Vitamin Deficiency: అలసట, ఆకలి లేకపోవడం వంటి సమస్యలున్నాయా? అయితే విటమిన్ లోపం ఉన్నట్లే!
యూఎస్ఏలోని హార్వర్డ్ యూనివర్సిటీ, నేషనల్ ఇన్స్టిట్యూట్ ఆఫ్ హెల్త్ చేసిన పరిశోధనలో యూఎస్ఏలో 18% మంది ప్రజలు విటమిన్ బీ-12 లోపంతో బాధపడుతున్నట్లు తేలింది. ఈ లోపం ఉన్నవారిలో అలసట, బలహీనత, జ్ఞాపకశక్తి కోల్పోవడం వంటి లక్షణాలు ప్రధానంగా కనిపిస్తాయి.
- By Gopichand Published Date - 04:43 PM, Mon - 21 July 25
Vitamin Deficiency: మనం తరచుగా అలసట (Fatigue)ను పని ఒత్తిడి లేదా నిద్రలేమి కారణంగా వస్తుందని భావించి నిర్లక్ష్యం చేస్తాం. కానీ కొన్నిసార్లు ఇది శరీరంలో సంభవిస్తున్న కొన్ని ముఖ్యమైన లోపాలకు, ఆరోగ్య సమస్యలకు సంకేతం కావచ్చు. ముఖ్యంగా TATT (Tired All The Time) అనే పదం దీర్ఘకాలిక అలసటను సూచిస్తుంది. ఇది విటమిన్ బీ-12 (Vitamin Deficiency) వంటి పోషకాల లోపం వల్ల తలెత్తవచ్చు.
TATT అంటే ఏమిటి?
TATT అంటే “Tired All The Time” (ఎప్పుడూ అలసటగా ఉండటం). మీరు ఎంత నిద్రపోయినా, ఎంత విశ్రాంతి తీసుకున్నా అలసట తగ్గకపోవడాన్ని ఇది సూచిస్తుంది. యూఎస్ఏలోని హార్వర్డ్ యూనివర్సిటీ, నేషనల్ ఇన్స్టిట్యూట్ ఆఫ్ హెల్త్ చేసిన పరిశోధనలో యూఎస్ఏలో 18% మంది ప్రజలు విటమిన్ బీ-12 లోపంతో బాధపడుతున్నట్లు తేలింది. ఈ లోపం ఉన్నవారిలో అలసట, బలహీనత, జ్ఞాపకశక్తి కోల్పోవడం వంటి లక్షణాలు ప్రధానంగా కనిపిస్తాయి.
విటమిన్ బీ-12 (కోబలామిన్) ప్రాముఖ్యత
కోబలామిన్ అని కూడా పిలువబడే విటమిన్ బీ-12 మన శరీరం మొత్తం ఆరోగ్యానికి, నాడీ వ్యవస్థకు అత్యవసరం. ఇది నీటిలో కరిగే విటమిన్ కావడంతో శరీరంలో నిల్వ ఉండదు. కాబట్టి దీనిని క్రమం తప్పకుండా ఆహారం ద్వారా తీసుకోవాలి. ఈ విటమిన్ లోపించినట్లయితే రక్తహీనత, ప్లేట్లెట్ తగ్గడం వంటి రక్త సంబంధిత సమస్యలతో పాటు అనేక ఇతర ఆరోగ్య సమస్యలు తలెత్తవచ్చు.
Also Read: CM Chandrababu: ఏపీలో ఐటీ బలోపేతానికి సీఎం చంద్రబాబు కీలక ఆదేశాలు!
విటమిన్ బీ-12 లోపం సంకేతాలు
విటమిన్ బీ-12 లోపం ఉన్నవారిలో కనిపించే సాధారణ లక్షణాలు ఇవే.
- నిరంతర అలసట: ఎంత విశ్రాంతి తీసుకున్నా తగ్గని అలసట.
- నిద్రలేమి: పగలు నిద్రలేమి, రాత్రిపూట నిద్ర పట్టకపోవడం.
- ఆకలి లేకపోవడం: ఆహారం పట్ల ఆసక్తి తగ్గడం.
- బరువు తగ్గడం: అకారణంగా బరువు తగ్గడం.
- నొప్పులు: ఎముకలు, కండరాలలో నొప్పి.
- నరాల బలహీనత: చేతులు, కాళ్ళలో జలదరింపు, తిమ్మిర్లు.
- చర్మ రంగు మార్పులు: చర్మం పసుపు రంగులోకి మారడం.
- గోళ్ల మార్పులు: గోళ్లు బలహీనంగా మారి తెల్లగా కనిపించడం.
విటమిన్ బీ-12 లోపాన్ని ఎలా తీర్చాలి?
- సప్లిమెంట్స్: వైద్యుల సలహా మేరకు విటమిన్ బీ-12 సప్లిమెంట్లను తీసుకోవచ్చు.
- ఆహారం: మీ రోజువారీ ఆహారంలో విటమిన్ బీ-12 అధికంగా ఉండే ఆహారాలను చేర్చుకోవడం ముఖ్యం.
- శాకాహారం: పాలకూర, బీట్రూట్, పుట్టగొడుగులు (మష్రూమ్స్), పాలు, పెరుగు, పన్నీర్ వంటి డైరీ ఉత్పత్తులు.
- మాంసాహారం: గుడ్లు, చేపలు (సీఫుడ్), మాంసం.
