Pahalgam Attack: పాక్‌కు మ‌రో ఎదురుదెబ్బ‌.. ఈసారి ఇంట‌ర్నేష‌న‌ల్ లెవ‌ల్‌లో!

Pahalgam Attack

Pahalgam Attack: జమ్మూ-కాశ్మీర్‌లోని పహల్గామ్‌లో జరిగిన ఉగ్రవాద దాడిని (Pahalgam Attack) అంతర్జాతీయ స్థాయిలో ఖండించారు. శుక్రవారం (జూన్ 6) బ్రసీలియాలో జరిగిన BRICS పార్లమెంటరీ ఫోరమ్ ఈ దాడిని తీవ్రంగా ఖండిస్తూ, ఉగ్రవాదానికి వ్యతిరేకంగా ఐక్యంగా చర్యలు తీసుకోవాలని సంకల్పించింది. ఇది పాకిస్థాన్‌కు మ‌రో ఎదురుదెబ్బగా నిలిచింది. ఎందుకంటే ఈ ఫోరమ్‌లో చైనాతో పాటు అనేక ముస్లిం దేశాలు కూడా సభ్యులుగా ఉన్నాయి.

BRICS పార్లమెంటరీ ఫోరమ్‌లో సభ్య దేశాలు

BRICS పార్లమెంటరీ ఫోరమ్‌లో చైనాతో పాటు భారత్, బ్రెజిల్, రష్యా, దక్షిణాఫ్రికా, ఇరాన్, యునైటెడ్ అరబ్ ఎమిరేట్స్, ఈజిప్ట్, ఇథియోపియా, ఇండోనేషియా దేశాల ప్రతినిధులు పాల్గొన్నారు. ఈ సమావేశంలో భారత్‌కు లోక్‌సభ స్పీకర్ ఓం బిర్లా నాయకత్వం వహించారు. ఆపరేషన్ సిందూర్ తర్వాత భారత్ సర్వపక్ష ప్రతినిధి బృందాన్ని వివిధ దేశాలకు పంపించి, పాకిస్థాన్ ఉగ్రవాదాన్ని బహిర్గతం చేసే ప్రయత్నం చేసింది.

Also Read: Indian Team: ఇంగ్లాండ్ చేరుకున్న టీమిండియా.. భార‌త్ జ‌ట్టు ఇదే!

ఓం బిర్లా వ్యాఖ్యలపై ఏకాభిప్రాయం

తన ప్రసంగంలో ఓం బిర్లా ఉగ్రవాదం పెద్ద‌ సంక్షోభంగా మారిందని, దీనిని అంతర్జాతీయ సహకారంతో మాత్రమే ఎదుర్కోగలమని అన్నారు. ఆయన నాలుగు కీలక చర్యలను సూచించారు. ఉగ్రవాద సంస్థలకు ఆర్థిక సహాయాన్ని నిలిపివేయడం, ఇంటెలిజెన్స్ సమాచార భాగస్వామ్యాన్ని వేగవంతం చేయడం, సాంకేతికత దుర్వినియోగాన్ని అరికట్టడం, దర్యాప్తు.. న్యాయ ప్రక్రియలలో సహకారాన్ని పెంచడం. ఓం బిర్లా వ్యాఖ్యలను సమావేశంలో హాజరైన అన్ని దేశాలు ఏకగ్రీవంగా ఆమోదించాయి. వీటిని తుది ఉమ్మడి ప్రకటనలో చేర్చాయి.

లోక్‌సభ సెక్రటేరియట్ జారీ చేసిన ప్రకటన

లోక్‌సభ సెక్రటేరియట్ జారీ చేసిన ప్రకటన ప్రకారం.. ఉమ్మడి ప్రకటనలో పహల్గామ్‌లో జరిగిన ఉగ్రవాద దాడిని తీవ్రంగా ఖండించారు. అన్ని BRICS దేశాల పార్లమెంట్లు ఉగ్రవాదానికి వ్యతిరేకంగా ఐక్యంగా పనిచేయడానికి అంగీకరించాయి. ఈ సమావేశంలో ఉగ్రవాదంతో పాటు కృత్రిమ మేధస్సు (AI), వాణిజ్యం, అంతర-పార్లమెంటరీ సహకారం, అంతర్జాతీయ శాంతి భద్రత వంటి అంశాలపై కూడా చర్చలు జరిగాయి.

Follow us