IPL 2025: కేఎల్ రాహుల్ ప్లేస్లో ముంబై ఇండియన్స్ మాజీ ఆటగాడు.. ఎవరంటే?
యువ వికెట్ కీపర్ బ్యాట్స్మెన్ ఇషాన్ కిషన్ను ఈసారి ముంబై ఇండియన్స్ విడుదల చేసింది. ఇషాన్ కిషన్ గత కొన్నేళ్లుగా ముంబై ఇండియన్స్ తరఫున ఆడుతున్నాడు. అయితే కిషన్కి గత సీజన్లో రాణించలేకపోయాడు.
- Author : Gopi
Date : 02-11-2024 - 11:43 IST
Published By : Hashtagu Telugu Desk
IPL 2025: గత మూడేళ్లుగా లక్నో సూపర్ జెయింట్స్ కెప్టెన్గా ఉన్న కేఎల్ రాహుల్ను ఈసారి ఫ్రాంచైజీ విడుదల చేసింది. ఐపీఎల్ 2024 (IPL 2025) నుండి రాహుల్ LSG నుండి విడిపోతారనే ఊహాగానాలు వస్తున్నాయి. ఇప్పుడు KL రాహుల్ కూడా IPL 2025 మెగా వేలంలో భాగం కానున్నాడు. రాహుల్ స్థానంలో లక్నో సూపర్ జెయింట్స్ ఇప్పుడు వికెట్ కీపింగ్తో పాటు డేరింగ్ బ్యాటింగ్కు పేరుగాంచిన బలమైన ఆటగాడిపై దృష్టి సారించినట్లు వార్తలు వస్తున్నాయి.
ఎల్ఎస్జీ దృష్టి ఇషాన్ కిషన్పైనే ఉంటుంది
యువ వికెట్ కీపర్ బ్యాట్స్మెన్ ఇషాన్ కిషన్ను ఈసారి ముంబై ఇండియన్స్ విడుదల చేసింది. ఇషాన్ కిషన్ గత కొన్నేళ్లుగా ముంబై ఇండియన్స్ తరఫున ఆడుతున్నాడు. అయితే కిషన్కి గత సీజన్లో రాణించలేకపోయాడు. దీంతో రోహిత్ శర్మ, హార్దిక్ పాండ్యా, సూర్యకుమార్ యాదవ్, జస్ప్రీత్ బుమ్రా ముందు కిషన్ రిటెన్షన్ కనిపించలేదు. ఇప్పుడు మెగా వేలంలో ఇషాన్ కిషన్ భాగం కాబోతున్నాడు. ఇటువంటి పరిస్థితిలో లక్నో సూపర్ జెయింట్స్ ఈ వికెట్ కీపర్ బ్యాట్స్మన్ను దక్కించుకోవాలని చూస్తున్నట్లు తెలుస్తోంది.
Also Read: Ashwin Takes Catch: వావ్.. రెండో రోజు మ్యాచ్లో హైలెట్గా నిలిచిన అశ్విన్ క్యాచ్.. వీడియో వైరల్!
ఈసారి లక్నో నికోలస్ పురాన్ను రూ.21 కోట్లకు, రవి బిష్ణోయ్, మయాంక్ యాదవ్లను రూ.11 కోట్లకు, ఆయుష్ బదోనీ-మొహ్సిన్ ఖాన్లను ఒక్కొక్కరు రూ.4 కోట్లకు తమ వద్దే ఉంచుకున్నారు. ఇలాంటి పరిస్థితుల్లో ఇప్పుడు జట్టుకు వికెట్ కీపర్ బ్యాట్స్మెన్ అవసరం ఉంది. దీంతో ఇషాన్ కిషన్ LSGకి మంచి ఎంపిక కానున్నాడని ఫ్రాంచైజీ భావిస్తున్నట్లు సమాచారం. LSGలో వికెట్ కీపర్ బ్యాట్స్మెన్గా నికోలస్ పూరన్ కూడా అందుబాటులో ఉన్నాడు. అయితే ఫ్రాంచైజీ IPL 2025లో LSGకి పూరన్ను కెప్టెన్గా నియమించనున్నట్లు తెలుస్తోంది.
ఇషాన్ కిషన్ ఐపీఎల్ కెరీర్ ఇదే
ఇప్పటి వరకు ఐపీఎల్లో ఇషాన్ కిషన్ 105 మ్యాచ్లు ఆడాడు. అతని 99 ఇన్నింగ్స్లలో 2644 పరుగులు చేశాడు. ఐపీఎల్లో కిషన్ స్ట్రైక్ రేట్ 135.87గా ఉంది. ఐపీఎల్లో ఇప్పటి వరకు 16 హాఫ్ సెంచరీలు సాధించాడు. ఇది కాకుండా ఇషాన్ బ్యాట్ నుంచి 255 ఫోర్లు, 119 సిక్సర్లు వచ్చాయి.
Follow us
