రోహిత్ శర్మ, విరాట్ కోహ్లీకి పెరగనున్న కష్టాలు!

Rohit Sharma-Virat Kohli

BCCI: విరాట్ కోహ్లీ, రోహిత్ శర్మ ఇప్పుడు తమ అంతర్జాతీయ కెరీర్‌లో చివరి దశలో ఉన్నారు. వీరిద్దరూ ఇప్పటికే టీ20 అంతర్జాతీయ క్రికెట్, టెస్టుల నుండి రిటైర్మెంట్ ప్రకటించారు. ప్రస్తుతం వారు కేవలం వన్డేల్లో మాత్రమే కనిపిస్తున్నారు. రోహిత్, విరాట్ లక్ష్యం ఇప్పుడు 2027 వన్డే వరల్డ్ కప్. అయితే BCCI తీసుకున్న ఒక నిర్ణయం ఈ మెగా టోర్నమెంట్ కోసం వారి మార్గాన్ని కష్టతరం చేయవచ్చు. అజిత్ అగార్కర్‌ను 2027 వరకు చీఫ్ సెలెక్టర్‌గా కొనసాగించాలని BCCI ప్లాన్ చేస్తోంది.

BCCI ప్రత్యేక ప్రణాళిక

టీమ్ ఇండియా చీఫ్ సెలెక్టర్‌గా అజిత్ అగార్కర్ పదవీకాలం జూన్ 2026 వరకు ఉంది. అయితే అగార్కర్ పనితీరు పట్ల BCCI చాలా సంతృప్తిగా ఉందని, అందుకే ఆయన కాంట్రాక్ట్‌ను మరో ఏడాది పాటు పొడిగించాలని భావిస్తున్నట్లు ‘ఎక్స్‌ప్రెస్ స్పోర్ట్స్’ తన నివేదికలో పేర్కొంది. అంటే ఆయన జూన్ 2027 వరకు టీమ్ ఇండియా చీఫ్ సెలెక్టర్‌గా కొనసాగుతారు.

Also Read: Dwacra Womens : డ్వాక్రా మహిళలకు గొప్ప శుభవార్త తెలిపిన ఏపీ సర్కార్ !

రోహిత్ శర్మ, విరాట్ కోహ్లీకి పెరగనున్న కష్టాలు!

అజిత్ అగార్కర్ హయాంలో విరాట్ కోహ్లీ, రోహిత్ శర్మ కొన్ని సవాళ్లను ఎదుర్కొన్నారు. నేరుగా అగార్కర్‌తో సంబంధం లేకపోయినప్పటికీ ఆస్ట్రేలియాతో జరిగిన బోర్డర్-గవాస్కర్ సిరీస్‌లో ఓటమి తర్వాత టెస్టుల్లో రాణించాలని వీరిద్దరిపై ఒత్తిడి పెరిగింది. ఆ తర్వాత అందరినీ ఆశ్చర్యపరుస్తూ వారు రిటైర్మెంట్ ప్రకటించారు. అజిత్ అగార్కర్ నాయకత్వంలోనే టెస్ట్ జట్టులో భారీ మార్పులు జరుగుతున్నాయి. టీ20ల్లో కూడా జట్టు మార్పు ప్రక్రియ అగార్కర్ నేతృత్వంలో ఎలాంటి ఇబ్బందులు లేకుండా సాగిపోయింది.

ఇప్పుడు వన్డేల్లో కూడా టీమ్ ఇండియా అదే దశలో ఉంది. రోహిత్ శర్మ, విరాట్ కోహ్లీ వన్డే క్రికెట్‌లో దిగ్గజాలే అయినప్పటికీ నివేదికల ప్రకారం వారు ప్రదర్శన ఆధారంగానే జట్టులో కొనసాగుతారు. మ్యాచ్ ఫిట్‌నెస్‌ను నిరూపించుకోవడానికి ఆటగాళ్లందరూ ఖచ్చితంగా దేశవాళీ క్రికెట్ ఆడాలని అజిత్ అగార్కర్, మేనేజ్మెంట్ నిర్ణయించింది. విరాట్-రోహిత్ ఇప్పటివరకు సవాళ్లను అధిగమిస్తూ వచ్చారు. కానీ అగార్కర్ పదవీకాలంలో జట్టులో కొనసాగాలంటే వారు నిలకడగా రాణించాల్సి ఉంటుంది.

Follow us