఒక పోస్ట్ కూడా చేయాల్సి వచ్చింది. వివరాల్లోకి వెళ్తే.. విరాట్ కోహ్లీ పొరపాటున నటి అవనీత్ కౌర్ (Avneet Kaur) ఫోటోను లైక్ చేశాడు. కోహ్లీ లైక్ చేసిన స్క్రీన్‌షాట్ ఇంటర్నెట్‌లో వేగంగా వైరల్ అయింది. ఇప్పుడు ఈ ఘటనపై అవనీత్ కౌర్ స్పందన వెలువడింది.

విరాట్ కోహ్లీ లైక్‌తో స్టార్‌గా మారిన అవనీత్

అవనీత్ కౌర్ ఇప్పటికే సోషల్ మీడియాలో బాగా పేరున్న వ్యక్తి. కానీ విరాట్ కోహ్లీ ఒకే ఒక్క లైక్ ఆమె పాపులారిటీని మరింత పెంచింది. కోహ్లీ లైక్ చేయడంతో అవనీత్‌కు 10 లక్షలకు పైగా ఫాలోవర్లు పెరిగారు. అంతేకాకుండా దీని తర్వాత ఆమెకు దాదాపు 12 బ్రాండ్ల ఎండార్స్‌మెంట్లు కూడా లభించాయి. విరాట్ లైక్‌తో అవనీత్ స్టార్ నుండి సూపర్ స్టార్‌గా మారింది. తాజాగా తన సినిమా ప్రమోషన్స్ సందర్భంగా విరాట్ కోహ్లీ లైక్ గురించి అడిగినప్పుడు అవనీత్ ఒకే వాక్యంలో సమాధానం ఇచ్చింది.

Also Read: Khairatabad Ganesh: ఖైరతాబాద్ బడా గణేష్ ఆగమనం రేపటికి వాయిదా

“మీకు ఇంత అభిమానం, ప్రేమ లభిస్తోంది. చాలామంది సెలబ్రిటీలు మీ ఫోటోలను లైక్ చేస్తున్నారు. దీనిపై మీరు ఏమైనా చెప్పాలనుకుంటున్నారా?” అని ఒక మీడియా ప్రతినిధి ప్రశ్నించగా అవనీత్ కౌర్ ఇలా సమాధానం ఇచ్చింది. “ఆ ప్రేమ ఇలాగే కొనసాగాలి, ఇంకేం చెప్పాలి నేను” అని పేర్కొంది.

విరాట్ కోహ్లీ ఇచ్చిన వివరణ

అవనీత్ కౌర్ పోస్ట్‌ను లైక్ చేయడంపై విరాట్ కోహ్లీ తన ఇన్‌స్టాగ్రామ్ స్టోరీలో స్పందిస్తూ.. “ఒక విషయం స్పష్టం చేయాలనుకుంటున్నాను. నా ఫీడ్ చూస్తున్నప్పుడు అల్గారిథమ్ వల్ల పొరపాటున ఒక ఇంటరాక్షన్ జరిగింది. దీని వెనుక ఎలాంటి ఉద్దేశ్యం లేదు. దయచేసి ఎవరూ తప్పుడు అంచనాలు వేయవద్దని నేను కోరుకుంటున్నాను. ఈ విషయాన్ని అర్థం చేసుకున్నందుకు ధన్యవాదాలు” అని రాశాడు.