ముంబై ఇండియన్స్కు గుడ్ న్యూస్!
IPL 2026 పాయింట్ల పట్టికలో ముంబై ఇండియన్స్ ఒక విజయం, ఒక ఓటమితో ఆరో స్థానంలో ఉంది. వారి నెట్ రన్ రేట్ -0.206గా ఉంది.
- Author : Gopi
Date : 05-04-2026 - 3:00 IST
Published By : Hashtagu Telugu Desk
Hardik Pandya: IPL 2026లో ముంబై ఇండియన్స్ జట్టు అద్భుతమైన విజయంతో టోర్నీని ప్రారంభించింది. కోల్కతా నైట్ రైడర్స్ను ఓడించి శుభారంభం చేసింది. అయితే ఏప్రిల్ 4న అరుణ్ జైట్లీ స్టేడియంలో ఢిల్లీ క్యాపిటల్స్తో జరిగిన మ్యాచ్లో ముంబై ఇండియన్స్ ఘోర పరాజయాన్ని చవిచూసింది. ఈ మ్యాచ్లో కెప్టెన్ హార్దిక్ పాండ్యా ఆడలేదు. అనారోగ్యం కారణంగా అతనికి విశ్రాంతినివ్వగా, మ్యాచ్లో పాండ్యా లేని లోటు స్పష్టంగా కనిపించింది. అసలు హార్దిక్ ఎప్పుడు కోలుకుంటాడనే ప్రశ్న అందరిలోనూ తలెత్తింది. ఇప్పుడు అతనికి సంబంధించి ఒక కీలక అప్డేట్ వచ్చింది.
హార్దిక్ పాండ్యా ఎప్పుడు తిరిగి వస్తాడు?
ముంబై ఇండియన్స్ తమ తదుపరి మ్యాచ్ను ఏప్రిల్ 7న గౌహతిలో రాజస్థాన్ రాయల్స్తో ఆడనుంది. ఓ నివేదిక ప్రకారం.. రాజస్థాన్ రాయల్స్తో జరిగే పోరు కోసం హార్దిక్ పాండ్యా ముంబై జట్టుతో కలిసి గౌహతికి బయలుదేరారు. ఆయన త్వరలోనే ప్రాక్టీస్ కూడా ప్రారంభించనున్నారు. ఢిల్లీ క్యాపిటల్స్తో జరిగిన మ్యాచ్ సమయంలో పాండ్యా పరిస్థితి అంత దారుణంగా ఏమీ లేదని, అయితే టోర్నీ ప్రారంభ దశలోనే ముంబై ఇండియన్స్ ఎలాంటి రిస్క్ తీసుకోకూడదనే ఉద్దేశంతోనే అతనికి విశ్రాంతినిచ్చినట్లు నివేదిక పేర్కొంది. అనారోగ్యం కారణంగా హార్దిక్ రెండు శిక్షణ సెషన్లకు కూడా దూరంగా ఉన్నారు. ఏది ఏమైనప్పటికీ ఇప్పుడు రాజస్థాన్ రాయల్స్తో జరిగే మ్యాచ్ ద్వారా ఆయన తిరిగి మైదానంలోకి అడుగుపెట్టనున్నారు.
Also Read: కొత్త లేబర్ కోడ్.. ఫిక్స్డ్ టర్మ్ అంటే ఏమిటి?
పాయింట్ల పట్టికలో ముంబై ఇండియన్స్ స్థానం
IPL 2026 పాయింట్ల పట్టికలో ముంబై ఇండియన్స్ ఒక విజయం, ఒక ఓటమితో ఆరో స్థానంలో ఉంది. వారి నెట్ రన్ రేట్ -0.206గా ఉంది. ఇప్పుడు ఏప్రిల్ 7న రాజస్థాన్ రాయల్స్పై విజయం సాధించి తమ స్థానాన్ని మెరుగుపరుచుకోవాలని ముంబై ఇండియన్స్ భావిస్తోంది.
Follow us
