Xi Jinping: మూడవ సారి చైనా అధ్యక్షుడిగా ఎన్నికైన జిన్పింగ్
చైనా (China) అధ్యక్షుడిగా జీ జిన్పింగ్ (Xi Jinping) ఎన్నికను ఆ దేశ పార్లమెంట్ ఏకగ్రీవంగా ఆమోదించింది. దీంతో ముచ్చటగా మూడోసారి ఆయన కీలక బాధ్యతల్లో ఉండనున్నారు. నిజానికి చైనా అధ్యక్ష పదవీ విరమణ వయసు 68 ఏళ్లు.
- Author : Gopichand
Date : 10-03-2023 - 10:34 IST
Published By : Hashtagu Telugu Desk
చైనా (China) అధ్యక్షుడిగా జీ జిన్పింగ్ (Xi Jinping) ఎన్నికను ఆ దేశ పార్లమెంట్ ఏకగ్రీవంగా ఆమోదించింది. దీంతో ముచ్చటగా మూడోసారి ఆయన కీలక బాధ్యతల్లో ఉండనున్నారు. నిజానికి చైనా అధ్యక్ష పదవీ విరమణ వయసు 68 ఏళ్లు. రెండు సార్ల కంటే ఎక్కువగా పదవి చేపట్టే వీలు ఉండేది కాదు. కానీ 2018లో జిన్పింగ్ రాజ్యాంగాన్ని సవరించడంతో ఈ అవకాశం దక్కింది.
చైనా అధ్యక్షుడు జిన్పింగ్ మూడోసారి చైనా అధ్యక్షుడయ్యారు. చైనా తదుపరి అధ్యక్షుడిగా జిన్పింగ్ శుక్రవారం అధికారికంగా ఎన్నికయ్యారు. ఒక నాయకుడు వరుసగా మూడోసారి దేశాధ్యక్షుడిగా ఎన్నికవడం ఇదే తొలిసారి. పీపుల్స్ పార్టీ ఆఫ్ చైనా వార్షిక నేషనల్ పీపుల్స్ కాంగ్రెస్ గత ఏడాది అక్టోబర్లో జరిగింది. అదే నేషనల్ పీపుల్స్ సమావేశంలో జిన్పింగ్ సుప్రీం లీడర్గా ఎన్నికయ్యారు. శుక్రవారం జిన్పింగ్ అధికారికంగా బాధ్యతలు స్వీకరించారు. శుక్రవారం నాడు జిన్పింగ్ సెంట్రల్ మిలిటరీ కమిషన్ ఆఫ్ చైనా ఛైర్మన్గా కూడా ఎన్నికయ్యారు.
అధ్యక్షుడిగా ఎన్నికైన తర్వాత సోమవారం జరిగే పార్టీ పార్లమెంటరీ సమావేశంలో జిన్పింగ్ ప్రసంగించనున్నారు. మరోవైపు సోమవారం సాయంత్రం జీ జిన్పింగ్ విలేకరులతో మాట్లాడనున్నారు. ఈ వారం ప్రారంభంలో కమ్యూనిస్ట్ పార్టీ ఆఫ్ చైనా ఒక ముసాయిదా ప్రణాళికను సమర్పించింది. కమ్యూనిస్ట్ పార్టీ ప్రభుత్వంపై ప్రత్యక్ష నియంత్రణను పెంచుకోబోతోందని పేర్కొంది. అక్టోబర్లో జరిగిన కమ్యూనిస్ట్ పార్టీ వార్షిక సమావేశంలో జి జిన్పింగ్ తన కొత్త జట్టును కూడా ఎన్నుకున్నారు. దీని కింద చైనా కొత్త ప్రధానిగా లి కియాంగ్ ఎన్నికయ్యారు. దీనితో పాటు లి జి, డింగ్ జుక్సియాంగ్, కై క్విలకు కూడా స్థానం లభించింది.
Also Read: North Korea Fires Missile: మళ్లీ క్షిపణిని ప్రయోగించిన ఉత్తర కొరియా
జీ జిన్పింగ్ అధికారంలోకి రాకముందు చైనా అధ్యక్షుడు ఐదేళ్లపాటు లేదా 68 ఏళ్ల వరకు రెండు పర్యాయాలు మాత్రమే అధ్యక్షుడిగా కొనసాగవచ్చు. అయితే 2013 సంవత్సరంలో అధికారంలోకి వచ్చిన జీ జిన్పింగ్ ఈ నిబంధనను రద్దు చేశారు. 69 ఏళ్ల వయసులో రెండు పర్యాయాలు విజయవంతంగా పనిచేసిన జీ జిన్పింగ్ అపూర్వమైన రీతిలో మూడోసారి దేశ అధ్యక్షుడిగా ఎన్నిక కావడానికి ఇదే కారణం.
ప్రపంచంలోని రెండవ అతిపెద్ద ఆర్థిక వ్యవస్థ నెమ్మదిగా అభివృద్ధి చెందుతున్న సమయంలో అతని మూడవ పదవీకాలం ప్రారంభమవుతుంది. అయితే ఈ ఏడాది 2023లో చైనా తన రక్షణ కోసం రూ.18 లక్షల కోట్లు వెచ్చించాలని ఈ సమావేశంలో నిర్ణయించారు. ఇది భారతదేశ రక్షణ బడ్జెట్ కంటే దాదాపు 3 రెట్లు ఎక్కువ. అదే సమయంలో 2023కి చైనా ఆర్థిక వృద్ధి లక్ష్యాన్ని 5 శాతంగా ఉంచింది.
Follow us
