SRH vs HCA: బీసీసీఐకి సన్రైజర్స్ హైదరాబాద్ లేఖ.. హోం గ్రౌండ్‌ను వేరే రాష్ట్రానికి త‌ర‌లిస్తాం!
సన్రైజర్స్ ఉన్నతాధికారులకు రాసిన ఈమెయిల్‌లో HCA ఇలాంటి బెదిరింపులు కొనసాగిస్తే తమ హోమ్ మ్యాచ్‌లను మరో రాష్ట్రానికి తరలించే ఆలోచన చేస్తామని పేర్కొంది.
- By Gopichand Published Date - 10:19 AM, Mon - 31 March 25
SRH vs HCA: పాట్ కమిన్స్ నాయకత్వంలోని సన్రైజర్స్ హైదరాబాద్ జట్టు ఐపీఎల్ 2025లో అద్భుతమైన ప్రదర్శన చేస్తోంది. ఇప్పటివరకు ఆడిన మూడు మ్యాచ్‌లలో రెండు గెలిచింది. అయితే, ఈ జట్టు ఇప్పుడు కొత్త సమస్యలో చిక్కుకుంది. ఆదివారం సన్రైజర్స్ హైదరాబాద్.. బీసీసీఐ, ఐపీఎల్ గవర్నింగ్ కౌన్సిల్‌ను హైదరాబాద్ క్రికెట్ అసోసియేషన్ (SRH vs HCA) తరచూ అనుసరిస్తున్న ‘బ్లాక్‌మెయిలింగ్ వ్యూహం’ను అరికట్టాలని కోరింది. అయితే రాష్ట్ర సంఘం తమపై వచ్చిన ఈ ఆరోపణలను పూర్తిగా తోసిపుచ్చింది.
‘బీసీసీఐ దీనిపై దృష్టి పెట్టాలి’
సన్రైజర్స్ ఉన్నతాధికారులకు రాసిన ఈమెయిల్‌లో HCA ఇలాంటి బెదిరింపులు కొనసాగిస్తే తమ హోమ్ మ్యాచ్‌లను మరో రాష్ట్రానికి తరలించే ఆలోచన చేస్తామని పేర్కొంది. SRH ఒక ఉన్నత అధికారి ఈమెయిల్‌లో ఇలా రాశారు. ‘HCAతో జరుగుతున్న పరిణామాలు, సన్రైజర్స్ హైదరాబాద్ ఫ్రాంచైజీపై వారి పదేపదే బ్లాక్‌మెయిలింగ్ వ్యూహం గురించి నేను తీవ్ర ఆందోళనతో రాస్తున్నాను. ఈ సమస్య తరచూ తలెత్తుతోంది. బీసీసీఐ, ఐపీఎల్ గవర్నింగ్ కౌన్సిల్ దీనిపై తక్షణం దృష్టి పెట్టాలని నేను భావిస్తున్నాను.’ అని రాసుకొచ్చారు.
Also Read: PM Internship Scheme: కేంద్రం కొత్త స్కీమ్.. ఏడాదికి రూ. 66 వేలు, ఈరోజే లాస్ట్ డేట్..!
‘మాకు స్పష్టత కావాలి’
అధికారి మరింతగా ఇలా తెలిపారు. సంఘం నుండి ఉచిత పాస్‌ల కేటాయింపు విషయంలో ఫ్రాంచైజీకి స్పష్టత అవసరమని చెప్పారు. సాధారణంగా మొత్తం టికెట్లలో 5 శాతం ఇవ్వబడుతుంది. ‘ఫ్రాంచైజీ జారీ చేసిన కాంప్లిమెంటరీ టికెట్ల విషయంలో కూడా HCA నుండి మాకు స్పష్టత కావాలి. HCA అధ్యక్షుడు జగన్ మోహన్ రావు, కోశాధికారి/కార్యదర్శితో కలిసి సన్రైజర్స్ హైదరాబాద్ యాజమాన్యాన్ని నిరంతరం బెదిరిస్తున్నారు. వారి డిమాండ్లు నెరవేరే వరకు హైదరాబాద్‌లో ఐపీఎల్ జరగనివ్వమని చెబుతున్నారు.’ అని లేఖ‌లో ఆయన స్ప‌ష్టం చేశారు.
IPL 2025లో ప్రదర్శన
పాట్ కమిన్స్ నాయకత్వంలోని సన్రైజర్స్ హైదరాబాద్ జట్టు IPL 2025లో ఇప్పటివరకు మూడు మ్యాచ్‌లు ఆడింది. అందులో రెండు మ్యాచ్‌ల్లో ఓట‌మి చ‌విచూసింది. వారు రాజస్థాన్ రాయల్స్‌పై భారీ స్కోరు (286) సాధించి గెలిచారు. కానీ లక్నో సూపర్ జెయింట్స్‌తో జరిగిన మ్యాచ్‌లో 191 పరుగులను కాపాడలేక ఓడిపోయారు. తాజాగా ఢిల్లీ క్యాపిటల్స్‌తో జరిగిన మ్యాచ్‌లో 163 పరుగులకే ఆలౌట్ అయ్యి, 7 వికెట్ల తేడాతో ఓటమిని చవిచూశారు.
HCAతో వివాదం
SRH యాజమాన్యం హైదరాబాద్ క్రికెట్ అసోసియేషన్ (HCA)పై బ్లాక్‌మెయిలింగ్ ఆరోపణలు చేసింది. HCA అధ్యక్షుడు జగన్ మోహన్ రావు ఉచిత టికెట్ల కోసం బెదిరింపులకు పాల్పడుతున్నారని, ఈ పరిస్థితి కొనసాగితే హోమ్ మ్యాచ్‌లను వేరే రాష్ట్రానికి తరలిస్తామని SRH.. బీసీసీఐ. ఐపీఎల్ గవర్నింగ్ కౌన్సిల్‌కు ఈమెయిల్ ద్వారా ఫిర్యాదు చేసింది. HCA ఈ ఆరోపణలను ఖండించింది.
