Asia Cup: ఆసియా క‌ప్ చ‌రిత్ర ఇదే.. 1984లో ప్రారంభం!

Asia Cup: 2025 ఆసియా కప్ (Asia Cup) త్వరలో ప్రారంభం కానుంది. ఈ సంవత్సరం ఆసియా కప్ T20 ఫార్మాట్‌లో ఆడబడుతుంది. ఈ టోర్నమెంట్ సెప్టెంబర్ 5 నుండి సెప్టెంబర్ 21 వరకు జరగనుంది. దుబాయ్, అబుదాబి నగరాలు ఈ మెగా ఈవెంట్‌కు ఆతిథ్యం ఇవ్వనున్నాయి. ఆసియా కప్ చరిత్ర 41 సంవత్సరాల క్రితం అంటే 1984లో ప్రారంభమైంది. 2016 నుండి ఆసియా కప్ కొన్నిసార్లు T20 ఫార్మాట్‌లో, కొన్నిసార్లు వన్డే ఫార్మాట్‌లో జ‌ర‌గుతోంది. దీని ఫార్మాట్ ఎలా నిర్ణయించబడుతుందో ఇప్పుడు తెలుసుకుందాం.

ఆసియా కప్ ఫార్మాట్ ఎలా నిర్ణయిస్తారు?

ఆసియా కప్ మొదటిసారి 1984లో కేవలం భారత్, పాకిస్తాన్, శ్రీలంక జట్లతో మాత్రమే జరిగింది. ఆ తర్వాత క్రమంగా ఇతర జట్లు కూడా ఈ టోర్నమెంట్‌లో చేరాయి. నివేదికల ప్రకారం.. ఈసారి 2025 ఆసియా కప్‌లో 8 జట్లు పాల్గొననున్నాయి. 1984 నుంచి 2014 వరకు ఆసియా కప్ వన్డే ఫార్మాట్‌లో జ‌రిగింది. ఆ తర్వాత ఆసియన్ క్రికెట్ కౌన్సిల్ (ACC) 2016లో దీనిని T20 ఫార్మాట్‌లో కూడా నిర్వహించాలని నిర్ణయించింది.

Also Read: Ola S1 Sales: ఈ కంపెనీ ఎల‌క్ట్రిక్ స్కూట‌ర్ వ‌ద్దంటున్న క‌స్ట‌మ‌ర్లు.. ఎందుకంటే?

ఆసియా కప్ ఫార్మాట్ ఆ సంవత్సరంలో లేదా దానికి సమీపంలో జరిగే పెద్ద ICC టోర్నమెంట్‌పై ఆధారపడి ఉంటుంది. వన్డే వరల్డ్ కప్ జరగబోతుంటే, ఆసియా కప్ 50 ఓవర్ల ఫార్మాట్‌లో ఉంటుంది. ఒకవేళ T20 వరల్డ్ కప్ ఉంటే ఆసియా కప్ 20 ఓవర్ల ఫార్మాట్‌లో జ‌ర‌గ‌నుంది. 2016, 2022లో ఆసియా కప్ T20 ఫార్మాట్‌లో జరిగింది. ఎందుకంటే ఆ సంవత్సరాల్లో T20 వరల్డ్ కప్ జరిగింది. అదే విధంగా 2018, 2023లో ఇది వన్డే ఫార్మాట్‌లో జరిగింది. ఎందుకంటే ఆ సమయంలో వన్డే వరల్డ్ కప్‌లు జ‌రిగాయి. ఈసారి 2025 ఆసియా కప్ T20 ఫార్మాట్‌లో ఆడుతున్నారు. ఎందుకంటే వచ్చే సంవత్సరం 2026లో T20 వరల్డ్ కప్ జరగబోతోంది.

భారత్ అత్యధిక సార్లు ఆసియా కప్ టైటిల్ గెలుచుకుంది

భారత జట్టు ఆసియా కప్ చరిత్రలో అత్యంత విజయవంతమైన జట్టుగా నిలిచింది. టీమ్ ఇండియా మొత్తం 8 సార్లు ఆసియా కప్‌ను గెలుచుకుంది. శ్రీలంక 6 సార్లు టైటిల్ గెలిచింది. అయితే పాకిస్తాన్ రెండు సార్లు ఈ కప్‌ను గెలుచుకుంది.