Yashasvi Jaiswal Century: యశస్వి జైస్వాల్ తొలి వన్డే సెంచరీ.. అప్పుడు ధోనీ!!
జైస్వాల్ తన శతకాన్ని 111 బంతుల్లో పూర్తి చేశాడు. ఈ ఇన్నింగ్స్లో 1 సిక్స్, 10 ఫోర్లు కొట్టాడు. జైస్వాల్ తన తొలి యాభై పరుగుల కోసం 75 బంతులు ఆడగా, ఆ తర్వాత తదుపరి యాభై పరుగులను కేవలం 35 బంతుల్లోనే సాధించాడు.
- Author : Gopichand
Date : 06-12-2025 - 8:34 IST
Published By : Hashtagu Telugu Desk
Yashasvi Jaiswal Century: యశస్వి జైస్వాల్ (Yashasvi Jaiswal Century) తన నాలుగో వన్డే మ్యాచ్లోనే మొట్టమొదటి సెంచరీని నమోదు చేశాడు. కార్బిన్ బాష్ వేసిన 36వ ఓవర్ రెండో బంతికి ఒక పరుగు తీయడం ద్వారా అతను తన సెంచరీని పూర్తి చేసుకున్నాడు. జైస్వాల్ తన శతకాన్ని 111 బంతుల్లో పూర్తి చేశాడు. ఈ ఇన్నింగ్స్లో 1 సిక్స్, 10 ఫోర్లు కొట్టాడు. జైస్వాల్ తన తొలి యాభై పరుగుల కోసం 75 బంతులు ఆడగా, ఆ తర్వాత తదుపరి యాభై పరుగులను కేవలం 35 బంతుల్లోనే సాధించాడు. ఈ సెంచరీతో జైస్వాల్ ఇప్పుడు అంతర్జాతీయ క్రికెట్లోని మూడు ఫార్మాట్లలో (టెస్ట్, వన్డే, టీ20) సెంచరీ చేసిన భారత క్రికెటర్లలో ఆరో క్రికెటర్గా నిలిచాడు.
🚨 YASHASVI JAISWAL – HUNDRED IN ALL FORMATS AT THE AGE OF 23 🚨 pic.twitter.com/xIVZWAB5bY
— Johns. (@CricCrazyJohns) December 6, 2025
Also Read: Bedwetting: రాత్రిళ్లు మీ పిల్లలు పక్క తడుపుతున్నారా? అయితే ఈ చిట్కాలు మీకోసమే!
యశస్వి జైస్వాల్ అంతకుముందు టీ20, టెస్ట్ క్రికెట్లలో కూడా సెంచరీలు సాధించాడు. ఇప్పుడు తన వన్డే కెరీర్లోని నాలుగో మ్యాచ్లోనే ODI సెంచరీ సాధించిన ఘనతను కూడా అందుకున్నాడు. దీంతో అంతర్జాతీయ క్రికెట్లోని మూడు ఫార్మాట్లలోనూ (టెస్ట్, వన్డే, టీ20) సెంచరీలు సాధించిన భారత బ్యాట్స్మెన్లలో జైస్వాల్ ఆరో క్రికెటర్గా నిలిచాడు.
ఈ మైలురాయిని సాధించిన భారత క్రికెటర్లు
జైస్వాల్ కంటే ముందు కేవలం ఐదుగురు భారత బ్యాట్స్మెన్లు మాత్రమే మూడు ఫార్మాట్లలో సెంచరీలు సాధించగలిగారు. వారు
- విరాట్ కోహ్లీ
- రోహిత్ శర్మ
- కేఎల్ రాహుల్
- సురేశ్ రైనా
- శుభ్మన్ గిల్
విశాఖపట్నంలో జరిగిన మూడో వన్డే మ్యాచ్లో జైస్వాల్, రోహిత్ శర్మతో కలిసి ఓపెనింగ్ చేశాడు. వీరిద్దరూ కలిసి 155 పరుగుల భాగస్వామ్యాన్ని నెలకొల్పారు. యశస్వి జైస్వాల్ 20 సంవత్సరాల తర్వాత మహేంద్ర సింగ్ ధోని లాంటి అద్భుతాన్ని పునరావృతం చేశాడు. ధోనీ కూడా తన మొట్టమొదటి ఒకరోజు అంతర్జాతీయ (ODI) సెంచరీని విశాఖపట్నంలోనే సాధించాడు. ధోనీ తన తొలి సెంచరీని వైజాగ్లో పాకిస్తాన్పై సాధించాడు. ఆ మ్యాచ్లో ధోనీని నంబర్ 3 స్థానంలో బ్యాటింగ్కు పంపారు. ధోనీ అప్పుడు 148 పరుగుల మెరుపు ఇన్నింగ్స్ ఆడి చరిత్ర సృష్టించాడు. ఇప్పుడు సరిగ్గా 20 సంవత్సరాల తర్వాత జైస్వాల్ కూడా తన తొలి ODI సెంచరీని విశాఖపట్నం వేదికగా సాధించడం ఒక అరుదైన యాదృచ్చికంగా నిలిచింది.
