Gold Price: పసిడి ప్రియులకు గుడ్ న్యూస్.. బంగారం ధర పతనం..కొనుగోలు దారులకు ఇదే మంచి ఛాన్స్

Gold prices drop—a great opportunity for buyers.

భారత్‌లో పెళ్లిళ్లు, శుభకార్యాలు అంటే ముందుగా గుర్తుకువచ్చేది బంగారమే. భారతీయుల జీవన విధానంలో బంగారానికి ఒక ప్రత్యేక స్థానం ఉంది. ఏడాది పొడవునా కొనుగోళ్లు జరుగుతూనే ఉంటాయి. ప్రపంచంలోనే అత్యంత దిగుమతి చేసుకునే దేశాల్లో భారత్ రెండో స్థానంలో ఉంది. అయితే, గత ఏడాదిగా బంగారం ధరలు భారీగా పెరుగుతున్నాయి. ఇక ఇరాన్-అమెరికా యుద్ధం వల్ల పసిడి రేట్లలో ఊహించని మార్పులు కనిపిస్తున్నాయి. యుద్ధం జరిగితే ధరలు పెరుగుతాయని భావిస్తే భారీగా తగ్గాయి, ఆ తర్వాత యుద్ధం ఆగిందని తెలిశాక మళ్లీ పెరిగాయి. అయితే, ఇప్పుడు వరుసగా దిగిరావడం గమనార్హం. అమెరికా జాబ్ డేటా, ఫెడ్ వడ్డీ రేట్ల అంచనాలు, డాలర్ విలువ వంటివి ధరలు తగ్గేందుకు కారణమవుతున్నట్లు తెలుస్తోంది. అలాగే రూపాయి విలువ పుంజుకోవడం సైతం ప్రభావం చూపిస్తోంది. ఈ క్రమంలో జూన్ 17వ తేదీ బుధవారం రోజున హైదరాబాద్ మార్కెట్లో 22, 24 క్యారెట్ల పసిడి రేట్లు ఎలా ఉన్నాయో తెలుసుకుందాం.

అంతర్జాతీయ బులియన్ మార్కెట్లో బంగారం ధరలు మళ్లీ భారీగా తగ్గాయి. ఈరోజు స్పాట్ గోల్డ్ రేటు ఔన్సుకు 11 డాలర్ల వరకు పడిపోయింది. దీంతో ఔన్స్ బంగారం ధర 4323 డాలర్ల వద్దకు దిగివచ్చింది. అలాగే స్పాట్ సిల్వర్ రేటు ఔన్సుకు 0.10 శాతం పెరిగింది. దీంతో ఔన్స్ వెండి రేటు 70 డాలర్ల వద్ద ట్రేడవుతోంది.

హైదరాబాద్ బులియన్ మార్కెట్లో బంగారం ధరలు వరుసగా రెండో రోజూ దిగివచ్చాయి. 24 క్యారెట్ల మేలిమి గోల్డ్ రేటు క్రితం రోజు 10 గ్రాములకు రూ.160 తగ్గగా, ఈరోజు మరో రూ.270 మేర దిగివచ్చింది. దీంతో తులం బంగారం రేటు రూ.1,51,100 వద్ద ట్రేడవుతోంది. అలాగే 22 క్యారెట్ల ఆభరణాల గోల్డ్ రేటు నిన్నటి రోజున తులానికి రూ.150 తగ్గగా, ఈరోజు మరో రూ.250 తగ్గింది. దీంతో 10 గ్రాముల పసిడి ధర రూ.1,38,500 వద్దకు పడిపోయింది.

దేశీయ మార్కెట్లో వెండి ధర ఇవాళ స్థిరంగా ఉంది. అయితే నిన్నటి రోజున హైదరాబాద్ మార్కెట్లో కిలో వెండి రేటు రూ.5000 మేర తగ్గిన సంగతి తెలిసిందే. దీంతో కిలో వెండి రేటు రూ.2,75,000 వద్దకు దిగివచ్చింది. ఈరోజు అదే ధర వద్ద ట్రేడవుతోంది.

Follow us