Paddy: వరిధాన్యం కొంటామని ప్రకటించిన కేంద్రమంత్రి కిషన్ రెడ్డి
గత కొన్ని రోజులుగా టీఆర్ఎస్ బీజేపీ చేసుకుంటున్న పరస్పర విమర్శలపై బీజేపీ నేత, కేంద్రమంత్రి కిషన్ రెడ్డి స్పందించారు.
- By Hashtag U Published Date - 04:17 PM, Sun - 14 November 21
![Paddy: వరిధాన్యం కొంటామని ప్రకటించిన కేంద్రమంత్రి కిషన్ రెడ్డి](https://d1x8bgrwj9curj.cloudfront.net/wp-content/uploads/2021/11/180041-kishan-imresizer.jpeg)
గత కొన్ని రోజులుగా టీఆర్ఎస్ బీజేపీ చేసుకుంటున్న పరస్పర విమర్శలపై బీజేపీ నేత, కేంద్రమంత్రి కిషన్ రెడ్డి స్పందించారు.
వరి ధాన్యం విషయంలో టీఆర్ఎస్ నేతలు అసత్య ప్రచారం చేస్తున్నారని, వరి ధాన్యం
కొనుగోలు చేయబోమని కేంద్రం ఎక్కడైనా చెప్పిందా అని టీఆర్ఎస్ నేతలను ప్రశ్నించారు?
దశలవారీగా బాయిల్డ్ రైస్ తగ్గించాలని కేంద్రం చెబుతూ వస్తుందని, అది మినహాయించి
కేంద్రం చేసుకున్న ఒప్పందంలో ఎంత ధాన్యం కొంటామని చెప్పామో అంత ధాన్యం తప్పకుండా కొంటామని కిషన్ రెడ్డి తెలిపారు.
తెలంగాణలో ఏ రైతు అయినా బాయిల్డ్ రైస్ ఉత్పత్తి చేస్తున్నారా? బాయిల్డ్ రైస్ అనేది రైస్ మిల్లర్ల సమస్య. టీఆర్ఎస్ ప్రభుత్వం రైస్ మిల్లర్లతో మాట్లాడకుండా కేంద్రాన్ని బద్నాం చేస్తోందని విమర్శించారు.
రాష్ట్ర ప్రభుత్వం కేంద్రానికి వ్యతిరేకంగా ధర్నాలు చేసే బదులు ఉద్యోగాల భర్తీ, ఆయుష్మాన్ భారత్, ఎస్సీలకు మూడెకరాల భూమి పంపిణీపై దృష్టి పెట్టాలని టీఆర్ఎస్ పార్టీకి సూచించారు.
యాదాద్రి వరకు ఎంఎంటీఎస్ ఇచ్చేందుకు సిద్ధంగా ఉన్నామని కిషన్రెడ్డి స్పష్టం చేశారు.
Also Read: గడ్చిరోలిలో భారీ ఎన్ కౌంటర్. 26 మంది మావోయిస్టులు హతం, మృతుల్లో కేంద్ర కమిటీ
ఇక ధర్నా చౌక్ వద్దు అన్న వాళ్లే అక్కడ ధర్నా చేశారని కిషన్ రెడ్డి ఎద్దేవా చేశారు. అధికారంలో ఉన్న మంత్రులు కూడా ధర్నా చేయడం చాలా సంతోషమని సెటైర్స్ వేశారు.
కేంద్ర ప్రభుత్వం రైతు వ్యతిరేక ప్రభుత్వమని విమర్శించడానికి నోరెలా వచ్చిందని కిషన్ రెడ్డి ప్రశ్నించారు. అబద్దాల ప్రచారం మీద ప్రభుత్వాలు నడపొద్దని, మోదీ ప్రభుత్వం ఎక్కడా అప్పులు చేసి కమీషన్లు తీసుకోలేదని కిషన్ రెడ్డి తెలిపారు.
#PaddyIssue : అసలు వరిధాన్యం గొడవ ఏంటంటే….
Explained What is #paddy Procurement issue is in #Telangana.https://t.co/2CfGjso7vT— dinesh akula (@dineshakula) November 13, 2021
రామప్పకు యునెస్కో గుర్తింపు తేవడానికి కేంద్రం ఏం చేసిందని టీఆర్ఎస్ నేతలు ప్రశ్నించడాన్ని కూడా కిషన్ రెడ్డి తప్పు పట్టారు. రామప్ప విషయంలో కేసీఆర్ ప్రగతి భవన్లో పడుకొని 19 దేశాలను ఒప్పించాడా అని కిషన్ రెడ్డి ప్రశ్నించారు. వైద్య కళాశాలల ఏర్పాటుకు రాష్ట్రాలను ప్రతిపాదనలు కోరామని, మెడికల్ కాలేజీలు ఎక్కడెక్కడ ఏర్పాటు చేయాలని కేంద్రానికి దరఖాస్తు చేసుకున్నారో రాష్ట్ర ప్రభుత్వం చెప్పాలని ఆయన అన్నారు.
Also Read: ఇంగ్లీష్ పాండిత్యంపై సుప్రీమ్ సీజే సెటైర్
Related News
![Bihar : బీహార్లో కాల్పులు..బీజేపీ నేత సహా ఇద్దరు హత్య](https://d1x8bgrwj9curj.cloudfront.net/wp-content/uploads/2024/09/333.jpg)
Bihar : బీహార్లో కాల్పులు..బీజేపీ నేత సహా ఇద్దరు హత్య
ఉపముఖ్యమంత్రి సామ్రాట్ చౌదరి సొంత జిల్లా ముంగేర్ జిల్లాలో 24 గంటల్లోనే దుండుగులు నాలుగు భారీ ఘటనలకు పాల్పడ్డారు. ఈ ఘటనలో బీజేపీ నేతతో సహా ఇద్దరు వ్యక్తులు మృతి చెందారు.