Tower of London : ‘టవర్ ఆఫ్ లండన్’.. ‘కాకుల మాస్టర్’ కథ
Tower of London : ‘టవర్ ఆఫ్ లండన్’.. బ్రిటన్ రాజధాని లండన్ నగరంలోని థేమ్స్ నదీ తీరంలో ఉన్న కోట.
- By Pasha Published Date - 09:06 AM, Sat - 2 March 24
![Tower of London : ‘టవర్ ఆఫ్ లండన్’.. ‘కాకుల మాస్టర్’ కథ](https://d1x8bgrwj9curj.cloudfront.net/wp-content/uploads/2024/03/Tower-of-London.jpg)
Tower of London : ‘టవర్ ఆఫ్ లండన్’.. బ్రిటన్ రాజధాని లండన్ నగరంలోని థేమ్స్ నదీ తీరంలో ఉన్న కోట. ఈ కోటకు దాదాపు వెయ్యేళ్ల చరిత్ర ఉంది. కింగ్ విలియం -1 ఇంగ్లాండును జయించిన తర్వాత 1066 సంవత్సరంలో ‘టవర్ ఆఫ్ లండన్’ కోటను నిర్మించారు. మొదట్లో రాజభవనంగా ఉన్న ఈ కోట.. ఆ తర్వాత జైలుగా మారింది. ఈ కోట సంరక్షణ బాధ్యతను కాకులు చూస్తాయని స్థానికులు నమ్ముతారు. కాకులు ఒకవేళ కోటను వీడి వెళ్లిపోతే.. ఈ టవర్తో పాటు ఇంగ్లాండ్ రాజ్యం కూలిపోతుందన్నది లండన్ ప్రజల నమ్మకం.
We’re now on WhatsApp. Click to Join
అందుకే 17వ శతాబ్దంలో పాలకుడిగా ఉన్న కింగ్ ఛార్లెస్ – 2 ‘టవర్ ఆఫ్ లండన్’(Tower of London) వద్ద ఎప్పుడూ ఆరు కాకులు ఉండేలా చూడాలని ఆదేశాలు జారీ చేశారు. గతేడాది కింగ్ ఛార్లెస్ – 3 పట్టాభిషేకం జరిగాక.. ‘టవర్ ఆఫ్ లండన్’ వద్ద ఉండాల్సిన కాకుల సంఖ్యను ఏడుకు పెంచారు. ఈ కాకులు ఎగిరిపోకుండా వాటి రెక్కలను ఎప్పటికప్పుడు అవసరం మేర కత్తిరిస్తుంటారు. నిత్యం వాటికి మాంసాహారం, ఉడికించిన గుడ్లు, బిస్కెట్లు అందిస్తారు. వెటర్నరీ పరీక్షలు కూడా చేయిస్తుంటారు. ఈ టవర్ వద్దనున్న కాకులు రోజంతా హాయిగా తింటూ తిరుగుతాయి. రాత్రివేళలో అవి పంజరాల్లోకి వెళ్లి నిద్రిస్తాయి. ఈ చారిత్రక టవర్ను చూసేందుకు ఏటా 30 లక్షల మంది టూరిస్టులు వస్తుంటారు.
Also Read : Womens Day : ‘అంతర్జాతీయ మహిళా దినోత్సవం’.. చరిత్ర, 2024 థీమ్ వివరాలివీ
ఇంతకీ ఇప్పుడు ‘టవర్ ఆఫ్ లండన్’ ప్రస్తావన ఎందుకు వచ్చిందో తెలుసా ? 56 ఏళ్ల రాయల్ మెరైన్ మాజీ సైనికుడు మైకేల్ బార్నీ షాండ్లర్ను ‘టవర్ ఆఫ్ లండన్’లో ‘కాకుల మాస్టర్’గా నియమించారు. ఆయన తన ఉద్యోగ బాధ్యతలను స్వీకరించారు. ‘టవర్ ఆఫ్ లండన్’లోని కాకులకు ఆయన సంరక్షకులుగా ఉంటారు. ఆ కాకులను కాపలా కాస్తూ వాటి యోగక్షేమాలను చూడటమే మైకేల్ ఉద్యోగ బాధ్యత. ఈయన కింద మరో నలుగురు సహాయక సిబ్బంది సైతం ఉంటారు.
Also Read : HGCC : ఇక ‘హైదరాబాద్ గ్రేటర్ సిటీ కార్పొరేషన్’.. ఎందుకు ?
![https://d1x8bgrwj9curj.cloudfront.net/wp-content/uploads/2023/09/Drreddy.jpg](https://d1x8bgrwj9curj.cloudfront.net/wp-content/uploads/2023/09/Drreddy.jpg)
Related News
![Air India Crew: ఎయిర్ ఇండియా మహిళా సిబ్బందిపై దాడి.. అసలేం జరిగిందంటే..?](https://d1x8bgrwj9curj.cloudfront.net/wp-content/uploads/2022/07/air-india-warns.jpg)
Air India Crew: ఎయిర్ ఇండియా మహిళా సిబ్బందిపై దాడి.. అసలేం జరిగిందంటే..?
ది హిందూ కథనం ప్రకారం.. గురువారం (ఆగస్టు 15) రాత్రి లండన్ హోటల్లో ఎయిరిండియా క్యాబిన్ సిబ్బందిపై గుర్తు తెలియని వ్యక్తి లైంగిక వేధింపులకు పాల్పడ్డాడు. అంతేకాకుండా దాడి చేసి గాయపరిచాడు.