KK Survey: జూబ్లీహిల్స్‌లో బీఆర్‌ఎస్‌కే పట్టం.. కేకే సర్వే సంచలన ఫలితాలు!

KK Survey

KK Survey: రాష్ట్ర రాజకీయాలలో గ‌త కొన్ని రోజులుగా ఆసక్తి రేపుతున్న‌ జూబ్లీహిల్స్ నియోజకవర్గంలో భారత రాష్ట్ర సమితి (బీఆర్‌ఎస్) ఏకపక్ష విజయం సాధించబోతోందని కేకే సర్వేస్ (KK Survey) అధినేత కేకే సంచలన ఫలితాలు ప్రకటించారు. బీఆర్‌ఎస్‌కు ఏకంగా 55 శాతం ఓట్లు వస్తాయని, కాంగ్రెస్ పార్టీకి 37 శాతం ఓట్లు మాత్రమే దక్కుతాయని ఆయన తేల్చి చెప్పారు.

విశ్వసనీయతపై రిస్క్

కేకే సర్వేస్ విడుదల చేసిన ఈ ఫలితాలు రాజకీయ వర్గాలలో తీవ్ర చర్చకు దారితీశాయి. ఒకే రోజులో కాకుండా చాలా కాలం పాటు నియోజకవర్గంలోని అన్ని డివిజన్లలో క్షేత్ర స్థాయిలో ఈ సర్వే నిర్వహించినట్లు కేకే తెలిపారు. నియోజకవర్గాల వారీగా ఇంత కచ్చితమైన శాతం ఓట్లను అంచనా వేయడం కొంచెం అసాధారణమైన విషయంగా విశ్లేషకులు భావిస్తున్నారు. గతంలో కొన్ని రాష్ట్రాల్లో కేకే సర్వే ఫలితాలు విఫలమైన నేపథ్యంలో ఈసారి జూబ్లీహిల్స్ వంటి అత్యంత పోటీ ఉన్న నియోజకవర్గంలో ఇంత పెద్ద తేడాతో బీఆర్‌ఎస్ విజయాన్ని ప్రకటించడం ద్వారా కేకే సర్వేస్ కొంత రిస్క్ తీసుకున్నట్లేనని అనుకోవచ్చు.

Also Read: Rename Delhi: ఇంద్రప్రస్థగా ఢిల్లీ.. పేరు మార్చాల‌ని అమిత్ షాకు లేఖ!

బీజేపీ- మైనారిటీ ఓట్ల పంపిణీ

ఈ సర్వే ప్రకారం బీజేపీ పార్టీకి గతంలో వచ్చిన ఓట్లలో సగం మాత్రమే వస్తాయని కేకే అంచనా వేశారు. ఇక మజ్లిస్ (ఎంఐఎం) కాంగ్రెస్ పార్టీకి మద్దతు ప్రకటించినప్పటికీ ముస్లిం ఓటర్లు ఆ సపోర్టును పట్టించుకోకుండా కాంగ్రెస్‌కు కాకుండా బీఆర్‌ఎస్ పార్టీకే సగానికి పైగా ఓట్లు వేస్తున్నారని కేకే సర్వేలో వెల్లడైంది. జూబ్లీహిల్స్ నియోజకవర్గంలో బీఆర్‌ఎస్‌కు 55 శాతం ఓట్లు వస్తాయని చెప్పడం అసాధారణమైన విజయంగా పరిగణించాలి.

అడ్వాంటేజ్‌లు ఉన్నా కాంగ్రెస్ వెనుకబాటు

జూబ్లీహిల్స్ నియోజకవర్గంలో కాంగ్రెస్ అభ్యర్థి నవీన్ యాదవ్ బలం, మజ్లిస్ మద్దతు వంటి అనేక అడ్వాంటేజ్‌లు ఉన్నప్పటికీ వాటన్నిటినీ లెక్కలోకి తీసుకున్నా కూడా బీఆర్‌ఎస్‌కు 55 శాతం ఓట్లు వస్తాయని కేకే ప్రకటించడం ఒక సాహసోపేతమైన అంచనా.

ఈ ఫలితాలు కనుక ఎన్నికల తుది ఫలితాలలో తేడా వస్తే కేకే సర్వేస్‌కు ఉన్న విశ్వసనీయత, పట్టు పూర్తిగా దెబ్బతినే ప్రమాదం ఉంది. బీఆర్‌ఎస్ ఓట్లు పడినా కూడా ఇంత భారీ శాతం ఓట్లు రావడం సామాన్య విషయం కాదు. ఈ సర్వే ఫలితాలు రాజకీయ విశ్లేషకులలో, ఆయా పార్టీల నాయకులలో తీవ్ర చర్చకు దారితీశాయి. తుది ఫలితాలు వచ్చే వరకు ఈ సర్వే ఎంతవరకు నిజమవుతుందో వేచి చూడాలి.

Follow us