Ranveer-Samantha:సమంతతో ఎప్పటికైనా అలాంటి చిత్రం తీస్తా.. రణ్‌వీర్ సింగ్ కోరిక తీరుతుందా?

టాలీవుడ్ స్టార్ హీరోయిన్ సమంత గురించి ప్రత్యేకంగా పరిచయం అక్కర్లేదు. తెలుగు సినీ ఇండస్ట్రీలో ఎన్నో సినిమాలలో నటించి స్టార్ హీరోయిన్గా తనకంటూ ఒక ప్రత్యేకమైన గుర్తింపుని ఏర్పరచుకుంది సమంత. ఒకవైపు సినిమాలలో నటిస్తూనే మరొకవైపు యాడ్స్ లో కూడా నటిస్తూకెరీర్ పరంగా దూసుకెళ్తోంది. అంతేకాకుండా ప్రస్తుతం చేతినిండా బోలెడు ప్రాజెక్టులతో బిజీ బిజీగా ఉంది ఈ ముద్దుగుమ్మ. కేవలం టాలీవుడ్ సినిమాలు మాత్రమే కాకుండా బాలీవుడ్, కోలీవుడ్ ఇండస్ట్రీలలో కూడా అవకాశాలు సంపాదిస్తోంది.

ఇది ఇలా ఉంటే తాజాగా సమంత బాలీవుడ్ ప్రొడ్యూసర్ కరణ్ జోహార్ హోస్ట్ గా వ్యవహరిస్తున్న కాఫీ విత్ కరణ్ షోలో పాల్గొన్న విషయం మనందరికీ తెలిసిందే. ఈ షోలో కరణ్ అడిగిన ప్రశ్నలకు సమంత చేసిన వాఖ్యలు సోషల్ మీడియాలో తెగ వైరల్ అయ్యాయి. ఈ నేపథ్యంలోనే తాను బాలీవుడ్ హీరో రణ్‌వీర్ సింగ్ అభిమానిని అని తెలిపిన విషయం తెలిసిందే. అంతేకాకుండా తాను బ్యాచిలర్ పార్టీలో రణ్‌వీర్ సింగ్ తో కలిసి డాన్స్ చేసానని కూడా తెలిపింది. ఇది ఇలా ఉంటే తాజాగా హీరో రణ్‌వీర్ సింగ్ కూడా సమంతతో తనకు ఒక మంచి సినిమా చేయాలనీ ఉంది అంటూ తన మనసులోని మాటను బయట పెట్టేసాడు.

ఇటీవల ఒక ఇంటర్వ్యూలో పాల్గొన్న రణ్‌వీర్ సింగ్ సమంతతో కలిసి ఒక ప్రకటన షూట్ చేసినట్టు తెలిపాడు. ఇంటర్వ్యూలో భాగంగా రణ్‌వీర్ సింగ్ మాట్లాడుతూ.. ఫ్యూచర్ లో సమంతతో మంచి అనుబంధం కలిగి ఉంటామని..ఆమె ఒక అద్భుతమైన వ్యక్తి,అత్యంత ప్రతిభగల మహిళ గొప్పగా చెప్పుకొచ్చాడు రణ్‌వీర్ సింగ్. ఆమె చాలా అందంగా ఉంటుంది.. తోటి నటీనటులతో సరదాగా కలిసిపోతుంది.. భవిష్యత్తులో ఆమెతో కలిసి పూర్తిస్థాయి సినిమా చేయాలని అనుకుంటున్నాను అని చెప్పుకొచ్చాడు రణ్‌వీర్ సింగ్.