రామ్ చరణ్ పెద్ది సెకండ్ సాంగ్ కి లేటెస్ట్ ప్లాన్!

Peddi - Giri Giri Giri Song Peddi 2nd Song

Ram Charan మెగా పవర్ స్టార్ రామ్ చరణ్ నటిస్తున్న భారీ పాన్ ఇండియా చిత్రం పెద్దిపై అంచనాలు రోజురోజుకీ పెరుగుతున్నాయి. బుచ్చిబాబు సాన దర్శకత్వంలో తెరకెక్కుతున్న ఈ మూవీ నుంచి విడుదలైన తొలి పాట “చికిరి చికిరి” యూట్యూబ్‌లో 100 మిలియన్ వ్యూస్ దాటి సంచలనం సృష్టించింది. ఐదు భాషల్లో విడుదలైన ఈ సాంగ్ మొత్తం 150 మిలియన్‌కు పైగా వ్యూస్ సాధించింది. ఈ విజయంతో ఇప్పుడు రెండో సింగిల్‌పై భారీ బజ్ నెలకొంది. తాజా టాక్ ప్రకారం, ఈ పాట పక్కా మాస్ స్టైల్‌తో పాటు ఎమోషనల్ షేడ్స్ కలిగి ఉండనుంది.

మెగా పవర్ స్టార్ రామ్ చరణ్‌కి దేశవ్యాప్తంగా భారీ క్రేజ్ ఉందన్న సంగతి తెలిసిందే. మెగాస్టార్ చిరంజీవి వారసుడిగా ఎంట్రీ ఇచ్చి పాన్ ఇండియా స్టార్‌గా తన స్థాయిని నిరూపించుకున్నాడు చరణ్. ఆర్‌ఆర్‌ఆర్ తర్వాత ఆయన చేస్తున్న ప్రతి ప్రాజెక్ట్‌పై అభిమానులతో పాటు సినీ వర్గాల్లోనూ భారీ అంచనాలు ఏర్పడుతున్నాయి. అలాంటి అంచనాల మధ్య రూపొందుతున్న భారీ చిత్రం ‘ పెద్ది ’. ‘ఉప్పెన’ వంటి సెన్సేషనల్ హిట్ తర్వాత దర్శకుడు బుచ్చిబాబు సానా తెరకెక్కిస్తున్న ఈ సినిమా కథ, స్కేల్, టెక్నికల్ వాల్యూస్ పరంగా నెక్స్ట్ లెవెల్‌లో ఉంటుందని మొదటి నుంచే టాక్ నడుస్తోంది. వృద్ధి సినిమాస్ బ్యానర్‌పై వెంకట సతీష్ కిలారు నిర్మిస్తుండగా, మైత్రీ మూవీ మేకర్స్, సుకుమార్ రైటింగ్స్ భాగస్వాములుగా ఉండటం సినిమాకు మరింత బలం చేకూర్చింది. చరణ్ సరసన జాన్వీ కపూర్ కథానాయికగా నటిస్తుండగా, కన్నడ స్టార్ శివ రాజ్‌కుమార్, జగపతిబాబు కీలక పాత్రలో కనిపించనున్నారు. ఆస్కార్ విజేత ఏ.ఆర్. రెహమాన్ సంగీతం అందిస్తుండటంతో సినిమాపై అంచనాలు ఆకాశాన్ని తాకుతున్నాయి.

ఈ హైప్‌ను మరింత పెంచింది ‘పెద్ది’ నుంచి విడుదలైన తొలి పాట ‘చికిరి చికిరి’. సినిమా విడుదలకు ముందే ఈ సాంగ్ దేశవ్యాప్తంగా సంచలనం సృష్టించింది. విడుదలైన కొద్ది రోజుల్లోనే యూట్యూబ్, మ్యూజిక్ స్ట్రీమింగ్ ప్లాట్‌ఫామ్స్‌లో ఈ పాటకు విపరీతమైన స్పందన వచ్చింది. ఎనర్జిటిక్ బీట్‌లు, క్యాచీ ట్యూన్‌తో రెహమాన్ మరోసారి తన మ్యాజిక్ చూపించాడని మ్యూజిక్ లవర్స్ ప్రశంసలు కురిపించారు. ముఖ్యంగా రామ్ చరణ్ డ్యాన్స్, ఎనర్జీ అభిమానులను ఉర్రూతలూగించింది. సోషల్ మీడియాలో ఈ పాటపై వేల సంఖ్యలో రీల్స్, షార్ట్ వీడియోలు ట్రెండ్ అవుతుండటం ప్రత్యేక ఆకర్షణగా నిలిచింది. కేవలం ఒక నెల వ్యవధిలోనే తెలుగు వెర్షన్ ఒక్కటే 100 మిలియన్ వ్యూస్ దాటడం విశేషంగా మారింది. ఐదు భాషల్లో విడుదలైన అన్ని వెర్షన్లను కలిపి చూస్తే ఈ పాట 150 మిలియన్లకు పైగా వ్యూస్ సాధించి రికార్డులు సృష్టించింది. ఇది రామ్ చరణ్ కెరీర్‌లో మరో మైలురాయిగా సినీ విశ్లేషకులు చెబుతున్నారు.

ఇప్పుడు అందరి దృష్టి ‘పెద్ది’ రెండో సింగిల్‌పై పడింది. ‘చికిరి చికిరి’ సక్సెస్ తర్వాత సెకండ్ సాంగ్ ఎప్పుడెప్పుడు వస్తుందా అని అభిమానులు ఆసక్తిగా ఎదురుచూస్తున్నారు. తాజా బజ్ ప్రకారం, ఈ రెండో పాట పూర్తిగా పక్కా మాస్ స్టైల్‌లో ఉండబోతుందట. ఇప్పటికే ఈ పాట చిత్రీకరణ పూర్తయిందని, ఇందులో రామ్ చరణ్ దాదాపు 500 మంది గ్రూప్ డ్యాన్సర్లతో కలిసి స్టెప్పులు వేయనున్నారని సమాచారం. అంతేకాదు, ఈ సాంగ్‌లో జాన్వీ కపూర్ కూడా కనిపించనుందనే టాక్ సోషల్ మీడియాలో వైరల్ అవుతోంది. మాస్‌తో పాటు ఎమోషనల్ షేడ్స్ కూడా ఉండేలా ఈ పాటను కంపోజ్ చేశారని వినిపిస్తోంది.

సంక్రాంతి కానుకగా ఈ రెండో సింగిల్ విడుదల కావచ్చన్న ప్రచారం కూడా జోరుగా సాగుతోంది. ఇప్పటికే కొన్ని పోస్టర్లు సోషల్ మీడియాలో వైరల్ అయినా, మూవీ టీమ్ నుంచి మాత్రం ఇంకా అధికారిక ప్రకటన రాలేదు. ఒకవేళ సంక్రాంతికి ఈ పాట విడుదలైతే, చెర్రీ ఫ్యాన్స్ ఆనందానికి హద్దులుండవని చెప్పాలి. అదే సమయంలో సినిమా విడుదల తేదీపై కూడా రూమర్స్ వినిపిస్తున్నాయి. భారీ బడ్జెట్ మూవీ కావడంతో సోలో రిలీజ్ కోసం మేకర్స్ ప్లాన్ చేస్తున్నారని, అందుకే సమ్మర్‌కు షిఫ్ట్ చేసే ఆలోచనలో ఉన్నారని టాక్. అయితే ఈ విషయాలపై క్లారిటీ రావాలంటే అధికారిక ప్రకటన వరకు వేచి చూడాల్సిందే. మొత్తానికి ‘పెద్ది’ సెకండ్ సింగిల్‌పై అంచనాలు రోజురోజుకీ పెరుగుతూనే ఉన్నాయి.

Follow us