KKR: కేకేఆర్ నాలుగోసారి టైటిల్ గెల‌వ‌గ‌ల‌దా? జ‌ట్టు బ‌లం ఇదే!

KKR

KKR: ఐపీఎల్ 2025 ప్రారంభానికి ఇంకా 10 రోజుల కంటే తక్కువ సమయం ఉంది. అన్ని టీమ్‌లు పూర్తి అంకితభావంతో తమ సన్నాహాలు ప్రారంభించాయి. డిఫెండింగ్ ఛాంపియన్ కోల్‌కతా నైట్ రైడర్స్ (KKR) కూడా తీవ్రంగా శ్రమిస్తోంది. గతసారి జట్టుకు ట్రోఫీని అందించిన కెప్టెన్ శ్రేయాస్ అయ్యర్, మిచెల్ స్టార్క్, ఫిల్ సాల్ట్ ఈ సీజన్‌లో కేకేఆర్‌లో భాగం కావడం లేదు. అయినప్పటికీ జట్టు బలంగా కనిపిస్తుంది.

ఐపీఎల్ 2024లో అద్భుత ప్రదర్శన చేసిన వెంకటేష్ అయ్యర్ కోసం కోల్‌కతా రూ.23.75 కోట్లు వెచ్చించింది. కానీ అతనికి కెప్టెన్సీ బాధ్యతలు అప్పగించలేదు. బదులుగా ఈ పనిని అజిక్య రహానేకు అప్పగించారు. ర‌హానేకు కెప్టెన్సీ అనుభవం ఎక్కువ.

Also Read: Nara Lokesh : గుంజీలు తీసిన హెడ్‌మాస్టర్ ను ప్రశంసించిన లోకేష్..ఎందుకంటే..!

KKR బలం ఇదే

కోల్‌కతా నైట్ రైడర్స్ బలమైన జట్టు కావ‌డానికి ముఖ్య కార‌ణం ఆ జ‌ట్టు బ్యాటింగ్, స్పిన్ విభాగం. ఇందులో కేకేఆర్‌కు చాలా అనుభవం ఉంది. క్వింటన్ డి కాక్, రహ్మానుల్లా గుర్బాజ్, ఆండ్రీ రస్సెల్, రింకూ సింగ్, వెంకటేష్ అయ్యర్ వంటి దూకుడుగా ఆడే బ్యాట్స్‌మెన్లు జట్టులో ఉన్నారు. వీళ్ల‌లో ఏ ఒక్క‌రూ రాణించిన ఆ జ‌ట్టుకు విజ‌యం సులువుగా మారిపోతుంది.

స్పిన్ బౌలింగ్‌లో సునీల్ న‌రైన్‌, వరుణ్ చక్రవర్తి, మయాంక్ మార్కండే ఉన్నారు. ఇందులో వరుణ్, సునీల్‌లు బ్యాట్స్‌మెన్‌ను ఇబ్బందిపెట్ట‌గ‌ల స్పిన్న‌ర్లు. గత సీజన్‌లో చక్రవర్తి 21 వికెట్లు, న‌రైన్ 17 వికెట్లు తీశారు. దీంతో కేకేఆర్ మూడోసారి ఐపీఎల్ ట్రోఫీని గెలుచుకోగలిగింది.

ఫాస్ట్ బౌలింగ్ బ‌ల‌హీనం

IPL 2025లో కోల్‌కతా నైట్ రైడర్స్ అతిపెద్ద బలహీనత ఏమిటంటే వారి ఫాస్ట్ బౌలర్‌లకు పెద్దగా అనుభవం లేదు. స్పెన్సర్ జాన్సన్, ఉమ్రాన్ మాలిక్, వైభవ్ అరోరా, హర్షిత్ రాణా లాంటి యువ బౌలర్లు ఉన్నారు. ఎన్రిక్ నార్ట్జేకి కూడా అదే అనుభవం ఉంది. అయితే గత రెండు ఐపీఎల్ సీజన్‌లలో అతని ప్రదర్శన ప్రత్యేకంగా ఏమీ లేదు. ఇది KKRకు బలహీనంగా మార‌వ‌చ్చు.

Follow us