Champions Trophy Final: ఛాంపియన్స్ ట్రోఫీ ఫైనల్‌కు ఐసీసీ రెండు వేదికలను ఎందుకు ప్రకటించింది?
ఛాంపియన్స్ ట్రోఫీలో అతిపెద్ద మ్యాచ్ అంటే ఫిబ్రవరి 23న దుబాయ్‌లో భారత్-పాకిస్థాన్ మధ్య పోరు జరగనుంది. ఫిబ్రవరి 20న బంగ్లాదేశ్‌తో భారత జట్టు తన ప్రచారాన్ని ప్రారంభించనుంది.
- By Gopichand Published Date - 08:02 PM, Tue - 24 December 24
Champions Trophy Final: ఐసీసీ ఛాంపియన్స్ ట్రోఫీ 2025 షెడ్యూల్‌ను ప్రకటించింది. హైబ్రిడ్ మోడల్‌లో జరగనున్న టోర్నీ ఫిబ్రవరి 19 నుంచి ప్రారంభం కాగా టైటిల్ మ్యాచ్ మార్చి 9న జరగనుంది. భారత జట్టు తన అన్ని మ్యాచ్‌లను దుబాయ్‌లో ఆడనుంది. బంగ్లాదేశ్‌పై రోహిత్ సైన్యం తన పోరాటాన్ని ప్రారంభించనుంది. ఫిబ్రవరి 23న టీమిండియా-పాకిస్థాన్ మధ్య గ్రేట్ మ్యాచ్ జరగనుంది. ఫైనల్ మ్యాచ్‌కు (Champions Trophy Final) ఐసీసీ రెండు వేదికలను ప్రకటించింది. దీంతో పాటు టైటిల్ మ్యాచ్ కోసం రిజర్వ్ డేని కూడా ఉంచింది.
ఫైనల్‌కు రెండు వేదికలు ఎందుకు?
ఛాంపియన్స్ ట్రోఫీ 2025 చివరి మ్యాచ్ లాహోర్‌లో జరుగుతుందని ఐసీసీ ప్రకటించింది. దీనితో పాటు టోర్నమెంట్ టైటిల్ మ్యాచ్‌కు దుబాయ్ కూడా ఆతిథ్యం ఇవ్వవచ్చని అంతర్జాతీయ క్రికెట్ కౌన్సిల్ తెలిపింది. అయితే ఇది ఒక షరతు ప్రకారం జరుగుతుంది. టీం ఇండియాను పాకిస్థాన్‌కు పంపేందుకు బీసీసీఐ నిరాకరించడం, ఆ తర్వాత హైబ్రిడ్ మోడల్‌లో టోర్నీ నిర్వహించ‌డానికి పీసీబీ ఒప్పుకున్న విష‌యం మ‌న‌కు తెలిసిందే.
Also Read: Police Grills Allu Arjun: అల్లు అర్జున్‌ను 4 గంట‌ల‌పాటు విచారించిన పోలీసులు.. ఎమోష‌న‌ల్ అయిన బ‌న్నీ!
ఈ క్ర‌మంలోనే భారత జట్టు తన అన్ని మ్యాచ్‌లను దుబాయ్‌లో ఆడనుంది. ఇప్పుడు టైటిల్ మ్యాచ్‌కు చేరుకోవడంలో రోహిత్ సేన విజయవంతమైతే ఫైనల్ మ్యాచ్‌కు దుబాయ్ ఇంటర్నేషనల్ క్రికెట్ స్టేడియం ఆతిథ్యం ఇవ్వనుంది. అదే సమయంలో ఛాంపియన్స్ ట్రోఫీలో టీమ్ ఇండియా ప్రయాణం కేవలం గ్రూప్ స్టేజ్ లేదా సెమీఫైనల్ లోనే ముగిస్తే.. లాహోర్ లో ఫైనల్ మ్యాచ్ జరగనుంది.
ఫిబ్రవరి 23న భారత్-పాకిస్థాన్ మధ్య పోరు
ఛాంపియన్స్ ట్రోఫీలో అతిపెద్ద మ్యాచ్ అంటే ఫిబ్రవరి 23న దుబాయ్‌లో భారత్-పాకిస్థాన్ మధ్య పోరు జరగనుంది. ఫిబ్రవరి 20న బంగ్లాదేశ్‌తో భారత జట్టు తన ప్రచారాన్ని ప్రారంభించనుంది. దీని తర్వాత రోహిత్ సేన తదుపరి మ్యాచ్‌లో పాకిస్థాన్‌తో తలపడనుంది. ఇదే సమయంలో గ్రూప్ దశలోని చివరి మ్యాచ్‌లో మార్చి 2న న్యూజిలాండ్‌తో టీమిండియా తలపడనుంది. పాకిస్థాన్, న్యూజిలాండ్, బంగ్లాదేశ్‌తో పాటు టీమ్ ఇండియా గ్రూప్-ఎలో చోటు దక్కించుకుంది. గ్రూప్-బిలో దక్షిణాఫ్రికా, ఆస్ట్రేలియా, ఆఫ్ఘనిస్థాన్, ఇంగ్లండ్‌లకు చోటు దక్కింది. టోర్నీలో తొలి మ్యాచ్ ఫిబ్రవరి 19న పాకిస్థాన్, న్యూజిలాండ్ మధ్య జరగనుంది.
