Dinesh Karthik: రోహిత్ శర్మ రిటైర్మెంట్.. దినేష్ కార్తీక్ స్పందన ఇదే!

Dinesh Karthik

Dinesh Karthik: ఛాంపియన్స్ ట్రోఫీ ఫైనల్ తర్వాత రోహిత్ శర్మ ‘నేను రిటైర్మెంట్ తీసుకోను’ అన్న ప్రకటన హాస్యాస్పదంగా ఉండటమే కాకుండా తన రిటైర్మెంట్ గురించి ఊహాగానాలు చేయవద్దని విమర్శకులు, ప్రేక్షకులకు స్పష్టమైన సందేశాన్ని పంపిందని భారత వికెట్ కీపర్ దినేష్ కార్తీక్ (Dinesh Karthik) అన్నాడు. ఛాంపియన్స్ ట్రోఫీకి ముందు బ్యాట్స్‌మెన్‌గా కెప్టెన్‌గా రోహిత్ శర్మ ప్రదర్శన ఆశించిన స్థాయిలో లేదు. రోహిత్ సార‌థ్యంలో బోర్డర్-గవాస్కర్ ట్రోఫీని టీమిండియా కోల్పోయింది. న్యూజిలాండ్‌తో స్వదేశంలో జరిగిన టెస్ట్ సిరీస్‌లో కూడా భార‌త్ ఓడిపోయింది.

రోహిత్ శర్మ గురించి ఇలా అన్నాడు

దినేష్ కార్తీక్ మాట్లాడుతూ.. ఇది రోహిత్ శర్మ వ్యక్తిత్వాన్ని ప్రతిబింబిస్తుంది. ఆయన ప్రకటన హాస్యాస్పదంగా ఉండటమే కాకుండా రిటైర్మెంట్ విషయంలో తొందరపడవద్దని స్పష్టమైన సందేశాన్ని కూడా ఇచ్చింది. నేనే నిర్ణయం తీసుకున్నాక నేనే చెబుతాను అని రోహిత్ చెప్పిన‌ట్లు దినేష్ గుర్తుచేశాడు. కార్తీక్ ఇంకా మాట్లాడుతూ.. రోహిత్ శర్మ నిస్సందేహంగా గొప్ప ఆటగాళ్లలో ఒకడు. అతను బలమైన వారసత్వాన్ని టీమిండియాకు ఇస్తాడు. MS ధోని, కపిల్ దేవ్ లాగా.. రోహిత్ కూడా తరాల మార్పు, ఆలోచనా విధానంలో మార్పును అనుక‌రిస్తాడ‌ని కార్తీక్ చెప్పుకొచ్చాడు.

Also Read: Janasena Formation Day : జగన్ ఇప్పటికే కలలు కంటూ ఉండాల్సిందే – నాగబాబు

విరాట్ కోహ్లీని కూడా ప్రశంసించాడు

రోహిత్ శర్మతో పాటు దినేష్ కార్తీక్ భారత బ్యాట్స్‌మెన్ విరాట్ కోహ్లీపై కూడా ప్రశంసలు కురిపించారు. ఇద్దరు దిగ్గజాలు చాలా అవసరమైనప్పుడు అద్భుతంగా ప్రదర్శించారని ప్రశంసించారు. కార్తీక్ మాట్లాడుతూ.. పెద్ద మ్యాచ్‌లలో మంచి ప్రదర్శన ఇవ్వడానికి ఏమి అవసరమో వారికి తెలుసు. ఆటకు ముందు వారి మనస్సులో చాలా ఆలోచనలు వస్తాయి. కానీ ఆ ఆలోచనలను సరైన దిశలో నడిపించే విధానం, మైదానంలో త‌మ శక్తిని ఉపయోగించే విధానంలో వారు ప్రత్యేకతను కలిగి ఉన్నార‌ని కార్తీక్ తెలిపాడు.

Follow us