Heart Attack: అలర్ట్..గుండె జబ్బులు ఉంటే శరీరంలో కనిపించే లక్షణాలు

Heart Disease

Heart Disease  మానవ శరీరంలో అత్యంత ప్రధాన భాగం గుండె. హార్ట్‌లో ఏదైనా ట్రబుల్ ఉంటే ఆరోగ్యానికి అంత మంచిది కాదు. ఈ రోజుల్లో చాలా మంది యువత కూడా గుండె జబ్బులు ముప్పున పడుతున్నారు. ముఖ్యంగా గుండెపోటు బారిన పడుతున్నారు. మనం నిత్యం వార్తల్లో యువత గుండెపోటు బారిన పడటం గమనిస్తూనే ఉన్నాం. అయితే, గుండె జబ్బులు అభివృద్ధి చెందినప్పుడు శరీరం కొన్ని సంకేతాలను ఇవ్వడం ప్రారంభిస్తుంది. ఆ లక్షణాల్ని గమనిస్తే ప్రాణాంతక పరిస్థితుల నుంచి తప్పించుకోవచ్చు.

ఈ రోజుల్లో గుండె జబ్బుల ప్రమాదం వేగంగా పెరుగుతుంది. క్షీణిస్తున్న జీవనశైలి, చెడు ఆహారపు అలవాట్లు గుండె జబ్బుల వేగంగా పెంచుతున్నాయి. గుండె జబ్బులు అభివృద్ధి చెందినప్పుడు శరీరం కొన్ని సంకేతాలను ఇవ్వడం ప్రారంభిస్తుంది. అత్యంత సాధారణ లక్షణం ఛాతీ నొప్పి లేదా అసౌకర్యం, తరచుగా మధ్య లేదా ఎడమ వైపున నొప్పి అనుభూతి ఉంటుంది.

ఈ నొప్పి ఒత్తిడి, బిగుతు, భారం లేదా మంటగా అనిపించవచ్చు. కొన్నిసార్లు ఈ నొప్పి కొన్ని నిమిషాల్లోనే తగ్గిపోతుంది, ఆ పూర్తి వివరాలు గురించి ఇప్పుడు తెలుసుకుందాం.

ప్రపంచవ్యాప్తంగా మరణాలకు ప్రధాన కారణాల్లో గుండె సంబంధిత వ్యాధులు (Cardiovascular diseases) మొదటి వరుసలో ఉన్నాయి. వీటిని ముందే గుర్తించడం వల్ల ప్రాణాంతక పరిస్థితుల నుంచి తప్పించుకోవచ్చు. మీకు గుండె జబ్బులు ఉంటే శరీరం కొన్ని సంకేతాల్ని ఇవ్వడం ప్రారంభిస్తుంది. ఛాతీలో నొప్పి లేదా అసౌకర్యం వంటి లక్షణం చాలా మందిలో కనిపిస్తుంది. దీంతో పాటు కొన్ని లక్షణాలు కనిపిస్తాయి. ఈ లక్షణాల్ని గుర్తించి తగిన చర్యలు తీసుకుంటే ప్రాణాంతక పరిస్థితుల్ని నివారించవచ్చు.

సాధారణంగా గుండె జబ్బులకు కారణాలు

1. వేయించిన ఆహారాలు, అధిక ఉప్పు, ట్రాన్స్ ఫ్యాట్, జంక్ ఫుడ్‌ల్ని ఎక్కువగా తీసుకోవడం వల్ల ధమనుల్లో కొవ్వు పేరుకుపోతుంది.
2. శారీరక శ్రమ లేకపోవడం, ఎక్కువ గంటలు కూర్చొని పనిచేయడం, ఊబకాయం, ధూమపానం, నిరంతర ఒత్తిడి కూడా గుండె ఆరోగ్యంపై ప్రతికూల ప్రభావాన్ని చూపుతాయి.
3. అధిక కొలెస్ట్రాల్, ట్రైగ్లిజరైడ్ స్థాయిలు గుండె జబ్బులకు ప్రధాన కారణం. చెడు కొలెస్ట్రాల్ ( LDL) స్థాయిలు ధమనుల గోడలపై పేరుకుపోయినప్పుడు అది అడ్డంకుల ప్రమాదాన్ని పెంచుతుంది.
4. అధిక ట్రైగ్లిజరైడ్ స్థాయిలు రక్తాన్ని చిక్కగా చేసి గుండెపై అదనపు ఒత్తిడిని కలిగిస్తాయి. కాలక్రమేణా ఈ పరిస్థితులు గుండెపోటు, స్ట్రోక్ వంటి తీవ్రమైన సమస్యలకు దారితీస్తుంది.

గమనించాల్సిన ముఖ్యమైన లక్షణాలు

ఛాతీలో నొప్పి లేదా అసౌకర్యం

ఇది గుండె జబ్బుల మొదటి అత్యంత సాధారణ లక్షణం.

• ​ఎలా ఉంటుంది?: ఛాతీలో ఏదో బరువు పెట్టినట్లు, ఒత్తిడిగా, లేదా బిగుతుగా అనిపిస్తుంది. అంటే ఛాతీలో భారంగా అనిపిస్తుంది.
• ఎప్పుడు వస్తుంది?: శారీరక శ్రమ చేసినప్పుడు లేదా తీవ్రమైన ఒత్తిడికి లోనైనప్పుడు ఇది ఎక్కువగా కనిపిస్తుంది.
• వ్యాపించడం: ఈ నొప్పి కేవలం ఛాతీకే పరిమితం కాకుండా ఎడమ చేయి, మెడ, దవడ, భుజాలు లేదా వెనుక భాగానికి కూడా పాకవచ్చు.

శ్వాస తీసుకోవడంలో ఇబ్బంది

1. గుండె సరిగ్గా రక్తాన్ని పంపింగ్ చేయలేనప్పుడు ఊపిరి అందనట్లు అనిపిస్తుంది. చిన్నపాటి పనులు చేసినా ఈ లక్షణం కనిపించవచ్చు.
2. మెట్లు ఎక్కినప్పుడు లేదా చిన్నపాటి పనులు చేసినప్పుడు ఊపిరి పీల్చుకోవడం కష్టమవ్వడం. అంటే శ్వాస తీసుకోవడంలో ఇబ్బంది కలగవచ్చు.
3. రాత్రి పడుకున్నప్పుడు లేదా వెల్లకిలా పడుకున్నప్పుడు ఊపిరి ఆడకపోవడం.

గుండె దడ, కళ్లు తిరగడం

• గుండె దడ (Palpitations): గుండె అసాధారణ వేగంతో కొట్టుకోవడం లేదా గుండె లయ తప్పడం.
• కళ్లు తిరగడం (Dizziness): హఠాత్తుగా తల తిరిగినట్లు అవ్వడం లేదా స్పృహ తప్పి పడిపోవడం. ఇది మెదడుకు రక్తప్రసరణ సరిగ్గా అందడం లేదని సంకేతం. ఇలాంటి లక్షణాలు కనిపిస్తే అలర్ట్ అవ్వడం చాలా మంచిది. వెంటనే వైద్యుణ్ని సంప్రదించి తగిన సలహాలు తీసుకోవడం చాలా ముఖ్యం.

తీవ్రమైన అలసట

Follow us