HashtagU Telugu
Telugu
  • English
  • हिंदी
  • వార్తలు
  • తెలంగాణ
  • ఆంధ్రప్రదేశ్
  • జాతీయం
  • సౌత్
  • సినిమా
  • ట్రెండింగ్
  • స్పెషల్
  • ఆఫ్ బీట్
Telugu
  • English
  • हिंदी
Hashtagu Logo
  • వార్తలు
  • తెలంగాణ
  • ఆంధ్రప్రదేశ్
  • జాతీయం
  • సౌత్
  • సినిమా
  • ట్రెండింగ్
  • ఫోటో గ్యాలరీ
  • స్పీడ్ న్యూస్
  • హెల్త్
  • లైఫ్ స్టైల్
  • ఆధ్యాత్మికం
  • ఆఫ్ బీట్
  • Trending
  • # IPL 2025
  • # Revanth Reddy
  • # KTR
  • # PM Modi
  • # ChandrababuNaidu
  • # JaganMohanReddy

  • Telugu News
  • >Sports
  • >Who Will Replace Rohit Sharma Virat Kohli Ravindra Jadeja In India T20i Side

T20I Legacy: ముగ్గురు మొనగాళ్ళు వారి స్థానాలను భర్తీ చేసేది ఎవరు ?

టీ ట్వంటీ క్రికెట్ లో ఒక శకానికి తెరపడింది. జట్టును విజయవంతంగా నడిపించిన కెప్టెన్ రోహిత్ శర్మ , ఫైనల్లో కీలక ఇన్నింగ్స్ ఆడిన విరాట్ కోహ్లీ, ఆల్ రౌండర్ రవీంద్ర జడేజా పొట్టి క్రికెట్ కు గుడ్ బై చెప్పేశారు. యువక్రికెటర్లకు అవకాశమిచ్చేందుకు టీ ట్వంటీలకు రిటైర్మెంట్ ప్రకటించారు. ఈ ముగ్గురు లేకుండా అసలు భారత జట్టు ఊహించడం కష్టమేనని చెప్పాలి.

  • By Praveen Aluthuru Published Date - 06:00 PM, Mon - 1 July 24
  • daily-hunt
T20I Legacy
T20I Legacy

T20I Legacy: భారత క్రికెట్ లో ఈ ఏడాది అభిమానులకు చారిత్రక జ్ఞాపకాన్నే ఇచ్చింది. వన్డే వరల్డ్ కప్ చేజారినా రోహిత్ సేన టీ ట్వంటీ ప్రపంచకప్ ను ముద్దాడింది. ఓటమే లేకుండా ఫైనల్ కు చేరి సఫారీలను ఓడించి రెండోసారి విశ్వవిజేతగా నిలిచింది. అయితే ఈ ప్రపంచకప్ విజయంతోనే భారత టీ ట్వంటీ క్రికెట్ లో ఒక శకానికి తెరపడింది. జట్టును విజయవంతంగా నడిపించిన కెప్టెన్ రోహిత్ శర్మ , ఫైనల్లో కీలక ఇన్నింగ్స్ ఆడిన విరాట్ కోహ్లీ, ఆల్ రౌండర్ రవీంద్ర జడేజా పొట్టి క్రికెట్ కు గుడ్ బై చెప్పేశారు. యువక్రికెటర్లకు అవకాశమిచ్చేందుకు టీ ట్వంటీలకు రిటైర్మెంట్ ప్రకటించారు. ఈ ముగ్గురు లేకుండా అసలు భారత జట్టు ఊహించడం కష్టమేనని చెప్పాలి.

ఎందుకంటే భారత విజయాల్లో వీరి పాత్ర అలాంటిది మరి. ఫార్మాట్ తో సంబంధం లేకుండా పరుగుల వరద పారించిన కోహ్లీ, జట్టును లీడ్ చేసిన హిట్ మ్యాన్ ఆధిపత్యం గురించి ఎంత చెప్పినా తక్కువే. నిజానికి 15 ఏళ్ళుగా భారత టీ ట్వంటీ టీమ్ లో వీరి జోరు కొనసాగుతోంది. 2022 వరల్డ్ కప్ వైఫల్యం తర్వాత టీ ట్వంటీ టీమ్ కు దూరమైనా కొన్నేళ్ళుగా జట్టు విజయాల్లో వీరి పాత్ర గురించి అందరికీ తెలిసిందే. ముఖ్యంగా కెప్టెన్ రోహిత్ శర్మ సారథిగానే కాదు ఓపెనర్ గా ఎన్నో విధ్వంసకర ఇన్నింగ్స్ లు ఆడాడు. అసలు టీ ట్వంటీ ఫార్మాట్ లో హాఫ్ సెంచరీ చేస్తే శతకం చేసినంత విలువ. అలాంటిది రోహిత్ శర్మ ఒకటి కాదు రెండు కాదు ఏకంగా ఐదు సెంచరీలు బాదాడు. 2007 తొలి టీ ట్వంటీ వరల్డ్ కప్ నుంచి తాజాగా ముగిసిన మెగా టోర్నీ వరకూ హిట్ మ్యాన్ తన రోల్ కు న్యాయం చేశాడు. కెరీర్ లో 159 టీ ట్వంటీల్లో 140 స్ట్రైక్ రేట్ తో 4 వేలకు పైగా పరుగులు సాధించాడు. అలాగే కోహ్లీ నుంచి పగ్గాలు అందుకున్న తర్వాత జట్టును సక్సెస్ ఫుల్ గా లీడ్ చేశాడు. అతని స్థానంలో టీ ట్వంటీ టీమ్ కు ఓపెనర్ గా ఎవరు సక్సెస్ అవుతారనేది చూడాలి. ఎందుకంటే ఓపెనర్ గా గిల్ , జైశ్వాల్ , సంజూ శాంసన్ వంటి యువ ఆటగాళ్ళ రూపంలో ప్రత్యామ్నాయాలు ఉన్నాయి.

మరోవైపు రికార్డుల రారాజు , కింగ్ కోహ్లీ బ్యాటింగ్ గురించి ప్రత్యేకంగా చెప్పక్కర్లేదు. ఏ ఫార్మాట్ అయినా నిలకడగా రాణించడం అతనికి మాత్రమే సొంతం. మధ్యలో పేలవ ఫామ్ తో సతమతమైనా తర్వాత పుంజుకోవడం ఎన్నోసార్లు చూశాం. అన్నింటికీ మించి వన్ డౌన్ భారీ స్కోరును అందించే ఆటగాడిగా విరాట్ కు గుర్తింపు ఉంది. రోహిత్ లానే 2022 తర్వాత టీ ట్వంటీలకు దూరంగా ఉన్నప్పటికీ వరల్డ్ కప్ కోసం రీఎంట్రీ ఇచ్చాడు. ఇక టోర్నీలో ఓపెనర్ గా కోహ్లీ సక్సెస్ కాలేకపోయినా ఫైనల్లో మాత్రం కీలక ఇన్నింగ్స్ ఆడాడు. రోహిత్ కంటే మూడేళ్ళ తర్వాత అంతర్జాతీయ అరంగేట్రం చేసిన విరాట్ ఇప్పటి వరకూ 125 మ్యాచ్ లలో 137 స్ట్రైక్ రేట్ తో 4 వేలకు పైగా పరుగులు చేశాడు. టీ ట్వంటీ ఫార్మాట్ లోనూ ఎన్నో రికార్డులు అందుకున్నాడు. టాపార్డర్ లో నమ్మదగిన బ్యాటర్ గా కోహ్లీకి గుర్తింపు దక్కింది. ఇప్పుడు కోహ్లీ స్థానంలో వన్ డౌన్ కు ఆప్షన్స్ కూడా పలువురు ఆటగాళ్ళు ఉన్నారు. వరల్డ్ కప్ లో రిషబ్ పంత్ ను వన్ డౌన్ ఆడించగా పర్వాలేదనిపించాడు. ప్రస్తుత పరిస్థితుల్లో పంత్ ను అదే ప్లేస్ లో కొనసాగించే అవకాశముంది.

ఇక కోహ్లీ, రోహిత్ తో పాటే టీ ట్వంటీలకు ఆల్ రౌండర్ జడేజా కూడా రిటైర్మెంట్ ఇచ్చేశాడు. ఐపీఎల్ లో రాణించినంతగా జడేజా అంతర్జాతీయ టీ ట్వంటీల్లో తనదైన ముద్ర వేయలేకపోయాడు. కెరీర్ లో 74 మ్యాచ్ లు ఆడి 551 పరుగులే చేయగలిగాడు. లోయర్ ఆర్డర్ కావడంతో ఎక్కువ అవకాశాలు రాకపోవడం దీనికి కారణం. అటు బంతితో 54 వికెట్లు పడగొట్టాడు. బౌలింగ్ కోసమే జడేజాకు ఎక్కువ అవకాశాలు దక్కాయన్నది చాలా మంది అభిప్రాయం. ప్రస్తుతం జడేజా స్థానాన్ని భర్తీ చేసేందుకు పలువురు యువ క్రికెటర్లు ఉన్నారు. స్పిన్ బౌలింగ్ ఆప్షన్ కాకున్నా శివమ్ దూబే, తెలుగుతేజం నితీశ్ కుమార్ రెడ్డి వంటి ప్లేయర్స్ పోటీ పడుతున్నారు. మరికొందరు ఆటగాళ్ళు రానున్న రోజుల్లో వెలుగులోకి రావొచ్చు. మొత్తం మీద వచ్చే ప్రపంచకప్ కు భారత్ , శ్రీలంక ఆతిథ్యమిస్తుండగా… అప్పటి వరకూ షార్ట్ ఫార్మాట్ లో వీరంతా కొనసాగడం కష్టమే. అందుకే గౌరవంగా సరైన సమయంలో సరైన నిర్ణయం తీసుకున్నారని చెప్పొచ్చు. మరి వీరి వీరి స్థానాల్లో ఎవరు తమకు వచ్చిన అవకాశాలను సద్వినియోగం చేసుకుని భర్తీ చేస్తారో చూడాలి.

Also Read: Rahul Gandhi : పార్లమెంట్ ను గ‌డ‌గ‌డ‌లాడించిన రాహుల్ గాంధీ


Follow us
HashtagU Telugu Google News HashtagU Telugu Facebook twitter-icon instagram whatsapp telugu-hashtagu

Tags

  • ravindra jadeja
  • retairment
  • rohit sharma
  • T20 world cup
  • T20I legacy
  • virat kohli

Related News

Cricketers Retired

Cricketers Retired: 2025లో ఇప్ప‌టివ‌రకు 19 మంది స్టార్ క్రికెట‌ర్లు రిటైర్మెంట్‌!

ఈ సంవత్సరంలో ODI ఫార్మాట్ నుండి రిటైర్మెంట్ తీసుకున్న ముగ్గురు క్రికెటర్లు ఆస్ట్రేలియాకు చెందినవారు. స్టీవ్ స్మిత్, మార్కస్ స్టోయినిస్, గ్లెన్ మాక్స్‌వెల్ ODI క్రికెట్ నుండి రిటైర్మెంట్ తీసుకున్నారు.

  • Fitness Test

    Fitness Test: కేఎల్ రాహుల్ సహా కొంతమంది ఆటగాళ్ల ఫిట్‌నెస్‌పై సస్పెన్స్?!

  • Virat Kohli

    Virat Kohli: లండన్‌లో విరాట్ కోహ్లీకి ఫిట్‌నెస్ టెస్ట్!

  • AB de Villiers

    AB de Villiers: విరాట్ కోహ్లీకి షాక్ ఇచ్చిన ఏబీ డివిలియర్స్!

  • Cricket Fitness

    Cricket Fitness: యో-యో టెస్ట్‌తో పాటు బ్రూనో టెస్ట్‌లో పాల్గొన్న టీమిండియా స్టార్ ఆట‌గాళ్లు!

Latest News

  • Modi Govt : న్యాయ వ్యవస్థలో విప్లవం..’రోబో జడ్జిలు’ సరికొత్త ప్రయోగం..

  • Narendra Modi : ట్రంప్‌ వ్యాఖ్యలపై ప్రధాని మోడీ స్పందన

  • Mumbai: అప్పటి వరకు ముంబయి వీధుల్లో డ్రోన్లపై నిషేధం

  • Balapur laddu: బాలాపూర్‌ గణేష్‌ లడ్డూకు రికార్డు ధర..ఈసారి ఎన్ని లక్షలంటే..?

  • PM Modi : భారత్‌–అమెరికా సంబంధాల్లో ఉద్రిక్తతలు : ఐరాస సమావేశాలకు మోడీ గైర్హాజరు!

Trending News

    • Yograj Singh: ధోనితో సహా చాలా మంది ఆటగాళ్లు వెన్నుపోటు పొడిచారు: యువ‌రాజ్ తండ్రి

    • Sara Tendulkar: సచిన్ కుమార్తె సారా టెండూల్కర్‌కు నిజంగానే ఎంగేజ్‌మెంట్ జ‌రిగిందా?

    • IPL Tickets: క్రికెట్ అభిమానులకు తీపి, చేదు వార్త.. ఐపీఎల్‌పై జీఎస్టీ పెంపు, టికెట్లపై తగ్గింపు!

    • New GST: జీఎస్టీలో కీల‌క మార్పులు.. రూ. 48,000 కోట్లు న‌ష్టం?!

    • GST Slashed: హెయిర్‌కట్, ఫేషియల్ చేయించుకునేవారికి గుడ్ న్యూస్‌.. ఎందుకంటే?

HashtagU Telugu
  • Contact Us
  • About Us
  • Privacy & Cookies Notice
Category
  • Telangana News
  • Andhra Pradesh News
  • National News
  • South
  • Entertainment News
  • Trending News
  • Special News
  • Off Beat
  • Business News
Trending News
  • Health Tips
  • Movie Reviews
  • 2024 Olympics
  • Life Style
  • Nara Lokesh
  • Nara Chandrababu Naidu
  • Revanth Reddy
  • kcr

follow us

  • Copyright © 2025 Hashtag U. All rights reserved.
  • Powered by Veegam Software Pvt Ltd