Rythu Bharosa: వ్యవసాయం చేసే రైతులకే రైతు భరోసా: సీఎం రేవంత్

Rythu Bharosa: వ్యవసాయం చేసే రైతులకు ప్రభుత్వం రైతు భరోసా తదితర హామీలు ఇస్తోందని ముఖ్యమంత్రి రేవంత్ రెడ్డి సంచలన వ్యాఖ్యలు చేశారు. కేసీఆర్ ప్రభుత్వ హయాంలో రైతులు కాని వారికీ లేదా, వ్యవసాయం చేయని చాలా మందికి రైతు బంధు అందించారన్నారు. అసెంబ్లీలో బడ్జెట్ ప్రవేశపెట్టిన అనంతరం ముఖ్యమంత్రి మీడియా ప్రతినిధులతో ముచ్చటించారు.

అసెంబ్లీలో అసలైన బడ్జెట్‌ను ప్రవేశపెట్టామని, గత ప్రభుత్వంలా తప్పుడు బడ్జెట్‌ను ప్రవేశపెట్టలేదన్నారు. రైతుల రుణమాఫీపై బ్యాంకులతో చర్చలు జరుపుతున్నామని ముఖ్యమంత్రి చెప్పారు. పథకాలకు రేషన్ కార్డులు లేకుంటే రేషన్ కార్డులు ఇస్తామని చెప్పారు. ఆరోగ్యశ్రీ పథకాలు రేషన్ కార్డులతో సంబంధం లేకుండా ప్రణాళిక చేయబడుతున్నాయని తెలిపారు. బడ్జెట్‌లో తమ ప్రభుత్వం రాష్ట్ర రైతాంగానికి పెద్దపీట వేస్తోందన్నారు. గత ప్రభుత్వం ప్రవేశపెట్టిన బడ్జెట్ లో ఖర్చు చేస్తున్న సొమ్ముకు పొంతన లేదని ఆరోపించారు. గత ప్రభుత్వం చేసిన అప్పులు, తప్పిదాలకు తమ ప్రభుత్వం బడ్జెట్ లో కోత పెట్టలేదన్నారు.

తెలంగాణ ఎన్నికల్లో ఇచ్చిన హామీలకు తమ ప్రభుత్వం కట్టుబడి ఉందన్నారు. త్వరలో రైతులకు రూ.2 లక్షల రుణమాఫీ చేస్తామని చెప్పారు. ఇందుకోసం చర్యలు తీసుకుంటామని తెలిపారు. గత ప్రభుత్వ హయాంలో రైతుబంధు పథకం ద్వారా అనర్హులే ఎక్కువ లబ్ధి పొందారని విమర్శించారు. కొండలు, గుట్టలు, రోడ్లకు గత ప్రభుత్వం రైతుబంధు నిధులు ఇచ్చిందని విమర్శించారు.

బీఆర్ఎస్ హయంలో పెట్టుబడిదారులు మరియు రియల్ ఎస్టేట్ కంపెనీలకు కూడా రైతు బంధు అందిందని సీఎం అన్నారు. . అనర్హులకు రైతుబంధు ఇవ్వడం చట్ట విరుద్ధమన్నారు. రైతు బంధు నియమాలు సమీక్షించబడతాయి. రైతు భరోసా కింద తమ ప్రభుత్వం ఎకరాకు రూ.15 వేలు ఇస్తుందని చెప్పారు. కౌలు రైతులకు రైతు భరోసా కల్పించేందుకు కొత్త మార్గదర్శకాలు కూడా రూపొందిస్తున్నట్లు భట్టి అసెంబ్లీలో వివరించారు. రైతుల సంక్షేమం కోసం త్వరలో కొత్త విత్తన విధానాన్ని తీసుకొస్తామని చెప్పారు. ఇకపై ప్రతి పంటకు తమ ప్రభుత్వం మద్దతు ధర కల్పిస్తుందని భట్టి విక్రమార్క హామీ ఇచ్చారు.

Also Read: TTD: ఫిబ్రవరి 29 నుండి కల్యాణ వేంకటేశ్వరస్వామివారి బ్రహ్మోత్సవాలు