JP Nadda: అప్పటివరకు జేపీ నడ్డానే బీజేపీ అధ్యక్షుడు.. కొత్త చీఫ్ సెప్టెంబర్లో ఎంపిక..!
- By Gopichand Published Date - 02:31 PM, Tue - 11 June 24
![JP Nadda: అప్పటివరకు జేపీ నడ్డానే బీజేపీ అధ్యక్షుడు.. కొత్త చీఫ్ సెప్టెంబర్లో ఎంపిక..!](https://d1x8bgrwj9curj.cloudfront.net/wp-content/uploads/2024/05/JP-Nadda.jpg)
JP Nadda: బీజేపీ కొత్త అధ్యక్షుడి గురించి పెద్ద వార్త బయటకు వచ్చింది. కొత్త అధ్యక్షుడిని నియమించే వరకు జేపీ నడ్డా (JP Nadda) అధ్యక్షుడిగా కొనసాగుతారని చెబుతున్నారు. వర్గాల సమాచారం ప్రకారం.. సెప్టెంబర్లోగా బీజేపీ అధ్యక్షుడి ఎన్నిక జరిగే అవకాశం ఉంది. వర్కింగ్ ప్రెసిడెంట్ నియామకం వరకు JP నడ్డా పార్టీని, మంత్రివర్గం రెండింటినీ ఏకకాలంలో చూసుకుంటారు. 2019 లోక్సభ ఎన్నికల తర్వాత 2020 జనవరిలో జేపీ నడ్డా బీజేపీ జాతీయ అధ్యక్షుడయ్యారు. బీజేపీ అధ్యక్షుడిగా నడ్డా పదవీకాలం 2023 జనవరిలో ముగిసింది. కానీ లోక్సభ ఎన్నికల దృష్ట్యా ఆయన పదవీకాలాన్ని జూన్ 2024 వరకు పొడిగించారు. అయితే ఇప్పుడు ఎన్నికలు జరిగి నడ్డాకు కేబినెట్లో చోటు కల్పించడంతో బీజేపీకి కొత్త అధ్యక్షుడు రావడం ఖాయమని తెలుస్తోంది.
జేపీ నడ్డాకు ఆరోగ్య శాఖ లభించింది
బీజేపీ జాతీయ అధ్యక్షుడిగా నాలుగేళ్లకు పైగా పార్టీని నడిపించిన జేపీ నడ్డాకు కేంద్ర ఆరోగ్య శాఖ, రసాయనాలు, ఎరువుల మంత్రిత్వ శాఖ బాధ్యతలు అప్పగించారు. మన్సుఖ్ మాండవియా రెండోసారి మోదీ ప్రభుత్వ హయాంలో ఆరోగ్య మంత్రిత్వ శాఖ బాధ్యతలు నిర్వర్తించిన విషయం తెలిసిందే.
2019లో బీజేపీ జాతీయ వర్కింగ్ ప్రెసిడెంట్గా మారకముందు మోదీ ప్రభుత్వ మొదటి టర్మ్లో నడ్డా అదే శాఖను కలిగి ఉన్నారు. అమిత్ షా కేంద్ర హోంమంత్రి అయిన తర్వాత నడ్డా బీజేపీ జాతీయ అధ్యక్షుడిగా మారారు. అధ్యక్షుడిగా నడ్డా పదవీకాలం జనవరిలోనే ముగిసింది. అయితే 2024 లోక్సభ ఎన్నికలను దృష్టిలో ఉంచుకుని మరో ఆరు నెలల పొడిగించారు. ఇప్పుడు ఆయన పదవీకాలం జూన్తో ముగియనుంది. హిమాచల్ ప్రదేశ్ నుంచి ప్రస్తుత ప్రభుత్వంలో చోటు దక్కించుకున్న ఏకైక నాయకుడు 63 ఏళ్ల నడ్డా.
Also Read: BJP Chief: కొత్త అధ్యక్షుడి కోసం బీజేపీ అన్వేషణ.. రేసులో చాలా మంది..!
మోదీ మొదటి టర్మ్లో నడ్డా నవంబర్ 9, 2014 నుండి మే 30, 2019 వరకు ఆరోగ్య మంత్రిగా పనిచేశారు. బీజేపీలో పలు కీలక పదవుల్లో పనిచేశారు. బీహార్ నుండి ఉత్తరప్రదేశ్, కేరళ, మహారాష్ట్ర, పంజాబ్ వరకు అనేక రాష్ట్రాల్లో పార్టీ ఎన్నికల ప్రచారానికి ఆయన నాయకత్వం వహించారు. ఆయన తన సొంత రాష్ట్రం హిమాచల్ ప్రదేశ్లోని బిజెపి ప్రభుత్వంలో మంత్రిగా కూడా ఉన్నారు.
We’re now on WhatsApp : Click to Join
ఈ పేర్లు కొత్త అధ్యక్షుడి రేసులో ఉన్నాయి
నడ్డా కేబినెట్లో చేరిన తర్వాత బీజేపీకి కొత్త అధ్యక్షుడు రావడం ఖాయమని భావిస్తున్నారు. అయితే ఈ రేసులో చాలా మంది పేర్లు ఉన్నాయి. వీరిలో ఒకరు వినోద్ తావ్డే. తావ్డే బీజేపీ ప్రధాన కార్యదర్శి. మహారాష్ట్ర ప్రభుత్వంలో మంత్రిగా పనిచేసిన తావ్డే, బీఎల్ సంతోష్ తర్వాత అత్యంత ప్రభావవంతమైన ప్రధాన కార్యదర్శిగా పరిగణించబడ్డారు. బీజేపీ లక్ష్మణ్ కూడా రేసులో ఉన్నారు.
![https://d1x8bgrwj9curj.cloudfront.net/wp-content/uploads/2023/09/Drreddy.jpg](https://d1x8bgrwj9curj.cloudfront.net/wp-content/uploads/2023/09/Drreddy.jpg)
Related News
![Maheshwar Reddy : బీజేఎల్పీ నేత ఏలేటి మహేశ్వర్రెడ్డి అలక.. కారణం అదే ?](https://d1x8bgrwj9curj.cloudfront.net/wp-content/uploads/2024/09/Telangana-BJLP-Leader-Alleti-Maheshwar-ReddY.jpg)
Maheshwar Reddy : బీజేఎల్పీ నేత ఏలేటి మహేశ్వర్రెడ్డి అలక.. కారణం అదే ?
బీజేపీ ఎమ్మెల్యేలు అందరినీ ఒక టీమ్గా ఏర్పాటు చేసి ఏదైనా ఒక రూట్లో ఫీల్డ్ విజిట్కు పంపితే బాగుండేదని ఏలేటి మహేశ్వర్రెడ్డి(Maheshwar Reddy) అనుచరులు అంటున్నారు.