Free Power Scheme: గృహ జ్యోతి పథకం అమలుకు కసరత్తు
తెలంగాణలో 200 యూనిట్ల లోపు ఉచిత విద్యుత్ సరఫరాపై కసరత్తు మొదలైంది. తాజాగా రేవంత్ రెడ్డి కూడా ఉచిత విద్యుత్ పై క్లారిటీ ఇచ్చారు. త్వరలోనే ఈ హామీ నిరవేరబోతుందని చెప్పారు.
- Author : Praveen Aluthuru
Date : 04-02-2024 - 10:05 IST
Published By : Hashtagu Telugu Desk
Free Power Scheme: తెలంగాణలో 200 యూనిట్ల లోపు ఉచిత విద్యుత్ సరఫరాపై కసరత్తు మొదలైంది. తాజాగా రేవంత్ రెడ్డి కూడా ఉచిత విద్యుత్ పై క్లారిటీ ఇచ్చారు. త్వరలోనే ఈ హామీ నిరవేరబోతుందని చెప్పారు. అందులో భాగంగానే తెలంగాణ స్టేట్ సదరన్ పవర్ డిస్ట్రిబ్యూషన్ కంపెనీ లిమిటెడ్ బృందం బెంగళూరులోని బెంగళూరు విద్యుత్ సరఫరా కంపెనీ లిమిటెడ్ కార్యాలయాన్ని సందర్శించింది.
గృహజ్యోతి పథకం అమలు తీరును అర్థం చేసుకునేందుకు తెలంగాణ అధికారులు బెంగుళూరులోని బెస్కామ్ కార్యాలయాన్ని సందర్శించారు.తెలంగాణకు చెందిన ఈ బృందానికి తెలంగాణ ఐఏఎస్ అధికారి ముషారఫ్ ఫరూఖీ నేతృత్వం వహించారు. తెలంగాణ రాష్ట్రంలో కర్ణాటక మాదిరిగా ఉచిత విద్యుత్ పథకాన్ని అమలు చేయడానికి గృహ జ్యోతి పథకం గురించి ఇన్పుట్లు తీసుకోవడానికి వారు బెస్కామ్ ఎండి మహతేష్ బిలాగి మరియు డైరెక్టర్ ఫైనాన్స్ ధర్షన్ జె మరియు ఇన్ఫర్మేషన్ టెక్నాలజీ మరియు రెవెన్యూ సెక్షన్ అధికారులతో చర్చలు జరిపారు
గృహ జ్యోతి పథకం కింద కర్ణాటక ప్రభుత్వం రాష్ట్రంలోని అన్ని నివాస గృహాలకు నెలకు 200 యూనిట్ల వరకు ఉచిత విద్యుత్ను అందిస్తోంది. 2023 రాష్ట్ర అసెంబ్లీ ఎన్నికలకు ముందు కాంగ్రెస్ ఎన్నికల వాగ్దానాలలో 200 యూనిట్ల వరకు ఉచిత విద్యుత్ ఒకటి. ఈ పథకం ద్వారా ప్రభుత్వంపై ఏటా దాదాపు రూ.13,910 కోట్లు ఖర్చవుతుందని అంచనా. ఇప్పుడు తెలంగాణలోనే ఈ హామీ నెరవేర్చేందుకు ప్రభుత్వం సిద్ధమైంది.
Also Read: Rahul Gandhi: మహిళలను బెదిరించడం పిరికివాళ్ళు చేసే పని
Follow us
