IND vs SA 3rd T20: నేడు భార‌త్- సౌతాఫ్రికా జ‌ట్ల మ‌ధ్య మూడో టీ20.. వెద‌ర్, పిచ్‌ రిపోర్ట్ ఇదే!

IND vs SA 3rd T20

IND vs SA 3rd T20: భారత్-దక్షిణాఫ్రికా జట్ల మధ్య 4 మ్యాచ్‌ల టీ20 (IND vs SA 3rd T20) సిరీస్‌లో మూడో మ్యాచ్ నవంబర్ 13న అంటే ఈరోజున‌ జరగనుంది. సెంచూరియన్‌లోని సూపర్‌స్పోర్ట్ పార్క్‌లో ఈ మ్యాచ్ జరగనుంది. ఇప్పటి వరకు ఆడిన 2 మ్యాచ్‌ల్లో భారత్ ఒక మ్యాచ్‌లో గెలుపొందగా, మరో మ్యాచ్‌లో ఆతిథ్య దేశం సౌతాఫ్రికా విజయం సాధించింది. దీంతో ప్ర‌స్తుతం సిరీస్ 1-1తో సమమైంది. మూడో మ్యాచ్ కోసం ఇరు జట్లూ చెమటోడ్చుతున్నాయి. అయితే మూడో మ్యాచ్‌కు వాతావరణం ఎలా ఉంటుందో ఇప్పుడు తెలుసుకుందాం.

వాతావరణం ఎలా ఉంటుంది?

ఇప్పటి వరకు ఆడిన రెండు మ్యాచ్‌ల్లో వాతావరణం ఆహ్లాదకరంగా ఉంది. మ్యాచ్‌కు వర్షం అంతరాయం కలిగించలేదు. మూడో మ్యాచ్‌లోనూ వర్షం అంతరాయం ఉండదు. అక్యూవెదర్ నివేదిక ప్రకారం.. బుధవారం వాతావరణం స్పష్టంగా ఉంటుంది. గరిష్ట ఉష్ణోగ్రత 27 డిగ్రీలు, రాత్రి ఉష్ణోగ్రత 12 డిగ్రీలుగా నమోదయ్యే అవకాశం ఉంది. రెండో ఇన్నింగ్స్‌లో మంచు కురవవచ్చు. ఇటువంటి పరిస్థితిలో టాస్ గెలిచిన తర్వాత కెప్టెన్ ముందుగా బౌలింగ్ చేయాలని నిర్ణయించుకోవచ్చు.

Also Read: Vijay Deverakonda – Balakrishna : విజయ్ దేవరకొండ సినిమాకు బాలయ్య సాయం.. ఇదే నిజమైతే ఫ్యాన్స్ కి పండగే..

సెంచూరియన్ పిచ్ ఫాస్ట్ బౌలర్లకు సహాయకరంగా ఉంది. ఇక్కడ పిచ్‌పై వేగంతో కూడిన బౌన్స్ తరచుగా కనిపిస్తుంది. ఇలాంటి పరిస్థితుల్లో మూడో మ్యాచ్‌లో ఫాస్ట్ బౌలర్ల పాత్ర ఎక్కువగా ఉండబోతోంది. అదే సమయంలో బ్యాట్స్‌మెన్‌లు ప్రారంభంలో కొన్ని సమస్యలను ఎదుర్కొంటారు. కానీ పిచ్‌పై సమయం గడిపిన తర్వాత బ్యాటింగ్‌కు మార్గం సులభమవుతుంది. హెడ్ ​​టు హెడ్ గణాంకాలను పరిశీలిస్తే.. ఇరు దేశాల మధ్య ఇప్పటి వరకు 29 టీ-20 మ్యాచ్ లు జరిగాయి. భారత్‌ 16 మ్యాచ్‌ల్లో గెలుపొందగా, ఆఫ్రికా 12 మ్యాచ్‌ల్లో విజయం సాధించింది. ఒక మ్యాచ్ రద్దు అయింది.

దక్షిణాఫ్రికా జట్టు

ఐడెన్ మార్క్రామ్ (కెప్టెన్), రికెల్టన్, ట్రిస్టన్ స్టబ్స్, హెన్రిచ్ క్లాసెన్ (WK), డేవిడ్ మిల్లర్, పాట్రిక్ క్రుగర్, మార్కో జాన్సెన్, ఆండిలే సిమెలన్, గెరాల్డ్ కోయెట్జీ, కేశవ్ మహరాజ్, నకబయోమ్జి పీటర్, మిహ్లాలీ మ్పోంగ్వానా, డోనోవాన్ ఫెర్రెజారిక్, ఓమాండోన్ ఫెరీజారిక్.

భారత జట్టు

సంజు శాంసన్ (వికెట్ కీపర్), అభిషేక్ శర్మ, సూర్యకుమార్ యాదవ్ (కెప్టెన్), తిలక్ వర్మ, హార్దిక్ పాండ్యా, రింకూ సింగ్, అక్షర్ పటేల్, అర్ష్‌దీప్ సింగ్, రవి బిష్ణోయ్, వరుణ్ చక్రవర్తి, అవేష్ ఖాన్, జితేష్ శర్మ, విజయ్‌కుమార్ విశాక్, రమణదీప్ సింగ్, యశ్ దయాళ్.

Follow us