Virat Kohli Century: సౌతాఫ్రికాపై విరాట్ విధ్వంసం.. 52వ సెంచరీ నమోదు!
విరాట్ కోహ్లీ ఇప్పుడు వన్డే క్రికెట్ చరిత్రలో దక్షిణాఫ్రికాపై అత్యధిక సెంచరీలు చేసిన బ్యాట్స్‌మెన్‌గా కూడా నిలిచాడు. దక్షిణాఫ్రికాపై ఇది అతనికి ఆరో వన్డే సెంచరీ. ఇంతకుముందు సచిన్ టెండూల్కర్, డేవిడ్ వార్నర్, ఇద్దరూ దక్షిణాఫ్రికాపై వన్డేల్లో చెరో ఐదు సెంచరీలు సాధించారు.
- By Gopichand Published Date - 04:38 PM, Sun - 30 November 25
Virat Kohli Century: విరాట్ కోహ్లీ తన వన్డే కెరీర్‌లో 52వ సెంచరీ (Virat Kohli Century)ని నమోదు చేశాడు. వన్డే క్రికెట్ చరిత్రలో అత్యధిక సెంచరీలు చేసిన రికార్డు ఇప్పటికే అతని పేరు మీద ఉంది. అదే సమయంలో అంతర్జాతీయ క్రికెట్‌లో ఇది అతనికి 83వ శతకం. దక్షిణాఫ్రికాతో జరిగిన తొలి వన్డే మ్యాచ్‌లో విరాట్ కోహ్లీ 102 బంతుల్లో తన సెంచరీని పూర్తి చేశాడు. ఈ సెంచరీని పూర్తి చేయడానికి కోహ్లీ 7 ఫోర్లు, 5 సిక్సర్లు కొట్టాడు. ఈ మ్యాచ్‌లోనే రోహిత్ శర్మ కూడా తన వన్డే కెరీర్‌లో 60వ అర్ధ సెంచరీని సాధించాడు. రోహిత్ సెంచరీ చేయలేకపోయినా.. విరాట్ మాత్రం అద్భుతమైన ఆటతీరును ప్రదర్శించి, తన వన్డే కెరీర్‌లో 52వ సారి 100 పరుగుల మార్కును దాటాడు.
కోహ్లీ సెంచరీ వీడియో కింద చూడ‌వ‌చ్చు!
52nd century for Virat Kohli! 🔥
The King does it again vs South Africa — and a fan even touched his feet to honour the milestone.
Legends don’t just play, they inspire devotion. 👑🇮🇳 #ViratKohli #KingKohli #INDvSA pic.twitter.com/m0QdYqOqrS— Awkward News (@AwkwardNeuz) November 30, 2025
విరాట్ కోహ్లీ ఇప్పుడు వన్డే క్రికెట్ చరిత్రలో దక్షిణాఫ్రికాపై అత్యధిక సెంచరీలు చేసిన బ్యాట్స్‌మెన్‌గా కూడా నిలిచాడు. దక్షిణాఫ్రికాపై ఇది అతనికి ఆరో వన్డే సెంచరీ. ఇంతకుముందు సచిన్ టెండూల్కర్, డేవిడ్ వార్నర్, ఇద్దరూ దక్షిణాఫ్రికాపై వన్డేల్లో చెరో ఐదు సెంచరీలు సాధించారు.
Also Read: Yellamma: ఎల్ల‌మ్మ సినిమాపై దిల్ రాజు కీల‌క ప్ర‌క‌ట‌న.. కాస్టింగ్ గందరగోళానికి తెర?
రాంచీ మైదానంలో కింగ్ కోహ్లీ విరాట రూపం కనిపించింది. అద్భుతమైన బ్యాటింగ్‌తో విరాట్ తన వన్డే కెరీర్‌లో 52వ సెంచరీని సాధించాడు. ఈ సెంచరీతో కోహ్లీ ఒక ఫార్మాట్‌లో అత్యధిక సెంచరీలు చేసిన బ్యాట్స్‌మెన్‌గా కూడా నిలిచాడు. దక్షిణాఫ్రికా బలమైన బౌలింగ్ అటాక్‌ను కోహ్లీ దీటుగా ఎదుర్కొన్నాడు. విరాట్ ఆరంభం నుంచే అద్భుతమైన ఫామ్‌లో కనిపించాడు. ఒకదాని తర్వాత ఒకటిగా ధాటిగా షాట్లు కొట్టాడు. సిక్స్ కొట్టి కోహ్లీ తన వన్డే కెరీర్‌లో 76వ అర్ధ సెంచరీని పూర్తి చేశాడు. కోహ్లీ ముందు ప్రత్యర్థి జట్టు బౌలర్లు పూర్తిగా నిస్సహాయంగా కనిపించారు. అతను రోహిత్ శర్మతో కలిసి రెండో వికెట్‌కు శతక భాగస్వామ్యాన్ని కూడా నెలకొల్పాడు.
కోహ్లీ బ్యాట్ ఘర్జన
టాస్ ఓడిపోయి ముందుగా బ్యాటింగ్ చేసిన టీమ్ ఇండియాకు శుభారంభం దక్కలేదు. యశస్వి జైస్వాల్ 18 పరుగులు చేసి నిష్క్రమించాడు. అయితే ఆ తర్వాత విరాట్ కోహ్లీ, రోహిత్ శర్మ బాధ్యతలు స్వీకరించి ప్రొటీస్ జట్టు బౌలర్లను ధీటుగా ఎదుర్కొన్నారు. కోహ్లీ ఆరంభం నుంచే అద్భుతమైన లయలో కనిపించాడు. వరుసగా అద్భుతమైన షాట్లు ఆడాడు. రోహిత్‌తో కలిసి కోహ్లీ రెండో వికెట్‌కు 136 పరుగులు జోడించాడు. విరాట్ తన హాఫ్ సెంచరీని 47 బంతుల్లో పూర్తి చేశాడు. అర్ధ సెంచరీ చేసిన తర్వాత కోహ్లీ తన విక్రమ రూపాన్ని చూపించి, 102 బంతుల్లో తన అంతర్జాతీయ కెరీర్‌లో 83వ సెంచరీని పూర్తి చేశాడు.
రాంచీలో చరిత్ర సృష్టించిన కింగ్ కోహ్లీ
విరాట్ కోహ్లీ రాంచీలో సెంచరీ సాధించడంతో చరిత్ర సృష్టించాడు. ఒక ఫార్మాట్‌లో అత్యధిక సెంచరీలు చేసిన బ్యాట్స్‌మెన్‌గా కోహ్లీ నిలిచాడు. విరాట్ వన్డేల్లో తన 52వ సెంచరీని పూర్తి చేశాడు. ఈ విషయంలో కోహ్లీ క్రికెట్ గాడ్ సచిన్ టెండూల్కర్‌ను అధిగమించాడు. సచిన్ టెస్ట్ క్రికెట్‌లో 51 సెంచరీలు సాధించాడు. ఈ వార్త రాసే సమయానికి కోహ్లీ క్రీజులో నిలకడగా ఉన్నాడు. 117 బంతుల్లో 135 పరుగులు చేశాడు. విరాట్ బ్యాట్ నుండి ఇప్పటివరకు 11 ఫోర్లు, 7 సిక్సర్లు వచ్చాయి.
