Babar Azam Steps Down Captaincy: పాకిస్థాన్‌కు షాక్ ఇచ్చిన బాబ‌ర్ ఆజం.. కెప్టెన్సీకి గుడ్ బై..!

Babar Azam Steps Down Captaincy

Babar Azam Steps Down Captaincy: పాకిస్థాన్ పరిమిత ఓవర్ల జట్టు కెప్టెన్ బాబర్ ఆజం కెప్టెన్సీ (Babar Azam Steps Down Captaincy) నుంచి తప్పుకోవాలని నిర్ణయించుకున్నాడు. టీ20 ప్రపంచకప్‌కు ముందు నుంచే జట్టుకు కెప్టెన్‌గా వ్యవహరించాడు. ఇటీవలి కాలంలో పాక్ జట్టు ప్రదర్శన ప్రత్యేకంగా ఏమీ లేదు. బంగ్లాదేశ్‌పై ఆ జట్టు ఓటమి చవిచూడాల్సి వచ్చింది. ఇది కాకుండా టీ20 ప్రపంచకప్ పర్యటనలో జ‌ట్టు ఘోరంగా ఓడిన విషయం తెలిసిందే. టీ20 ప్ర‌పంచ‌క‌ప్‌లో ఆ జట్టు అమెరికాపై ఓటమిని చవిచూడాల్సి వచ్చింది. అప్పటి నుంచి పరిమిత ఓవర్ల జట్టు కెప్టెన్సీ నుంచి తప్పుకోవాలని బాబర్ ఆజంపై ఒత్తిడి పెరిగింది.

ఈ విషయాన్ని బాబర్ ఆజం తెలిపారు

కెప్టెన్సీకి రాజీనామా చేస్తున్నట్లు ప్రకటించి, సోషల్ మీడియాలో ఇలా వ్రాశాడు. నేను ఈ రోజు మీతో కొన్ని వార్తలను పంచుకోవాలనుకుంటున్నాను. పాకిస్థాన్ పురుషుల క్రికెట్ జట్టు కెప్టెన్ పదవికి రాజీనామా చేయాలని నిర్ణయించుకున్నాను. ఈ విషయాన్ని గత నెలలో పీసీబీ, టీమ్ మేనేజ్‌మెంట్‌కు తెలియజేశాను. ఈ జట్టుకు నాయకత్వం వహించడం గౌరవంగా ఉంది. కానీ ఇప్పుడు నేను తప్పుకుని నా పాత్రపై దృష్టి పెట్టాల్సిన సమయం ఆసన్నమైందని రాసుకొచ్చాడు.

Also Read: Cholesterol : 31 శాతం మంది భారతీయులలో అధిక కొలెస్ట్రాల్.. ఈ రెండు వ్యాధులకు కారణం..!

అతను ఇంకా ఇలా వ్రాశాడు. “కెప్టెన్సీ అనేది ఒక గొప్ప గౌరవం. దానితో పాటు అదనపు బాధ్యత కూడా వస్తుంది. నేను నా పనితీరుపై దృష్టి పెట్టాలనుకుంటున్నాను. నా బ్యాటింగ్‌ను ఆస్వాదించాలనుకుంటున్నాను. నేను నా కుటుంబంతో సమయం గడపాలనుకుంటున్నాను, అది నాకు సంతోషాన్నిస్తుంది. కెప్టెన్సీ నుంచి తప్పుకున్న తర్వాత బ్యాటింగ్‌పై దృష్టి సారిస్తాను. మీ మద్దతుకు ధన్యవాదాలు’’ అని తెలిపాడు.

మహ్మద్ యూసుఫ్ కూడా రాజీనామా చేశారు

ఇంతకుముందు మహ్మద్ యూసుఫ్ పాకిస్థాన్ క్రికెట్ జట్టు సెలెక్టర్ పదవికి రాజీనామా చేసిన సంగతి తెలిసిందే. వ్యక్తిగత కారణాలను ఆయన కార‌ణాలుగా పేర్కొన్నారు.

Follow us