Rohit Sharma: వేలం లోకి రోహిత్ శర్మ?

Rohit Sharma

Rohit Sharma: ఐపీఎల్ టోర్నీ చరిత్రలో అత్యుత్తమ కెప్టెన్లలో రోహిత్ శర్మ ఒకరు. రోహిత్ సారథ్యంలో ముంబై ఇండియన్స్ 5 సార్లు ఐపీఎల్ ట్రోఫీని గెలుచుకుంది. అయితే రోహిత్ శర్మను కెప్టెన్సీ నుంచి తప్పించి హార్దిక్ పాండ్యాకు కెప్టెన్సీ ఇవ్వాలని ముంబై ఇండియన్స్ నిర్ణయించింది. గత 13 ఏళ్లుగా ముంబై తరఫున ఆడుతున్న రోహిత్ శర్మ వచ్చే ఏడాది మరో జట్టుకు ఆడే అవకాశం కనిపిస్తుంది.

ప్రతి ఏడాది లాగే వచ్చే ఏడాది ఐపీఎల్ మెగా వేలం జరుగుతుంది. ఈ మెగా వేలంలో ఒక్కో జట్టు 4 మంది ఆటగాళ్లను రిటైన్ చేసుకోవచ్చు. ఇందులో ముగ్గురు భారతీయ మరియు 1 విదేశీ ఆటగాడు ఉంటారు. ముంబై ఇండియన్స్‌లో హార్దిక్ పాండ్యా, సూర్యకుమార్ యాదవ్, జస్ప్రీత్ బుమ్రా వంటి స్టార్ ఆటగాళ్లు ఉన్నారు. రోహిత్‌ని కెప్టెన్సీ నుంచి తప్పించారు. కాబట్టి వచ్చే ఏడాది కూడా హార్దిక్ పాండ్యానే జట్టుకు కెప్టెన్‌గా వ్యవహరిస్తాడు. అయితే రోహిత్‌ని ఎందుకు కెప్టెన్సీ నుంచి ఎందుకు తప్పించారో ఆ జట్టు ప్రధాన కోచ్ మార్క్ బౌచర్ క్లారిటీ ఇచ్చాడు. రోహిత్ శర్మపై ఒత్తిడి పెరుగుతుంది. అందుకే రాణించలేకపోతున్నాడు. దీంతో రోహిత్‌ని కెప్టెన్సీ నుంచి తప్పించామని చెప్పుకొచ్చాడు. మార్క్ బౌచర్ రియాక్షన్ తో రోహిత్ భార్య రితికా సజ్దే ఘాటుగా స్పందించింది. దీంతో ముంబై ఇండియన్స్, రోహిత్ శర్మల మధ్య వివాదం మరింత ముదురుతున్నట్లు సంకేతాలు అందుతున్నాయి.

ఈ నేపథ్యంలో వచ్చే ఏడాది జరగనున్న మెగా వేలంలో ముంబై ఇండియన్స్ హార్దిక్ పాండ్యా, సూర్యకుమార్ యాదవ్, జస్ప్రీత్ బుమ్రాలను అట్టిపెట్టుకోవచ్చు. కాబట్టి రోహిత్ ఔట్ కావడం దాదాపు ఖాయం. మరి రోహిత్ ఏ జట్టుకు సారధ్యం వహిస్తాడో చూడాలి.

Also Read: Telangana: వారం పాటు నిరసన వాయిదా వేసిన అర్చకులు

Follow us