Sanjiv Goenka: తన జట్టు పేరు మార్చ‌నున్న సంజీవ్ గోయెంకా.. కొత్త పేరు, జెర్సీ ఇదేనా?
ఐపీఎల్ జట్టు లక్నో సూపర్ జెయింట్స్ యజమాని సంజీవ్ గోయెంకా ఇప్పుడు తన జట్టు, జెర్సీ రంగును మార్చబోతున్నారు. వచ్చే సీజన్‌లో గోయెంకా జట్టు కొత్త పేరుతో పిలవబడనుంది.
- By Gopichand Published Date - 06:26 PM, Sat - 26 July 25
Sanjiv Goenka: ఐపీఎల్ జట్టు లక్నో సూపర్ జెయింట్స్ (LSG) యజమాని సంజీవ్ గోయెంకా (Sanjiv Goenka) ఇంగ్లండ్‌లోని ది హండ్రెడ్ లీగ్‌లో తన జట్టు మాంచెస్టర్ ఒరిజినల్స్ పేరును, జెర్సీ రంగును మార్చబోతున్నారు. వచ్చే సీజన్ (2026) నుండి ఈ జట్టు కొత్త పేరుతో కనిపించనుంది.
ఐపీఎల్ జట్టు లక్నో సూపర్ జెయింట్స్ యజమాని సంజీవ్ గోయెంకా ఇప్పుడు తన జట్టు, జెర్సీ రంగును మార్చబోతున్నారు. వచ్చే సీజన్‌లో గోయెంకా జట్టు కొత్త పేరుతో పిలవబడనుంది. అయితే గోయెంకా లక్నో సూపర్ జెయింట్స్ పేరును మార్చడం లేదు. బదులుగా ఇంగ్లండ్‌లో ఆడే ది హండ్రెడ్ లీగ్‌లోని వారి జట్టు మాంచెస్టర్ ఒరిజినల్స్ పేరును మార్చబోతున్నారు. నిజానికి మాంచెస్టర్ ఒరిజినల్స్ కొత్త యజమానిగా సంజీవ్ గోయెంకా ఉన్నారు.
Manchester Originals to be renamed as Manchester Super Giants from 2026. pic.twitter.com/lwZUTHybay
— Mufaddal Vohra (@mufaddal_vohra) July 26, 2025
మాంచెస్టర్ ఒరిజినల్స్ కొత్త పేరు, రంగు
సంజీవ్ గోయెంకాకు చెందిన ఆర్‌పీఎస్‌జీ గ్రూప్ మాంచెస్టర్ ఒరిజినల్స్‌లో 70 శాతం వాటాను 935 కోట్ల రూపాయలకు కొనుగోలు చేసింది. దీంతో వారు ఈ జట్టుకు కొత్త యజమానులయ్యారు. క్రిక్‌బజ్ నివేదిక ప్రకారం.. మాంచెస్టర్ ఒరిజినల్స్ 2026 ది హండ్రెడ్ లీగ్‌లో మాంచెస్టర్ సూపర్ జెయింట్స్ పేరుతో పిలవబడుతుంది.
Also Read: CM Chandrababu: సింగ‌పూర్‌కు సీఎం చంద్ర‌బాబు.. ఫుల్ షెడ్యూల్ ఇదే!
జెర్సీ రంగు మార్పుపై ప్రస్తుతం చర్చలు జరుగుతున్నాయి. ఇప్పటివరకు నలుపు రంగులో ఉన్న జెర్సీని నీలం రంగుకు మార్చే అవకాశం ఉంది. సంజీవ్ గోయెంకాకు చెందిన లక్నో సూపర్ జెయింట్స్, డర్బన్ సూపర్ జెయింట్స్ జెర్సీలు కూడా నీలం రంగులోనే ఉంటాయి. జోస్ బట్లర్, హెన్రిక్ క్లాసెన్, ఫిల్ సాల్ట్ వంటి ప్రముఖ ఆటగాళ్లు ప్రస్తుతం మాంచెస్టర్ ఒరిజినల్స్ తరపున ఆడుతున్నారు.
ఐపీఎల్ 2025లో లక్నో సూపర్ జెయింట్స్ ప్రదర్శన
సంజీవ్ గోయెంకాకు చెందిన లక్నో సూపర్ జెయింట్స్ ఐపీఎల్ 2025లో ఆశించిన స్థాయిలో ప్రదర్శన చేయలేకపోయింది. రిషభ్ పంత్ నాయకత్వంలోని జట్టు 14 మ్యాచ్‌లలో కేవలం 6 విజయాలు మాత్రమే సాధించి, 8 మ్యాచ్‌లలో ఓడిపోయింది. పాయింట్ల పట్టికలో LSG ఏడవ స్థానంలో నిలిచింది.
