Virat Kohli: లండన్‌లో విరాట్ కోహ్లీకి ఫిట్‌నెస్ టెస్ట్!

Virat Kohli

Virat Kohli: బీసీసీఐ ఇటీవల బెంగళూరులో టీమ్ ఇండియా ఆటగాళ్లకు ఫిట్‌నెస్ టెస్ట్ నిర్వహించింది. ఈ క్యాంపులో రోహిత్ శర్మ, జస్ప్రీత్ బుమ్రా, శుభ్‌మన్ గిల్ సహా చాలా మంది ఆటగాళ్లు పాల్గొన్నారు. అయితే విరాట్ కోహ్లీ (Virat Kohli)కి బెంగళూరుకు రావలసిన అవసరం లేకుండానే BCCI అతనికి ఇంగ్లండ్‌లో ప్రత్యేక సదుపాయం కల్పించింది.

లండన్‌లో విరాట్ కోహ్లీకి ఫిట్‌నెస్ టెస్ట్

మీడియా నివేదికల ప్రకారం.. BCCI విరాట్ కోహ్లీకి లండన్‌లోనే ఫిట్‌నెస్ టెస్ట్ నిర్వహించింది. భారత క్రికెట్ చరిత్రలో ఒక ఆటగాడికి ఇలాంటి ప్రత్యేక సదుపాయం కల్పించడం ఇదే మొదటిసారి. విరాట్ కోహ్లీ ప్రస్తుతం లండన్‌లో తన కుటుంబంతో ఉంటున్నాడు. వన్డే క్రికెట్‌లోకి తిరిగి వచ్చేందుకు అక్కడే సన్నాహాలు చేస్తున్నాడు. ఇటీవల లార్డ్స్ క్రికెట్ గ్రౌండ్ వెలుపల అతను శిక్షణ పొందిన తర్వాత ఒక ఫోటో కూడా బయటకు వచ్చింది. కోహ్లీ బెంగళూరుకు రాకుండానే BCCI అతని కోసం ప్రత్యేకంగా నిబంధనలను మార్చింది. కోహ్లీ అన్ని టెస్టులలోనూ పాసయ్యాడు అనేది మంచి విషయం.

Also Read: Kavitha : కవిత సంచలన వ్యాఖ్యలు..నాపై దుష్ప్రచారం, బీసీల కోసం పోరాడినందుకే సస్పెండ్..!

రోహిత్ శర్మతో పాటు ఇతర ఆటగాళ్లు కూడా ఫిట్‌నెస్ టెస్ట్‌లో పాస్

BCCI బెంగళూరులోని సెంటర్ ఆఫ్ ఎక్సలెన్స్‌లో భారత ఆటగాళ్లకు ఫిట్‌నెస్ టెస్ట్ నిర్వహించింది. ఇందులో యో-యో టెస్ట్, బ్రాంకో టెస్ట్ ఉన్నాయి. రోహిత్ శర్మ, శుభ్‌మన్ గిల్, జస్ప్రీత్ బుమ్రా, మహ్మద్ సిరాజ్, యశస్వి జైస్వాల్, శార్దూల్ ఠాకూర్, వాషింగ్టన్ సుందర్, ప్రసిద్ధ్ కృష్ణ, జితేశ్ శర్మ ఈ టెస్టుల్లో పాల్గొన్నారు. నివేదికల ప్రకారం.. వీరందరూ టెస్టులలో పాసయ్యారు. ముఖ్యంగా శుభ్‌మన్ గిల్, జస్ప్రీత్ బుమ్రా ఫిట్‌నెస్‌పై ఆందోళనలు ఉన్నాయి. ఎందుకంటే వీరిద్దరూ ఆసియా కప్‌లో టీమ్ ఇండియాకు ముఖ్య ఆటగాళ్లు.

విరాట్ కోహ్లీ తిరిగి ఎప్పుడు మైదానంలోకి వస్తాడు?

విరాట్ కోహ్లీ టెస్ట్, T20 అంతర్జాతీయ క్రికెట్ నుండి రిటైర్ అయ్యాడు. అతను కేవలం వన్డేలలో మాత్రమే టీమ్ ఇండియా తరపున ఆడతాడు. భారత్- ఆస్ట్రేలియా మధ్య అక్టోబర్ 2025లో 3 వన్డేల సిరీస్ జరగనుంది. ఈ సిరీస్‌లో విరాట్ కోహ్లీ ఆడటం ఖాయమని, అతను అందుకు సన్నద్ధమవుతున్నాడని తెలుస్తోంది.

భారత్ vs ఆస్ట్రేలియా వన్డే సిరీస్ షెడ్యూల్

• మొదటి వన్డే: అక్టోబర్ 19, 2025, పెర్త్ స్టేడియం
• రెండవ వన్డే: అక్టోబర్ 23, 2025, అడిలైడ్ ఓవల్
• మూడవ వన్డే: అక్టోబర్ 25, 2025, సిడ్నీ క్రికెట్ గ్రౌండ్

Follow us