Tesla In India: భారతదేశంలోకి ఎంట్రీ ఇచ్చేందుకు సిద్ధమైన ఎలాన్ మస్క్ టెస్లా?
గత సంవత్సరం టెస్లా భారతదేశంలోకి ప్రవేశించడం దాదాపు ఖాయమైనప్పటికీ చివరి క్షణంలో ఎలాన్ మస్క్ తన భారత పర్యటనను రద్దు చేసుకుని చైనా వెళ్ళాడు.
- Author : Gopichand
Date : 18-02-2025 - 4:45 IST
Published By : Hashtagu Telugu Desk
Tesla In India: మస్క్ కంపెనీ టెస్లాకు (Tesla In India) చెందిన ఎలక్ట్రిక్ కార్లు త్వరలో భారత రోడ్లపై పరుగులు తీయడం చూడవచ్చు. వాస్తవానికి Tesla Inc. భారతదేశంలో నియామకాలను ప్రారంభించింది. ఇది కంపెనీ ఇప్పుడు తన మిషన్ ఇండియాలో ముందుకు సాగాలని కోరుకుంటున్నట్లు సూచిస్తుంది. ఇటీవల ప్రధాని మోదీ అమెరికా పర్యటనలో ఆయన ఎలాన్ మస్క్ను కలిశారు. ఇప్పుడు టెస్లా భారత్లో నియామకాలను ప్రారంభించినట్లు వార్తలు వస్తున్నాయి.
మునుపటిలా హ్యాండ్ ఇస్తాడా?
గత సంవత్సరం టెస్లా భారతదేశంలోకి ప్రవేశించడం దాదాపు ఖాయమైనప్పటికీ చివరి క్షణంలో ఎలాన్ మస్క్ తన భారత పర్యటనను రద్దు చేసుకుని చైనా వెళ్ళాడు. అయితే, ఇప్పుడు మస్క్ గతేడాది చేసిన తప్పును ఈసారి కూడా పునరావృతం చేసే అవకాశం లేదు. ఇటీవలి కాలంలో చాలా విషయాలు జరిగాయి. వీటిని దృష్టిలో ఉంచుకుని మస్క్ భారతదేశంలోకి ప్రవేశం అవసరం. భారతదేశంలో EV కార్లకు డిమాండ్ పెరిగింది., కాబట్టి టెస్లా ఇక్కడ పెద్ద మార్కెట్ను పొందవచ్చు.
Also Read: Producer SKN: టాలీవుడ్కు 25 మంది తెలుగు అమ్మాయిలను పరిచయం చేయడమే నా లక్ష్యం: నిర్మాత ఎస్కేఎన్
ఈ కంపెనీలు లాభపడతాయి
టెస్లా రాకతో భారతదేశ EV మార్కెట్ ఊపందుకుంటుందని నిపుణులు అంచనా వేస్తున్నారు. దీనితో పాటు టెస్లాతో ఏదో ఒక విధంగా అనుబంధించబడిన భారతీయ కంపెనీలు కూడా ప్రయోజనం పొందుతాయని అంటున్నారు. సంవర్ధన్ మదర్సన్ ఇంటర్నేషనల్, సోనా BLW ప్రెసిషన్ ఫోర్జింగ్స్, హిండాల్కో ఇండస్ట్రీస్, సుప్రజిత్ ఇంజనీరింగ్, బాష్ లిమిటెడ్, వరోక్ ఇంజినీరింగ్ భారతదేశంలోని ఎలాన్ మస్క్ కంపెనీకి సరఫరాదారులుగా ఉన్నాయి. వీటితో పాటు గుడ్లక్ ఇండియా, సంధార్ టెక్నాలజీస్, SKF ఇండియా, భారత్ ఫోర్జ్ కూడా టెస్లా ఎకో-సిస్టమ్లో భాగమే.
వాటి షేర్లు పెరగవచ్చు
ఒక నివేదిక ప్రకారం.. టెస్లా భారతదేశం నుండి 1-2 బిలియన్ డాలర్ల విలువైన ఆటో విడిభాగాలను కొనుగోలు చేస్తుంది. ప్రస్తుతం టెస్లా ప్రపంచ ఉత్పత్తిలో సగానికి పైగా చైనాలో ఉంది. అయితే ఇది భారతదేశంలోకి ప్రవేశించిన తర్వాత ఈ సంఖ్య మార్చడానికి అవకాశం ఉంది. టెస్లా కార్లను భారతదేశంలో తయారు చేసి విక్రయించినప్పుడు దానికి సంబంధించిన భారతీయ కంపెనీల వ్యాపారం కూడా పెరుగుతుంది. సహజంగానే ఇటువంటి పరిస్థితిలో లిస్టెడ్ కంపెనీల షేర్లు కూడా పెరగవచ్చు. లాభాలను ఆర్జించే అవకాశం ఉండవచ్చు. గతేడాది టెస్లా భారత్లోకి ప్రవేశిస్తుందన్న వార్త రాగానే ఈ కంపెనీల షేర్లు ఒక్కసారిగా దూసుకుపోయాయి. అయితే ఎలాన్ మస్క్ పర్యటనను రద్దు చేసుకున్న తర్వాత షేర్లలో క్షీణత కనిపించింది.
కొన్ని మీడియా కథనాల ప్రకారం.. టెస్లా కూడా భారతదేశంలో ప్లాంట్ను ఏర్పాటు చేయడానికి సన్నాహాలు చేస్తోంది. దీని కోసం కంపెనీ భూమి అన్వేషణలో నిమగ్నమై ఉంది. కంపెనీ మహారాష్ట్ర, గుజరాత్, తమిళనాడులో ఎక్కడైనా ప్లాంట్ను ఏర్పాటు చేసుకోవచ్చు. ప్రస్తుతం టెస్లా కేవలం 13 పోస్టుల కోసం మాత్రమే రిక్రూట్మెంట్ గురించి మాట్లాడింది, అయితే కంపెనీ భారతదేశంలోకి ప్రవేశిస్తే అది ఖచ్చితంగా పెరుగుతుంది. చాలా మందికి ఉపాధి లభిస్తుంది.
Follow us
