ఐపీఎల్ 2026.. ఆట‌గాళ్ల‌కు కొత్త నిబంధ‌న‌లు!

BCCI Rules

BCCI Rules: ఐపీఎల్ 2026 ప్రారంభానికి ముందు బీసీసీఐ ఆటగాళ్లు, జట్ల కోసం కొన్ని కొత్త, కఠినమైన నిబంధనలను అమలులోకి తెచ్చింది. ప్రాక్టీస్ సెషన్ల నుండి క్రికెటర్ల కుటుంబ సభ్యుల వరకు పలు ఆంక్షలు విధించారు. పర్పుల్, ఆరెంజ్ క్యాప్‌లకు సంబంధించి కూడా కొత్త రూల్ వచ్చింది. అలాగే పోస్ట్ మ్యాచ్ ప్రజెంటేషన్‌లో ఇకపై ఆటగాళ్లు స్లీవ్‌లెస్ జెర్సీలు ధరించి రావడానికి వీల్లేదు.

IPL 2026 కొత్త నిబంధనల జాబితా

ఓపెన్ నెట్ ప్రాక్టీస్‌పై నిషేధం: ఓపెన్ నెట్ ప్రాక్టీస్‌ను నిషేధించారు. ప్రతి జట్టుకు 2 నెట్స్ మాత్రమే కేటాయిస్తారు.

నెట్స్ వినియోగం: ఒక జట్టు తన ప్రాక్టీస్‌ను త్వరగా ముగించినా, వేరే జట్టు ఆ నెట్స్‌ను ఉపయోగించుకోవడానికి అనుమతి లేదు.

టీమ్ బస్సు తప్పనిసరి: ప్రాక్టీస్ రోజున ఆటగాళ్లందరూ తప్పనిసరిగా టీమ్ బస్సులోనే మైదానానికి చేరుకోవాలి.

డ్రెస్సింగ్ రూమ్ ఆంక్షలు: ప్రాక్టీస్ సమయంలో ఆటగాళ్ల కుటుంబ సభ్యులను డ్రెస్సింగ్ రూమ్ వరకు అనుమతించరు. కేవలం గుర్తింపు పొందిన స్టాఫ్ మాత్రమే అక్కడికి వెళ్లాలి.

Also Read: కోమాలో 13 ఏళ్లు.. నేడు తుది శ్వాస విడిచిన హ‌రీష్ రాణా!

కుటుంబ సభ్యులకు వేరే వాహనం: కుటుంబ సభ్యులు మైదానానికి రావాలనుకుంటే సొంత లేదా వేరే వాహనాల్లో రావచ్చు. కేటాయించిన ‘హోస్పిటాలిటీ ఏరియా’లో మాత్రమే కూర్చోవాలి.

LED బోర్డుల రక్షణ: ఎల్‌ఈడీ (LED) బోర్డుల వైపు బంతులు కొట్టవద్దని ఆటగాళ్లకు సూచించారు. అలాగే ఆ బోర్డుల ముందు కూర్చోవడంపై కూడా నిషేధం విధించారు.

క్యాప్ ధరించడం తప్పనిసరి: ఆరెంజ్ క్యాప్ లేదా పర్పుల్ క్యాప్ ఉన్న ఆటగాడు మ్యాచ్ ప్రారంభమైన తర్వాత కనీసం మొదటి 2 ఓవర్ల పాటు తప్పనిసరిగా ఆ క్యాప్‌ను ధరించాలి.

డ్రెస్ కోడ్: పోస్ట్ మ్యాచ్ ప్రజెంటేషన్ సమయంలో ఫ్లాపీ క్యాప్‌లు, స్లీవ్‌లెస్ జెర్సీలు, చెప్పులు ధరించడంపై నిషేధం విధించారు.

ఫిట్‌నెస్ టెస్ట్: మ్యాచ్ జరిగే రోజున ‘మెయిన్ స్క్వేర్’ (ప్రధాన మైదానం)లో ఎటువంటి ఫిట్‌నెస్ టెస్టులు నిర్వహించకూడదు.

శిక్షలు: నిబంధనలు ఉల్లంఘిస్తే మొదట హెచ్చరిక జారీ చేస్తారు. ఆ తర్వాత కఠిన చర్యలు తీసుకుంటారు.

సపోర్ట్ స్టాఫ్ ప్రోటోకాల్: మ్యాచ్ రోజున డాక్టరుతో సహా కేవలం 12 మంది సపోర్ట్ స్టాఫ్ మాత్రమే ఉండాలి. ప్రతి స్టాఫ్ మెంబర్ తప్పనిసరిగా తమ అక్రిడిటేషన్ కార్డును వెంట ఉంచుకోవాలి.

జెర్సీ నంబర్ మార్పు: ఏదైనా ఆటగాడు తన జెర్సీ నంబర్‌ను మార్చుకోవాలనుకుంటే, 24 గంటల ముందే బీసీసీఐకి సమాచారం అందించాలి.

Follow us