Suryakumar Yadav: ఏసీసీకి వార్నింగ్ ఇచ్చిన టీమిండియా కెప్టెన్ సూర్య‌కుమార్‌!

Suryakumar Yadav: టీమిండియా సెప్టెంబర్ 14న పాకిస్తాన్‌పై భారీ విజయాన్ని నమోదు చేసింది. మ్యాచ్ తర్వాత భారత ఆటగాళ్ళు పాక్ ఆటగాళ్లతో కరచాలనం చేయలేదు. దీని తర్వాత ‘నో హ్యాండ్‌షేక్’ వివాదం బాగా చర్చనీయాంశమైంది. పాకిస్తాన్ క్రికెట్ బోర్డ్ (PCB) అధ్యక్షుడు మోహ్సిన్ నఖ్వీ దీనిపై చాలా ఆగ్రహం వ్య‌క్తం చేశారు. ఈ నేపథ్యంలో సూర్యకుమార్ యాదవ్ (Suryakumar Yadav) గురించి ఒక పెద్ద వార్త వెలువడింది. పాకిస్తాన్‌ను మరోసారి అవమానించడానికి అతను సిద్ధమయ్యాడు. ఫైనల్‌లో గెలిస్తే మోహ్సిన్ నఖ్వీ నుండి ట్రోఫీని తీసుకోనని ఆసియన్ క్రికెట్ కౌన్సిల్ (ACC)కి సూర్యకుమార్ యాదవ్ వార్నింగ్ ఇచ్చాడు.

సూర్యకుమార్ యాదవ్ ACCకి సందేశం

మోహ్సిన్ నఖ్వీ కేవలం PCB అధ్యక్షుడే కాకుండా ఆసియన్ క్రికెట్ కౌన్సిల్ (ACC)కి కూడా అధ్యక్షుడిగా ఉన్నారు. ఆసియా కప్ విజేతకు ఆయనే ట్రోఫీని అందజేస్తారు. టీమ్ ఇండియా ఆసియా కప్ గెలిస్తే మోహ్సిన్ నఖ్వీ నుండి ట్రోఫీని తీసుకోకపోవచ్చు అని కొన్ని రోజులుగా చర్చ జరుగుతోంది. ఇప్పుడు ఎన్‌డిటివి నివేదిక ప్రకార.. ఫైనల్‌లో గెలిస్తే నఖ్వీ నుండి కప్ తీసుకోలేనని సూర్యకుమార్ యాదవ్ ACCకి స్పష్టమైన సందేశం పంపాడు.

Also Read: AP Investor Roadshow : లండన్ లో లోకేష్ నిర్వహించిన ఇన్వెస్టర్ రోడ్‌షో గ్రాండ్ సక్సెస్

పాకిస్తాన్ ఆసియా కప్ నుండి వైదొలుగుతామని బెదిరించింది

ఆసియా కప్ 2025లో ‘నో హ్యాండ్‌షేక్’ వివాదం తర్వాత పాకిస్తాన్ మ్యాచ్ రిఫరీ ఆండీ పైక్రాఫ్ట్‌ను తొలగించాలని డిమాండ్ చేసింది. ఇంటర్నేషనల్ క్రికెట్ కౌన్సిల్ (ICC) తమ మాట వినకపోతే టోర్నమెంట్ నుండి వైదొలుగుతామని వారు స్పష్టం చేశారు. ఐసీసీ ఆండీని టోర్నమెంట్ నుండి తొలగించలేదు. అయితే పాకిస్తాన్ మ్యాచ్‌లకు అతను రిఫరీగా ఉండడని ఐసీసీ నిర్ణయం తీసుకున్నట్లు వార్తలు వస్తున్నాయి. పాక్ జట్టు ఇప్పుడు టోర్నమెంట్ ఆడుతుంది, కానీ వారి ముందు ఒక పెద్ద సవాలు ఉంది.

ఈ రోజు UAEని ఓడించడం ముఖ్యం

పాకిస్తాన్- UAE మధ్య ఈ రోజు మ్యాచ్ జరగనుంది. ఇద్దరూ గ్రూప్ Aలో ఉన్నారు. వారు ఒక్కో మ్యాచ్ గెలిచారు. ఈ రోజు మ్యాచ్‌లో ఎవరు గెలిస్తే వారు సూపర్ 4కి అర్హత సాధిస్తారు. పాకిస్తాన్‌కు UAEని ఓడించే అవకాశాలు ఎక్కువగా ఉన్నాయి. అయితే టీ20 మ్యాచ్‌లలో ఏదైనా జరగవచ్చు.