Bumrah: నాల్గ‌వ టెస్ట్‌కు బుమ్రా అందుబాటులో ఉంటాడా? కీల‌క అప్డేట్‌!

Bumrah: ఇండియా- ఇంగ్లండ్ మధ్య నాల్గవ టెస్ట్ మ్యాచ్ ముందు ఒక పెద్ద వార్త వెలుగులోకి వచ్చింది. ఈ మ్యాచ్ జులై 23న మాంచెస్టర్‌లోని ఓల్డ్ ట్రాఫోర్డ్ క్రికెట్ గ్రౌండ్‌లో జరగనుంది. ఈ మ్యాచ్‌లో జస్‌ప్రీత్ బుమ్రా (Bumrah) ఆడతాడా? లేదా అనే ప్రశ్నలు ఉన్నాయి. ఇప్పుడు దీనిపై బిగ్ అప్డేట్ వ‌చ్చింది. అంతేకాక, భారత జట్టు నుండి ఒక స్టార్ బౌలర్ ఈ మ్యాచ్ నుండి బయటకు వెళ్లే అవకాశం ఉంది.

నాల్గ‌వ టెస్ట్‌కు ఆకాశ్ దీప్ దూరం?

టైమ్స్ ఆఫ్ ఇండియా తన రిపోర్ట్‌లో తెలిపిన ప్రకారం.. ఆకాశ్ దీప్‌కు నడుము సమస్యలు ఉన్నాయి. లార్డ్స్ టెస్ట్ సమయంలో ఆకాశ్ బౌలింగ్ చేస్తున్నప్పుడు సమస్యలను ఎదుర్కొన్నాడు. వార్తల ప్రకారం.. అతను నాల్గవ టెస్ట్ మ్యాచ్‌లో ఆడే అవకాశం లేదు. భారత జట్టు అతనికి విశ్రాంతి ఇవ్వ‌నున్న‌ట్లు స‌మాచారం. ఒకవేళ ఈ విషయం నిజమైతే టీమిండియాకు షాక్ లాంటి వార్తే అని చెప్పుకోవ‌చ్చు. ఆకాశ్ ఇప్పటివరకు ఈ సిరీస్‌లో మంచి బౌలింగ్ చేశాడు.

Also Read: Sleeping Prince : 20 ఏళ్ల కోమా తర్వాత ముగిసిన “స్లీపింగ్ ప్రిన్స్” జీవన గాథ!

జస్‌ప్రీత్ బుమ్రా ఆడటంపై బిగ్ అప్డేట్‌

జస్‌ప్రీత్ బుమ్రా ఇంగ్లండ్‌తో జరిగే మూడు టెస్ట్ మ్యాచ్‌లలో మాత్రమే ఆడతారని తెలుస్తోంది. అతను ఇప్పటికే రెండు మ్యాచ్‌లలో పాల్గొన్నాడు. జస్‌ప్రీత్ నాల్గవ మ్యాచ్ ఆడతాడా లేక ఐదవ మ్యాచ్‌లో కనిపిస్తారా అనే ప్రశ్న అభిమానుల మదిలో ఉంది. టైమ్స్ ఆఫ్ ఇండియా వార్త ప్రకారం.. ఆకాశ్ దీప్ గాయం కారణంగా ఇప్పుడు జస్‌ప్రీత్ బుమ్రా నాల్గవ టెస్ట్‌లో ఆడ‌నున్నాడు. ఆకాశ్- జస్‌ప్రీత్‌లను ఒకేసారి ఆడుతూ చూడలేము. జస్‌ప్రీత్ స్థానంలో ఆకాశ్ చివరి టెస్ట్‌లో రీ-ఎంట్రీ ఇచ్చే అవకాశం ఉంది.

🚨 UPDATES ON TEAM INDIA 🚨 [Pratyush Raj from TOI]

– Bumrah set to play the 4th Test.
– Akash Deep likely to be rested for the 4th Test.
– Kamboj has joined Indian team. pic.twitter.com/c0KX4zrSrg

— Johns. (@CricCrazyJohns) July 20, 2025

అంశుల్ కంబోజ్‌కు టీమ్ ఇండియాలో చోటు!

కొన్ని రోజుల క్రితం అర్ష్‌దీప్ సింగ్‌కు వేలిలో గాయం అయినట్లు వార్త వచ్చింది. ఈ కారణంగా అతను ఆడటంపై సందేహం ఉంది. ఆకాశ్ దీప్‌కు కూడా నడుము సమస్యలు ఉన్నాయి. రిపోర్ట్‌ల ప్రకారం.. అంశుల్ కంబోజ్ భారత టెస్ట్ జట్టులో భాగమయ్యాడు. మాంచెస్టర్‌లో జరిగే నాల్గవ మ్యాచ్‌లో అతనికి ఆడే అవకాశం కూడా లభించవచ్చు. ఇప్పటివరకు అంశుల్ భారత్ తరపున టెస్ట్‌లో అరంగేట్రం చేయలేదని తెలుస్తోంది. మాంచెస్టర్‌లో అతనికి అరంగేట్రం చేసే, మొదటి మ్యాచ్‌లోనే తనను తాను నిరూపించుకునే పెద్ద అవకాశం ఉంది.

🚨 ANSHUL KAMBOJ IN INDIA'S SQUAD Vs ENGLAND 🚨

– Anshul Kamboj added as cover for Team India's Squad against England in this Test series. (Devendra Pandey/Express Sports). pic.twitter.com/WDe7dbGhiX

— Tanuj (@ImTanujSingh) July 20, 2025